Matiyut 8:29 - Ala Wone Peenok Peebi Mbanak

²⁹ inoone nggwok paga at yogo logonet, “Ala aput wae. Kat nonggop ee'ninabikit nduk wagan? Ninooriyak eyom awo kagak, ninoorikit nduk wagandak ya?” yoreegwaarak.

Matiyut 8:29 ပူးပေါင်းရင်းမြစ်များ

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

2 Tamuwen 19:22

Ari mbareegi, at Ndawut nen onggo yoge logonet, “Kwe Teruya aagalogwe kit yi, wone at yegerak yi ti, an nobaalombok kagak, kit nonggop nduk ninom ogookkologo ogotik? An yogondak iluk yi aret aakumi Iterali inowe nendagembogut ari nage neegak, aap Iterali mendek ambi wariyak nduk, yogo ogotik?”

1 Endagembogut 17:18

Kangge mbareegi, kwe togwe nogo nen Eliya yoge, “Ala wone liirogon eeka yi wae. An ngge eekirak paga, Keebi, nomba'nuk yi eeppanggendak? An nomaluk nogo Ala nen abeppunuk naagaluk wulaga nogo waruwak nduk, neya wagandak ya?”

2 Endagembogut 3:13

Ka wogo mbareegwa, at Elita nen aap Iterali inowe endagembogut yoge, “Kat an nimbirak yuurak wone ambi wonage kenok wagan a? Kagalo-kogoba wone yoraga nogo nen yokkiruwak nduk, nak o.” Yoge mbareegi, Iterali inowe endagembogut nen onggo ari logonet, “Togop yugun ubi! Nit aap ninendagembogut kenagan yi, waganogo aap Mowap ineenggime pinanikit nduk, Aliku ALA nen ninayonggo pinanegerak kenok, keya wogo o.”

2 Mbinineegwaarak 35:21

Wundi nage nagagerik, li'luk aago wonage me, at Neko nen wone eerogo Yotiya paga nappiya wage logonet, “Kat Yekura inowe kendagembogut wae. Wone an nimbirak ngge yuurak nduk, wagandak? An yogondak wagarak yi, kat nimbirak wim eeruwok nduk woroolik. Ata, Ala nen, Kat kinom wim mbanak nogo mbet-mbet kinom wim eeri nak o, yo'nege mbaki, wagarak nimbirak wonage me, Ala nen koorogo pagakwak, kat eeriyak mba'nuk wagandak nogo paga Ala non mbambuurak mage o,” yinuk, eerogo nappiya wagagerak.

Yowen 3:4

An ngge eeppiigirak paga it Tirut mendek inom, Tiron mendek inom, o Pilitin paga menggaarak abok aret inom, nogo nen an ninom wone yuurak eeko agaarik? An ngge eekirak me, onggo eeppaniyak nduk eeko agaarik o? An ambi eekirak paga eeppaniyak mbakwi iinok, it eeko nogogwaarak onggo an logonuk lek mbet-mbet aret melak togon inoba kwippiyaagin o.

Matiyut 4:3

Mbi abu eereegerak wonage me, at aakumi iniki nggagangge menggerak nogo nen wage nagagerik, Yetut yoge logonet, “Kat Ala aput keenok, yugum yi, mbi aruwak nduk, yoru nda!”

Matiyut 8:30

O nda time wam ambik inogobak eerit ambit me nugwi me,

Marakut 1:24

kwa kunik ari logonet, “Kat Yetut Nataret mendek yi, nonggop ee'ninabikit nduk wagan? Nit lek eerogo pinanikit nduk wagan ilik? Kat Ala aput maluk eekeelik alik leenak menggendak nogo keebe an neenu aret o.”

Marakut 5:7

oone nggwok paga kwa ari logonet, “Yetut wae. Kat Ala tiyanak lombok menggerak aput yi, an nonggop ee'nabikit nduk wagan o? An koorigin lek o, yinuk, Ala endage kumbunuk, yo'niru o,” yoreegerak.

Lukat 4:34

“Yetut wae. Kat aap Nataret mendek me, nit nonggop ee'ninabikit nduk wagan o? Nit lek ee'ninaburak nduk wagan ilik? Kat Ala aput maluk eekeelik mondok obeelom alik leenak menggendak nogo, keebe an neenu aret o.”

Lukat 4:41

Ndi, it aakumi apit kugi inikime unggwagagerak nogo kunduk, obeelom aganake logonet, “Wundi nanip o,” yinuk, kugi nogo yorage mbareegi, inoone kwa kunik yogo logonet, “Ala aput kat aret o,” yinuk, wundit nogogwaarak. Ala nen leenogo mippereegerak Keritut nogo ineenu me, inoone yogwe iigak kwe, at Yetut nen, “Kinoone ambi yuurak mondok lek o,” yinuk, mberiragagerak.

Lukat 8:28

At nen Yetut kage nagagerik, abu'me ngginnari nage logonet, oone nggwok paga, “Yetut wae! At Tiyanak Lombok Menggerak Ala aput kat Yetut yi, an nonggop ee'nabikit nduk wagan o? An nooke keyo nduk, yokkigi o,” yoreegerak.

Yaya 2:4

Yoge mbareegi, at Yetut nen, “An eeke logorak eyom awo panggoni waga'lek me, nagalo kat nonggop nduk, an yo'nege agandik?”

Nappiigak 16:17

at kolaga nogo nen, “At Tiyanak Lombok Menggerak Ala ayeloman kinagap ndariyak wone yokkira wogwe yi, iyaanip o,” yinuk, kwa kunik agan Pawulut ninom ninambokan mu'neren wagagerak.

Yakobut 2:19

Kit nen, “Ala ti, alik aret menggerak abet mbako ogoorik o,” yinuk, mbakwi ti op aret kwe, it kugi kunduk wone ti togop aret abet mba'nuk, inagabiti nen inaganak nuguranet nugu menggaarak kwe, kit perak, abet mba'nuk puk mban wonogwe kiigi o.

2 Peterut 2:4

It malayikat nogo mendek nen maluk eeko mbareegwa, Ala inabuwa nen teppiyareegerak mbakop? Lek o. “Peebi kinowak loonogo pinagagin o,” yinuk, kani omoonu'me mbuun ambena kiiniki paga logowak nduk mbutigeele maarogo wuppiyareegerak wonogwe nogo lek a?

Yurat 1:6

Ndi, at Ala nen it malayikat ando, “Yogop eeko logonip o,” yinuk, o unde eeppiyareegerak kagak, “O yi mban unde logorak nineebi o,” yinuk, mbo pogo mbareegwa, at Ala nen, “An mondok iya tit eeke neyoorak nogo eyom paga inawone amburu mbanogo maluk eekwi onggo inoba piyaakit o,” yinuk, ineebe mondok-mondok mbutigeele paga maarogo o apit me mambiyareegerak wonogwe nogo, kiniki abeko logonip o.

Owak Loongga 11:12

Ti'nuk, aap Yepata nogo nen aap Amon mendek inowe endagembogut nogo yori nawak nduk, wone eerogo nappiige logonet, “Nit alom nano eekoorak paga ninom wim eeriyak nduk, ninawi paga unggwi wagandak?”