Matiyut 9:14 - Ala Wone Peenok Peebi Mbanak

¹⁴ Yorage nagagerik, wonage me, it Yaya oone waganggwi nogo nen Yetut owagam nogo nogogwaarik, at yogo logonet, “Nit kunduk, it aap Pariti kunduk, mbi nengga'lek ninambe mage negen logonet, tamban eeko monggoorak kwe, it kat koone waganggwi yi perak, nonggop nduk togop eekulik o?”

Matiyut 9:14 ပူးပေါင်းရင်းမြစ်များ

Kini Wuppiige 20:6

Aakumi apit nen, “Nit mbo pinagagun lek o. Niniki mondok kunik eekkinako logogun o,” yogo menggaarak kwe, Aap ambiriluk ambi nen oreeluk mbo pegeelik iniki kundugu lombok eeke menggerak kenok ti, iya aret me, aap ti mendek ta nen kwaakkoorak op mbakop?

Matiyut 11:2

At Yiime Wuppiiga Yaya nogo keele maarogo piigo menggam logonet, Keritut eerit nage nogo aruk konengge nagagerik, at oone waganggwi mendek nen Yetut kin waawak nduk, owagam nappiyareegerak

Matiyut 6:16

Yetut nen wone ambinom yorage logonet, “Kit mbi nengga'lek kinambe mage negen logonet, tamban eekwi kiinok ti, it aap iniki laakot logonet, eekwi nogo nen, Nit mbi nengga'lek ninambe mage negen logonet, tamban eekwi niyaawak o, yinuk, inete ogum warak eekkologo mengga kwak, kit togop logonet, tamban eeko logogup o. It aap togop eekwi paga aakumi wiirogwe nogo, it onggo ti aret kologo menggaarak o, yinuk, abet aret yokkiragi o.

Matiyut 9:15

Yogo mbareegwa, Yetut nen, “Aap kwe kolage me, owe-awot inom laago larak nonggo logonet, it iniki aaninggin nen puru aago logorak mbakop? Lek o. Owe-awot wonogwe iigak, ogonggelo nogo mban wonok noorak eyom panggoni wage nogo paga perak, iniki aaninggin nen mbi nengga'lek inambe mage negen eeppunuk logogun o.

Yaya 3:25

Niyome wuppiigwi wonogwe me, aap Yaya oone waganggwi inom, aap Yakuri mendek ambi inom, nen yi mendek ndi mendek kooriyak wone yugu nogo paga alelo wareegwaarak.

Yaya 4:1

Yetut nen at apuri ambik agago piinok, yiime wuppiige, ndi, Yaya perak, at apuri mbereeret negen agago piinok, yiime wuppiige, eekwi nogo, it aap Pariti mendek inaruk koneneegwaarak. (