Matiyut 8:20 - Ala Wone Peenok Peebi Mbanak

²⁰ Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Matiyut 8:20 ပူးပေါင်းရင်းမြစ်များ

Ndawi 104:12

Towe wiganinuk nugu menggaarak nen Niyo nogo aa'nggi paga inawi wuppunuk wonogwe, Eyoongga enggela'me logonet inoone yogwe, Eeko menggaarak o.

Ndawi 104:17

Eyo ti nogo paga yi towe ndi towe inawi wuppunuk wonogwe, Eyo kilu-kilu abu'na towe lu inawi wuppunuk wonogwe,

Ndawi 109:22

An neenggi lek logonet, tebenak nege, Maale negen ninikime ndanuk yi unggwage,

Ndawi 40:17

An nogo abu tebenak nege, Aakumi ineenggi lek pogom wonage, Eeke neegak kwe, Kat nogoba nen liippanege logot o. Kat nen yeenggwa nege, wondet eerogo panege, Eeke menggendak me, Nogoba Ala wae. Mbo paninuk elaambirik logorak mage o.

Ndawi 69:29

Ala wae. An perak, tebenogo panugwi paga andi lombok ee'nake, Niniki aaninggin ndugu aago wonage, Eeke me, Kat nen nagap ndarogo aaninggin noba wonage nogo Teeluk eerogo panumunggun o.

Ndawi 84:3

Nowe kendagembogut Komaawi Lombok Menggendak Kaliku nogoba Ala wae. Towe yiluwe nen, “An yime aret logokit o,” yinuk, Kawi wurik me awi mbambunuk wonage, Ndi, kake warogo wokkogo menggam eraanu towe wuni'nuk inaagalogwe ndarogo piyoorak awi mbambunuk wonage, Eekwi iinok, An kunduk togop aret logokit lak, “Ao,” mbake agarik o.

Ndaniyen 7:13

Oonikiya ti paga mban nabinggaanggo kage logonet, aakumi inaput ndarak negen ambi o mbogut ya'i ndugwi enggela'me wage nagaarik, at Anggok Ageelik Itok Menggerak kwi'ndak wonage me nogome wage mbaki, at enggaanom paga pi wogwe iigirak.

Matiyut 12:32

Kit an aap aret nda'nagagirak nogo, kinoone miyuk-meya eerogo panugwi kiinok, kinomaluk ti, Ala nen lek eerogo pinagarak kwe, Aberiniki miyuk-meya eerogo pugwi kiinok perak, Ala nen o yogondak inom, peebi inom, kinomaluk ti, lek eerogo pinagagin lek o. Mondok itok kunik aret logogin o,” yinuk, yoragagerak.

Matiyut 12:40

At Yunut nogo, ikan nggwok inikime yonggolak kagak, nogo mbere yinuk, ko'lu kilirogo wumbereegerak nogo kokwak, an aap aret nda'nagagirak yi, nggween abu'na wonage logominggirik, nogo mbere yippunuk, ko'lu neenik a'nuk, mi'narigin o.

Matiyut 12:8

It Yakuri tamban eekwi paga eerit nogo logorak unde nogo ti, aap aret nda'nagagirak an aret o,” yinuk, yoragagerak.

Matiyut 13:37

Yogo mbareegwa, Yetut nen, “Aap awi obeelom mendek yareegerak nogo ti, aap aret nda'nagagirak an aret o.

Matiyut 16:13

At Yetut o Kayitareya Pilipi unggwi nanuk, time nege logonet, at oone waganggwi nogo yorage, “Wologwe! An aap aret nda'nagagirak yi, it aakumi nen ta nomba'nuk yogo agaarik?”

Matiyut 16:27

An aap aret nda'nagagirak yi, an nogoba amindik-amendek li'luk eekko'nok, malayikat ninom wogo logomonggoorik, yi aap ndi aap eeko menggaarak onggo ndak-ndak aret wogora woraagun o.

Matiyut 17:9

Puurom paga nen wambi wogo logonet, Yetut nen, “An aap aret nda'nagagirak yi, kambunuk nogo menggam nen awo mippanega'lek kagak, eeke kinigen neegotak nogo aakumi abu yoraagup o,” yinuk, inaruk wareegerak.

Matiyut 19:28

Yoge mbareegi, Yetut nen, “Kit an ninom nugu monggoorak yi, peebi o mbogut-nggween ngget ogobakkigike eyom paga, an aap aret nda'nagagirak nogo, tiyanak lombok wone lengganinake minggim wonage neegak, kit kunduk wone lengganinako logowam 12 nogome logonet, aap Iterali inanebunu 12 nogo inowak looninako logomunggup o.

Marakut 8:38

It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naana'le mbangga'lek logomonggotak kenok, an aap aret nda'nagagirak yi, peebi an nogoba amindik-amendek li'luk ee'nuk, at ake eeko logorak leenogo piyareegirak malayikat nogo, ninom wogo logomonggoorik, an kunduk, aakumi nagabiti nen kinaana'le mbanigin lek o,” yinuk, yoragagerak.

Lukat 12:8

Wone yorage nagagerik, ambinom yorage logonet, “Kit aakumi inenggaanom, Yetut ti ninowe aret o, yinuk, paganggwi kiinok, an aap aret nda'nagagirak nogo nen it Ala yonggo nappiya wage menggerak malayikat nogo inenggaanom paga, It aap yi, an nawuri aret o, yinuk, paganiraagin o.

Lukat 18:8

Lek o. Mbet-mbet aret inowak loonogo inawone amburu mbanigin o, yinuk, yokkiragi. Togop aret eeginaburak kwe, an aap aret nda'nagagirak wage neenok, it aakumi nggween paga yime iniki noba panggombunuk, abet nombakwi iyaamun ilik, lek a?” yinuk, yoragagerak.

Lukat 2:12

Elege ambi ayum perenogo ndomba iri'ngga nonggo menggam windak wonage kinigen ka nogo logomonggotik, Nogo yi aret, mbarumunggup o,” yinuk, yoragagerak.

Lukat 2:16

Yogo nogogwaarik, puu'nuk Mariya Yutup nogo, elege ndomba iri'ngga nonggo menggam wimbunuk, wonogwe me, pegiya wogogwaarak.

Lukat 2:7

aagaluk manggu aap aret ndareegerak. Ndake nagagerik, o aakumi nogo yugu menggam yagabit age mbareegi, elege nogo yum perenogo kambin-ndomba iname iri'ngga nonggo menggam nogome wimbereegerak.

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

Lukat 8:3

at Keroret ame arum waka endage Kutat akwe Yokana nogo inom, kwe Tutana inom, ndi, kumi alik apit inamendek paga Yetut at oreewi inom inake eeko nogogwaarak nogo inom, Yetut inom nogogwaarak.

Lukat 9:58

Yoge mbareegi, at Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Yaya 1:51

Yoge nagagerik, ambi yoge logonet, “Peebi mbogut keyaappunuk, it Ala yonggo nappiya wage menggerak malayikat nogo nen an aap aret nda'nagagirak pe'neya wambi wogwe, mbogut paga lagi nogwe, eekwi iige logomunggun o, yinuk, abet aret yokkigi o,” yoreegerak.

Yaya 12:34

Yorage mbareegi, it aakumi nogo nen at yogo logonet, “Ala nen, An leenogo mippereegirak Keritut nogo ti, eenik mondok-mondok aret, logogin o, yinuk, yereegerak liiru mbaneegerak nogo, nit konenggwi kwe, At aap aret nda'nagagerak peebi mippuurak, yagandak ti, nonggop yagan o? Aap aret nda'nagagerak ti, ta o?”

Yaya 13:31

Wundi nage kagak, at Yetut nen it ando nogo yorage logonet, “Wologwe! Yogondak Ala nen an aap aret nda'nagagirak nogo tiyappanigin o. Ndi, an eeke nogo paga Ala kunduk tiyak yigin o.

Yaya 3:13

Aap alik ambi abu lek o. An aap aret nda'nagagirak nogo nalik mban mbogut paga nen wambi wagagirak me, ti'nuk, niyokan mbogut paga lagi nagin o.

Yaya 3:14

At Muta o karume logonet, waalo ogut wakkagak eerogo mippereegerak nogo kokwak, an aap aret nda'nagagirak nogo, it aakumi iniki noba panggombunuk, abet nombakwi iinok, mondok-mondok ineenik logowak nduk, an togop aret mippanugun o.

Yaya 6:27

Mbi lek ariyak mendek nogo mban yabu eeko logogup o. Ata, aap aret nda'nagagirak an nogo nen mbi mondok-mondok logorak mendek wokkirage nogo koloorak yabu mban eeko logonip o. An ti mendek aret wokkirage logokit nduk, nogoba Ala nen ineenu agak eerogo paneegerak nogo o.”

Yaya 6:53

Yogo mbareegwa, at Yetut nen it yorage logonet, “An aap aret nda'nagagirak neebe inom, namiya inom, nengga'lek kiinok, kineenik logomunggup mondok lek aret o, yinuk, mondok abet aret yokkirage agarik o.

Yaya 6:62

An aap aret nda'nagagirak wonagagim niyok paga lagangge kinigen neego logomonggotik, kit nonggop nombarumunggup.

Nappiigak 7:56

yorage logonet, “Kinigen nigiyaanip o. Mbogut keyaakerak enggela'me aap aret nda'nagagerak nogo Ala eenggi abe'nggan mi'ndak wonage kagi o,” yoragagerak.

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.