Matiyut 8:26 - Ala Wone Peenok Peebi Mbanak

²⁶ Yogo mbareegwa, Yetut nen, “Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagerik, mi'na'nuk, o wiya inom, yi kilaarak-mogonik eeke inom, mberege mbareegi, abolok abu lek puk aret agagerak.

Matiyut 8:26 ပူးပေါင်းရင်းမြစ်များ

Ndawi 65:7

Niyo nggwok yenggenak laut oone wo ari, Kilaarak-mogonik eerogo nippit wage, Eeke nogo abolok lek eerogo pege, Aakumi noone-koone agan nogwe ti, inoone mbanogo piige, Eereegindak o.

Ndawi 89:9

Yi laut ngguk-lagap eerogo wumbi wage nogo, Kat aret unde wonage, Niyo kole yenggenak kilaarak-mogonik eeke nogo, Kat nen abolok lek eerogo pege, Eeke menggendak o.

Yetaya 63:12

At eenggi omaawi ayuk warak nogo paga Muta panggombege kagak woraawak nduk nappi wage, Endage mondok-mondok wiganinuk nawak nduk, inenggaanom paga niyo mogonogo piige,

Nakum 1:4

At nen niyo nggwok yenggenak laut nogo porok yuwak nduk, mberege, Niyo abok poro-poro nawak nduk, eerogo pege, Eeke menggerak o. At wage kagak, o Mbatiyan inom, Karemen inom, nggween mbuk arit nage, O Libanon iri'ngga ambiki warak nogo teebat neyo-neyo nage,

Abakuk 3:8

Kaliku ALA wae. Kat kaguda paga kwi'na'nuk nage, Kanggweendo paga nen wim eeke logonet, keegin tiyak yuwak nduk kwi'na'nuk nage, Eeke logonet, Yi niyo ndi niyo nage nogo kanini inombake logonet, eereegindak ilik? Niyo mbuulogwe-mbaalogwe nage nogo paga kanini oba puurak mbake logonet, eereegindak a? Ilik, niyo nggwok yenggenak laut paga kanini oba puurak mbake logonet, eereegindak kwa? Yu o!

Matiyut 16:8

at Yetut yelok iige nagagerik, “Kit kiniki liirogon abet nombaka'lek yi, roti lek kenok nonggop nduk kiniki piirik logonet, wone yogo ogotik?

Matiyut 17:20

Yogo mbareegwa, at nen, “Kiniki liirogon abet nombaka'lek nogo paga eeriyak meek aret wonogotak o. Kit kiniki abet nombakwi nogo kulok anggen pogom logonetak en, puurom yi yogo logonet, Yime nen tayo yi nage keyaagin o, yogwi kiinok, tayo yi nage kaanetak o. Kiniki mondok abet nombakwi kiinok, kit eeriyak mbakwi nogo ambi eeriyak meek ti lek abok aret eeko logomunggup o. (

Matiyut 6:30

Iri'ngga-kale'ngga endekem mendek yogondak ki lagangge, ndi, ko'lu tekkani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki Ala liirogon abet ombaka'lek mendek yi, mondok iya negen eeppinagage, eerigin lek mbakop?

Matiyut 8:27

Puk age mbareegi, it at oone waganggwi nogo nen, “Wi!” yinuk, pi wako logonet, “Wologwe. O wiya inom, yi kilaarak-mogonik eeke inom, at oone konengge menggerak yi, aap nano mendek mbakop?” yinuk, yereegwaarak.

Lukat 4:35

Yoge mbareegi, at Yetut nen mberege logonet, “Koone puk a'nuk wundi nak o.” Yoge mbareegi, kugi nogo nen aap eebe aakumi inenggela'me nggween paga mbo nggimbege nagagerik, eebe andi yagan waka'lek kagak, kugi nggigik togon wundeegerak.

Oroma 4:20

wone abok yoreegerak nogo, “Arigin ilik, lek kwa?” mbake logolik. Ata, iniki nen, “Mondok abet aret eerigin kagi,” mba'nuk, abet mbareegerak nogo nen wone ti, inikime omaawi arit unggwage kagak, Ala wogoppege nagagerak.

Wayu 10:2

mbuku mbuuluk pirik-perek eerak ambi eenggime mbigamborogo wonage kagarak. Iyok abe'nggan niyo nggwok yenggenak laut nogo ogombaga pege, ndi, iyok kwaare'nggan nggween paga pege, eeppunuk logonet,