Matiyut 7:28 - Ala Wone Peenok Peebi Mbanak

^28-29 At Yetut nen wone yi nogo abok aret yorage mbareegi, it aakumi kuwak aago nogo at oone mamunirage inaruk konenggo nogogwaarik, “Ie! Aap yi, it Ala wone liiru mbanak unde nen yo'nirogo mengga kwak yo'nirage lek o. Wone ti, at unde nen aret ari me, wi!” yinuk, pi wareegwaarak.

Matiyut 7:28 ပူးပေါင်းရင်းမြစ်များ

Ndawi 45:2

Aap ando obeelom negen iigak, Kalik perak, abu obeelom lombok wonage, Koone abu abe yanggorogon mban ari, Eeke menggendak me, Ala ale'nggen koba pagareegerak Mondok-mondok aret wonage agaarik o.

Matiyut 11:1

At Yetut nen it at oone waganggwi 12 nogo, “Ndogop eeko logonip o,” yoraanuk, o time nen aakumi inawi kota-kota lombok wone mamunirage, aakumi obeelom wone yorage, eerit nagagerak.

Matiyut 19:1

At Yetut nen wone nogo abok yorage nagagerik, o Nggalileya teppunuk, tu yi Yoraran enebagan nen o Yureya unggwi wagagerak.

Matiyut 22:33

Yorage mbareegi, it aakumi ambik kuwak aago at mamunirage nagagerak nogo inaruk konenggo nogogwaarik, “Wi,” yinuk, pi wareegwaarak.

Matiyut 26:1

At Yetut wone ti abok aret yorage nagagerik, it at oone waganggwi nogo yorage logonet,

Matiyut 7:27

Wuppunuk wonage me, o mayu wage, niyo nggwok wu'nuk wage, o wiya wake, eeke logonet, o wurik nogo panggonggagak eeke logonet, langgonogo yigirik-noonom mondok iya tit eerit nagagerak o,” yinuk, yoragagerak.

Marakut 1:22

It at oone mamunirage inaruk konenggo nogogwaarik, “Ie! Aap yi, it Ala wone liiru mbanak unde nen yo'nirogo mengga kwak yo'nirage lek o. Wone ti, at unde nen aret ari me, Wi!” yinuk, pi wareegwaarak.

Marakut 11:18

Yorage mbareegi, it Ala unde inoweewi inom, it Ala wone liiru mbanak unde inom, nogo nen wone yoragagerak nogo inaruk konenggo nogogwaarik, “Nonggop eerogo waruwok o?” yinuk, abok mbaneegwaarak kwe, it aakumi abok kuwak aago nogo, wone mamunirage paga pi wako mbareegwa, at pigoorak inagabiti nen puk ogogwaarak.

Marakut 6:2

Wogo nogogwaarik, Yakuri tamban eekwi paga it tamban eeko menggam unggwage nagagerik, wone mamuniragagerak. Wone awo mamunirage kagak, it at oone koneneegwaarak nogo nen, “Yi wone ndi wone yi abok aret, at ngga nen waganggerak paga ari agaarik mbakop? Aap iniki warak oone negen ari yi, wone nano wone waganggerak paga ari agaarik o? Ndi, eerubok eeke yi, nonggop togon eeke agaarik mbakop?” yogo nogogwaarik, “Wi!” yinuk, pi wako logonet,

Lukat 19:48

aakumi nen at wone yorage nogo iniki kundugu lombok eeko logonet, inigen at mban pippak ugwi me, “Nonggop waruwi kwe?” yinuk, puk ogogwaarak.

Lukat 2:47

It aap apit at oone koneneegwaarak nogo nen at wone abok eenu logonet, wone onggo yorage nogo kogo nogogwaarik. “Wulaga yi, abok eenu logonet, ari wi!” yinuk, pi wareegwaarak.

Lukat 4:22

Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.

Lukat 4:32

Wone mamunirage logonet, at oone omaawi paga yorage me, aakumi nen, “Ia!” yinuk, inagabiti ogogwaarak.

Lukat 7:1

At Yetut aakumi inenggaanom wone abu yorage nagagerik, o Kaperenawum unggwi wagagerak.

Yaya 7:15

Mamunirage kagak, it aap Yakuri nen, “Wi!” yinuk, pi wako logonet, “Aap yi, tekola eerulik kwe, yi wone ndi wone alom nonggop togon eenu age nagaarik, ari mbakop?”

Yaya 7:46

Yorogo mbareegwa, it aap nogo nen, “Aakumi togop ambi yogwe iigulik lombok at aap ti ari kogoorak me, iya!”