Matiyut 8:16 - Ala Wone Peenok Peebi Mbanak

¹⁶ Ti'nuk, o kiyoma age kagak, it kugi inikime lik yereegerak ineebe ambik aakumi nen wogoret, at owagam piya wogo mbareegwa, Yetut oone paga it kugi nggiginogo wumbiige, it andi kunik mendek abok aret obeelom eeginake, eereegerak.

Matiyut 8:16 ပူးပေါင်းရင်းမြစ်များ

Wundeegwaarak 15:26

Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.

Matiyut 12:22

Ti'nuk, aap ambi kugi inikime unggwagagerak enegen mbuk oone lek me, Yetut owagam wonok wogo mbareegwa, Yetut nen obeelom eeke mbareegi, aap oone lek mendek nogo oone warak age, enegen kage, eereegerak.

Matiyut 14:14

at Yetut yiiro paga nen wundi nage logonet, aakumi ambik kuwak aago enegen iige nagagerik, inabuwa lombok mbake logonet, it kugi andi warak inenggela'me nogogwaarak nogo obeelom eeginabeegerak.

Matiyut 8:15

eenggi pigagangge mbareegi, andi nogo lek a'nuk, kwe nogo mi'nage nagagerik, at ake eeke nagagerak.

Matiyut 8:33

Yi ndonggoninake mbareegi, it wam ndegeninako nogogwaarak nogo, kole mbaganit o kota time unggwi wogo nogogwaarik, it aap kugi inikime lik yereegwaarak obeelom eeginabeegerak inigen kogogwaarak nogo, abok aret mbininogo yorogogwaarak.

Matiyut 9:2

aap ambi eenggi-iyok nggunanak me, at nogo yege menggerak nogo paga aret eewu'nuk, Yetut owagam pi wogo mbareegwa, at Yetut nen it iniki at abet ombakwi yelok iige nagagerik, aap eenggi-iyok nggunanak nogo yoge logonet, “Naput wa! Komaluk nogo lek eerogo pagagirak me, kiniki kwi'ndak logot o.”

Marakut 2:3

Wone yorage wonage me, aap ambi eenggi-iyok nggunanak me, aap 4 nen eewu'nuk, at owagam wonok pi woraawok nduk eereegwaarak mendek

Marakut 5:8

Ti yoreegerak nogo, at Yetut nen, “Kat kugi ogole warak ti, aap inikime nen wundi nak o,” yoge kenok, yoreegerak.

Marakut 9:25

Yoge mbareegi, Yetut eeke me, aakumi kuwak ari wogwe nogo Yetut enegen iige nagagerik, kugi nogo mberege logonet, “Aakumi inaruk logu eeginake, wi eeginake, eeke menggendak kat kugi yi, wundi nak o. Wundi nage logomenggendik, ti'nuk, peebi unggwi woroorak abu mage yokkigi o,” yinuk, yoreegerak.

Lukat 13:12

Meek aret wonage me, at Yetut nen kwe nogo enegen kage nagagerik, wiireegerak wage mbareegi, yoge logonet, “Kwe yi wae! Andi nogo abu lek eekkaki o,” yinuk,

Lukat 4:40

Ti'nuk, oonegen kilu yi nage kagak, aakumi nen inoreewi kugi andi alitik-alitak kunik wonogogwaarak kenok, wogoret Yetut owagam piya wogogwaarak. Piya wogo mbareegwa, it abok aret at eenggi piginake logonet, obeelom eeginabeegerak.

Lukat 4:41

Ndi, it aakumi apit kugi inikime unggwagagerak nogo kunduk, obeelom aganake logonet, “Wundi nanip o,” yinuk, kugi nogo yorage mbareegi, inoone kwa kunik yogo logonet, “Ala aput kat aret o,” yinuk, wundit nogogwaarak. Ala nen leenogo mippereegerak Keritut nogo ineenu me, inoone yogwe iigak kwe, at Yetut nen, “Kinoone ambi yuurak mondok lek o,” yinuk, mberiragagerak.

Nappiigak 5:15

It nappiigak togop eerit nogwe me, Peterut nage kenok agalu'mak mbaaninabuwak nduk, aakumi andi agaatak eewugeren enaani tu paga piya wogwe, ando wogoren wa'nuk, lit ndoonogo tu nggwok paga piigwi, eeko nogogwaarak.