Matiyut 9:13 - Ala Wone Peenok Peebi Mbanak

¹³ It aap iniki abe koonak menggaarak kagak inayonggo pikit nduk, an woroolik o. Ata, it aap maluk eeko menggaarak kenok mban inayonggo pikit nduk wagagirak me, Ala nen ari logonet, Kinandomba warogo nake panegak mban eekwi nogo ti, an uugwe lek o. Ata, aakumi inabuwa nen obeelom eeppiigak yuurak ti perak, an, Ao, lombok mbake minggirak o, yinuk, yereegerak liiru mbanak nogo, alom mamunggola nanip o,” yoragagerak.

Matiyut 9:13 ပူးပေါင်းရင်းမြစ်များ

Kini Wuppiige 21:3

Aliku ALA ake warogo wogogwi ti, mbuuluk inikilom mbake menggerak kwe, Abe koonak mban eerit nugwi, eekaatak a'me nggelok eeppiinet nugwi, eekwi iinok perak, inikilom nggwok aret mbake menggerak.

Oteya 6:6

It nen tapi-ndomba nake warogo wo'nugwi ti, an uugwe lek o. Ata, Iniki kunik ee'nako logonet, noone liirogon mugurok nawak lak, ao, mbake, Inaanggumi warogo nake kani kunggwi ti, uugwe lek o. Ata, it nen, Nogoba ti, Ala aret o, yinuk, yuwak lak, ao, mbake, Eeke agarik, yegerak me, yokkiragi o,” yoragagirak.

Matiyut 12:3

Yogo mbareegwa, Yetut nen, “At Ndawut inom nogwe nogo mbi abu aganake mbareegi, eereegwaarak nogo, Ala wone liiru mbanak paga pekkaga'lek ogotik?

Matiyut 12:5

Ndi, Tamban eekwi paga puk logorak, yugu kagak, it Ala unde nogo nen tamban eekwi paga Ala awi wurik me yabu eeko menggaarak kwe, Ala nen, Kit maluk o, yinuk, yoraga'lek we teppiige nogo, Ala wone yugu liiru mbanak malenggo logonet, pekkaga'lek ogotik?

Matiyut 12:7

Ala nen ari logonet, Kambin-ndomba warogo nake panegak mban eekwi nogo ti, an uugwe lek o. Ata, aakumi inabuwa nen obeelom eeppiigak yuurak ti perak, Ao, lombok mbake minggirak o, yinuk, yereegerak wone nogo alom kit kineenu a'netak en, it ugun wonogwe nogo, Maluk eekaarak o, yinuk, kinoone inoba piyanetak lek o.

Matiyut 19:4

Yogo mbareegwa, Yetut nen, “At o aa'nduk togon yi mendek ndi mendek wakkage logonet, aap wakkage, kwe wakkage, eerogo piige nagagerik, ari logonet, Togop me, aap nen agalo-ogoba teppiinok, akweeluk imbirak lambunna'nuk, it ineebe mbere kwe, ambit aret arugun o, yinuk, yereegerak liiru mbanak nogo, kit pekkaga'lek monggotak ya?

Matiyut 21:42

Yogo mbareegwa, Yetut nen, “It yugum paga o wuka nen O wuko logonet, yugum ambi mbo pereegwaarak nogo, Yugum ogowa ndoonnaga o. At ninogoba nen aret eereegerak me, Mondok iya lombok eereegerak kogo nogoorik, Pi wako ogoorik o, yinuk, yereegerak liiru mbanak nogo kit pekkaga'lek ogotik ya?

Matiyut 3:2

“At mbogut paga mendek abu'me pinagarak nogo panggo yi wagaarak me, kit kiniki koombunuk, kinomaluk mbo pinip o,” yinuk, yorage nagagerak. At yorage nagagerak ti,

Matiyut 3:8

Kiniki koombunuk kinomaluk mbo pogotak kenok, eyo anggen obeelom mendek yi'nage menggi kwak, kit togop ndak-ndak aret eeko logonip o.

Matiyut 4:17

Nage nagagerik, Yetut nen, “At mbogut paga mendek abu'me pinagarak panggo yi wagaarak me, kiniki koombunuk, kinomaluk mbo pinip o,” yinuk, wone aa'nduk lombok yoranet nagagerak ti aret.

Marakut 12:26

It aakumi kanggwi ineenik agago mippiyaagin nogo ti, at Muta nogo eyo ku'mbanak alome kani wunuk ari kagak, wonage me, Ala nen at yoreegerak wone nogo liiru mbangge logonet, Abarakam inom, Itak inom, Yakup inom, inogoba Ala ti, an aret o, yinuk, yoreegerak liiru mbaneegerak nogo kit pekkaga'lek ogotik ya?

Marakut 12:33

Ndi, nit niniki inom, nineebe inom, ninomaawi inom, abok aret ninogoba Ala mban niniki kunik logorak. Ndi, nit nineebe niniki kunik eekkologo monggo kwak, ninom wonogwe nogo togop aret niniki kunik aganako logorak ti, nggwok aret o. Ndi, Ala ake warogo apit kani nawak nduk kumbugwi, Ala ake pugwi, eekwi ti, abok mbuuluk me, abet aret yagan o, nogoba.”

Marakut 2:17

Yorogwe nogo at Yetut aruk konengge nagagerik, it yorage logonet, “It kugi andi lek kenok ti, aap ndotet ka noorak mbakulik o. Ata, andi kenok mban obeelom eeginabuwak nduk ndotet ka noorak mbako menggaarak o. It aap iniki abe koonak menggaarak kagak, inayonggo pikit nduk woroolik o. Ata, it aap maluk eeko menggaarak kenok mban inayonggo pikit nduk wagagirak o,” yoragagerak.

Lukat 10:26

Yoge mbareegi, at Yetut nen, “Ala wone yugu liiru mbanak ti, nonggop mbanak o? Kat nonggop pekkage menggendak?”

Lukat 19:10

An aap aret nda'nagagirak yi, it aakumi kobak ogogwaarak nogo kwaarogo inagap ndarikit nduk, wambi wagagirak o,” yinuk, yoreegerak.

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Lukat 5:31

Yorogo mbareegwa, at Yetut nen, it yorage logonet, “It aap kugi andi lek kenok ti, aap ndotet ka noorak mbakulik o. Ata, andi kenok mban obeelom aganabuwak nduk, ndotet ka noorak mbako menggaarak.

Lukat 5:32

An nen it aakumi iniki abe koonak kagak inayonggo pikit nduk woroolik o. Ata, it maluk eeko menggaarak nen iniki koombunuk, inomaluk mbo puwak nduk, aret wagagirak o,” yinuk, yoragagerak.

Yaya 10:34

Yogo mbareegwa, at Yetut nen it yorage logonet, “Kit an Ala pogom wonogwe yokkiragi o, yinuk, yereegerak liiru mbanak wonage nogo lek a?

Nappiigak 11:18

Yorage nogo inaruk konembunuk, it togon inoone lek puk aret wonogogwaarik, “Ti kenok, Ala nen it endekem mendek nogo kunduk, it maluk eeko menggaarak iniki koombunuk mbo pugwi iinok, ineenik logorak koonogo piyareegerak kogo o,” yinuk, Ala wogoppereegwaarak.

Nappiigak 2:38

Yorogo mbareegwa, at Peterut nogo nen, “Kinomaluk lek eerogo pinagawak nduk, kit kinalitak lombok maluk eeko monggotak nogo kiniki koombunuk mbo pinip o. Mbo pugwi kiinok, Yetut Keritut endage paga yiime wuppinagarak o. Ti eekwi kiinok, Ala nen Aberiniki nogo onggo lek we aret wokkiraagin o.

Nappiigak 20:21

Mamunggirage nagagirak nogo ti, kit Yakuri mendek inom, kit Yunani mendek inom, kit maluk eeko monggotak kiniki koonogo mbo punuk, Ala owagam wogwe, kiniki ninogoba Yetut Keritut oba panggombunuk abet mbakwi, eerubagip nduk, liirogon yokkirage nagagirak o.

Nappiigak 3:19

kinogoba Ala nen kit kinomaluk lek eerogo pinagage paga kiniki ale'nggen logonet, ugun tayenak logobagip nduk, kiniki koombunuk kinomaluk mbo pinip o.

Nappiigak 5:31

Mippege nagaarik, kit kinowe endagembogut kinagap ndaka at eenggi abe'nggan logonet, kit aakumi Iterali mendek maluk eeko monggotak kiniki koombunuk mbo pugwi kiinok, kinomaluk lek eerogo pinagawak nduk tiyappegerak aret o.

2 Peterut 3:9

Togop me, ninowe nen, “An peebi woraagin o,” yinuk, yereegerak nogo, it aakumi ando nen, “Mbet-mbet waga'lek yi, pilit yereegerak kwa?” yinuk, mbakwi nogo kwak, kit togop mbako logogup o. Ata, “Ala nen, Aakumi maluk eeppiyoorak ti, neebi o, mba'nuk, nit yi aakumi ndi aakumi abok aret niniki koonogo punuk, ninomaluk mbo puwok nduk, iniki yanggoppunuk, to'ninake wonage,” mbako logonip o.