Matiyut 8:17 - Ala Wone Peenok Peebi Mbanak

¹⁷ Ti eereegerak nogo ti, at Ala nen yoge kagak yoraga Yetaya nen ari logonet, “At nen andi-pandi ee'ninake nogo wagangge, Ndi, kugi andi lombok ee'ninake nogo lek eerogo pinanege, Eereegerak o,” yinuk, yoragagerak nogo, a'me lik yuwak nduk, aakumi obeelom aganake nagagerak.

Matiyut 8:17 ပူးပေါင်းရင်းမြစ်များ

Wakkagagerak 22:6

Yorage nagagerik, at Abarakam nen Ala ake warogo kani kuniyak nduk, kani nggaganak nogo waganogo Itak uum paga pege nagagerik, at kani kunik inom, waruk inom, wonok imbirak aret nogogwaarak.

Yetaya 53:4

Nit andi-pandi ee'ninake nogo at nen wagangge, Aaninggin nen niniki wakkologwe nogo, at nen aret piyangge, Eereegerak kagak, Nit mbako logonet, “At ambi eekerak paga Ala nen aaninggin oba pege, eebe wake, Yagan wake logowak nduk, eerogo pege, eereegerak,” mbareegurak kwe,

Matiyut 1:22

Ti yoge kagagerak nogo ti, aap Ala yoge kagak yoraga nen yorage logonet, “At kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret yogo logogun o,” yinuk, yoragagerak nogo, a'me lik yuwak nduk, yoge kagagerak. Endage Imanuwen nogo ti, nit ninoone paga, “Ala Ninom Wonage o,” yogo monggoorak.

Matiyut 2:15

at Keroret nogo awo kangga'lek kenok, time aret puk wonogogwaarak. Ti eereegwaarak nogo ti, Ala yoge kagak yoraga nen yorage logonet, “Naput o Metit time nen woraawak nduk, wiireegirak o,” yinuk, yereegerak, yoragagerak nogo, a'me lik yuwak nduk, eereegwaarak.

Matiyut 2:23

Nage nagagerik, o tini endage Nataret aret puk ari nagagerak. Ti nagagerak nogo ti, it Ala yorage kagak yoraga nogo nen, “At aap Nataret mendek aret yogo logogun o,” yinuk, yereegwaarak nogo, a'me aret agagerak.

Marakut 1:32

Kiyoma-kiyoma oonegen kilu yi nage kagak, it kugi andi inom, it kugi inikime lik yereegerak inom, abok aret wogoren Yetut owagam piya wogogwaarak.

Lukat 4:40

Ti'nuk, oonegen kilu yi nage kagak, aakumi nen inoreewi kugi andi alitik-alitak kunik wonogogwaarak kenok, wogoret Yetut owagam piya wogogwaarak. Piya wogo mbareegwa, it abok aret at eenggi piginake logonet, obeelom eeginabeegerak.

2 Korindut 12:10

Togop me, an meek ee'nake kenok, Ala omaawi eeppanege kagak, nomaawi ambik logonet eerit nage minggirak me, Keritut eeke nagagerak wone wigak yuwak nduk eeke neegak, an eeriyak meek ee'nake, miyuk-meya eerogo panugwi, ambi yo'negak mban eekwi paga niniki taganogo pugwi, piyak-payak eerogo panugwi, aaninggin-paaninggin noba panugwi, eekwi iigak, “Op mban aret ee'nakwi o,” yinuk, niniki tayenak ale'nggen aret minggirak o.

1 Peterut 2:24

It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.