Matiyut 7:21 - Ala Wone Peenok Peebi Mbanak

²¹ Yorage nagagerik, wone ambinom yorage logonet, “It aakumi inoone paga nen mban, Ai, ninogoba. Ai, ninogoba. Yo'nogo menggaarak nogo abok tigitogon at mbogut paga mendek abu'me piyaagin mondok lek o. An nogoba mbogut paga mendek iniki mbake nogo ndak-ndak eeko menggaarak kenok mban at abu'me piyaagin o.

Matiyut 7:21 ပူးပေါင်းရင်းမြစ်များ

Matiyut 12:50

Yi aap ndi aap an nogoba mbogut paga mendek iniki mbake ndak-ndak eeko menggaarak kenok ti, nagalo-nawurilogwe it aret o,” yinuk, yoragagerak.

Matiyut 16:17

Yoge mbareegi, Yetut nen, “Yunut aput Timon nore wa. Aakumi nen paganogo yokkirulik o. Ata, an nogoba mbogut paga mendek nen aret paganogo yokkegerak me, kiniki ale'nggen aret mbake logot o.

Matiyut 18:10

Yorage nagagerik, ambinom yorage logonet, “It elege-aabologwe inarum wako menggaarak malayikat nogo nen an nogoba mbogut paga mendek enggaanom paga mondok-mondok paganogo yogo menggaarak me, kit nen elege-aabologwe yi, meek inombakwi kiyo, kiniki liippogo logonip o.

Matiyut 18:19

Ndi, ambi yi yokkira o. Aap mbere ilik, kenagan a, Nit Yetut oone waganggwi mendek aret o, yinuk, kuwak eekwi kiinok, an kinenggela'me taati ninom aret logogin me, kit o nggween paga yime kinore ambi kimbirak kiniki ambit a'nuk, Ndogop eeppinanu o, yinuk, Ala nggino yogwi kiinok, an nogoba mbogut paga mendek nen eeppinagage aret kaamunggup o,” yinuk, yoragagerak.

Matiyut 18:3

“Kit aap yi, kiniki koonggwi ti, lek eerogo punuk, elege mbuulogwe yogop yi arumunggup lek kenok, at mbogut paga mendek abu'me piige menggim unggwi namunggup mondok lek o, yinuk, abet aret yokkiragi o.

Matiyut 18:35

Yoge nagagerik, “Kit kinoreewi maluk eeppinagagwi nogo, kinalitak lombok abet aret kinami eerogo piigwi lek kiinok, an nogoba mbogut paga mendek nen kit togop aret eekkinabigin o,” yinuk, yoragagerak.

Matiyut 19:24

Ndi, ambi yi yokkira. Unta eeruwak paga keeleluwi laanak nggwok kagak, liiru eno mbuuluk pelenak me unggwi noorak op negen kwe, aap eenggi warak kenok perak, Ala abu'me piige menggim unggwi noorak ti, meek negen aret o.”

Matiyut 25:10

Yorogo mbareegwa, kunggola nogwe iigak, at kwe kolage nogo wage nagagerik, it pipuk eereegwaarak nogo inom laago larak noorak nduk, oome unggunuk, tu nareegerak.

Matiyut 25:21

Yoge mbareegi, ogoba nogo nen, Naput wa. Kat nayeloman liirogon obeelom eeke menggendak yi, mondok op aret eekendak o. Kamendek mbuuluk paga liippunuk unde wonagandak me, nggwok apit unde logonok nduk, mippagaminggirak logonet, an kogoba nale'nggen kage minggirak nimbirak ndak-ndak kage logonok nduk, mok o.

Matiyut 26:39

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Matiyut 26:42

Yoge nagagerik, ne ambi teppiinok nage nagagerik, Ala yoge logonet, “Ai, nogoba. An ee'naburak amburu toolak kwak yi, nengga'lek me teppaniyak meek kenok, kat kiniki mbake aret eerigin o,” yinuk, tamban eereegerak.

Marakut 3:35

At Ala iniki mbake nogo ndak-ndak eeko menggaarak kenok ti, an nagalo inom, nawuri wologwe-komologwe inom, nogo it aret o,” yoragagerak.

Marakut 9:47

Kinigen peenok imbirak wonage kagak, kani omoonuk wunuk mban ari menggim time mbo pinagarak ti, maluk aret me, kinigen paga maluk eeriyak eekkinake kenok, peenok kilirogo pinip o. Kilirogo punuk, peenok paga mban at Ala abu'me unggwi noorak perak, op o.

Lukat 11:28

Yoge mbareegi, at Yetut nen, “At nogo mban lek o. It Ala wone liirogon konembunuk, eerit nugu menggaarak iinok perak, iniki ale'nggen aret mbako logogun o,” yinuk, yoragagerak.

Lukat 13:25

At o unde nen mi'na'nuk, tu nake mbaremenggi, kit endekem tu puk-puk eeko logonet, Nogoba! Tu paa'niyet o, yorumonggotak kwe, at nen, Kit aap nggeeme nen wogop? Kit an neenggo'lek o, yokkirage kenok,

Lukat 18:25

Unta eeruwak paga keeleluwi laanak nggwok kagak liiru eno mbuuluk pelenak me unggwi noorak op negen kwe, aap ineenggi warak nogo perak, Ala abu'me piige menggim unggwi noorak ti, meek negen aret kagi o,” yoragagerak.

Lukat 6:46

Yorage nagagerik, ambinom yorage logonet, “Kit an yokkirage minggirak nogo eeka'lek logonet, nonggop nduk, Ai, nogoba! Ai, nogoba! mban yo'nogo ogotik?

Yaya 14:7

Kit abet aret an kineenu wonogwe kenok, an nogoba kunduk, kineenu aret wonogwe o. At eebe kinigen kogotak me, yogondak yi kuli paga nen at kineenu aret o,” yinuk, yoragagerak.

Yaya 15:23

It aakumi nen an ineebi nombakwi iinok ti, an nogoba kunduk, ineebi ombakwi aret o.

Yaya 3:5

Yoge mbareegi, at Yetut nen, “Aap ambit-ambi niyo paga inom, Aberiniki paga inom, ngget ndaka'lek kenok, Ala abu'me piige menggim unggwi nagin mondok lek o, yinuk, abet aret yokkigi o.

Yaya 5:17

Eerogo pit nogwe iigak, at Yetut nen it yorage logonet, “An nogoba o aa'nduk nen nok, o yogondak yi kuli paga eeke menggerak me, an kunduk, togop aret eeke minggirak o,” yoragagerak.

Yaya 6:40

An nogoba nen eeriyak mbake nogo ti, Ala aput an kinigen liippaninuk, kiniki noba panggombunuk, abet nombakwi kiinok, mondok-mondok kineenik logorak mbake menggerak ti aret o. Ndi, peebi o age wobok paga an nen kineenik agago mippinagagin o,” yinuk, yoragagerak.

Yaya 7:17

Ala nen eeriyak mbake nogo, Eeruwok, mbakwi kiinok, an wone mamunggirage nogo ti, Ala nen yo'nege kagak, mamunggirage a, an mbake paga mamunggirage a, nogo ti, kineenu arumunggup o.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Oroma 12:2

It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

Oroma 2:13

At Ala nen Muta yoreegerak wone nogo ti, we inaruk mban konenggwi paga lek o. Ata, inikime nen liirogon woppunuk eebe aret eerit nogwe paga Ala nen, “Aap ti obeelom aret kagi o,” yinuk, yoge menggerak.

Epetut 6:6

Eerit nogo logonet, inikilom kinombaruwak nduk, inigen iigak mban eeko logorak ti lek o. Ata, “An Keritut ayeloman aret me,” yinuk, Ala iniki mbake menggerak nogo, “Eerikit o,” yinuk, kiniki obeelom yanggonak paga eeppiinet nogo logonip o.

Kolote 4:12

Ndi, at kinoreeluk Epaparat inom keyage wappinagage o. At Keritut Yetut ayeloman aret me, kit abet mbareegutak nogo mondok nu'lek porogo logonet, kiniki kole ogwe, ndi, “Ala nen nit eeriyak ninombareegerak nogo yi aret o,” yinuk, abet mbako logonet, eerit nogwe, eekwi kiyaawak nduk, abuwa warak nggo-nggo logonet kinake tamban eeke menggerak o.

1 Tetalonika 4:3

At Ala nen kit maluk eeka'lek at ake leenak logorak mbake nogo ti, kit kumi ugun wurinabit noorak mage nduk, yereegerak o.

1 Tetalonika 5:18

Keritut Yetut kinom kunik logonet, eerit nogwe kiinok, yi mendek ndi mendek eeppinagagwi nogo ti, Ala mbareegerak paga aret eeppinagagwi me, “Wa,” mban yogo logonip o.

Titut 1:16

It aap ti nen yogo logonet, “Ala nineenu o,” yogo menggaarak kwe, it eerit nugwi paga nen perak, “Ala nineebi,” mbako logonet, yogwe yelok iigo monggoorak. Ala wone konengga'lek taganogo pit nogo logonet, obeelom ambi eekulik maluk mban eekwi me, inogole warak aret iigo monggoorak o.

Iberani 13:21

at Ala eeriyak mbake menggerak nogo, kit mondok ndak-ndak eeko logobagip nduk, yi mendek ndi mendek abe mendek kenok mban li'luk eerogo wokkirage, ndi, Yetut Keritut eereegerak paga kit eeppinagarak inikilom mbake menggerak nogo eeppinagage, eeke logogin me, at endage mondok-mondok tiyappogo logowok o. Amin!

Iberani 4:6

it aa'nduk obeelom wone yorogogwaarak nogo, taganogo mbo pereegwaarak paga Ala yonggonggolage menggim unggwi noolik me, inobaane'me aakumi alik mendek inom yonggonggola ungguwak nduk yereegerak kogo o.

Yakobut 1:22

Ala wone kinaruk mban konenggwi kenok, kit aret kinambokan laganggologwe me, kinaruk mban konenggak eeko logorak ti mage o. Ata, konembunuk, eebe aret eeko logonip o.

1 Peterut 2:15

It wone lengganogo yokkirogwe nogo ndak-ndak eerit namonggotak paga, aakumi iniki lek we ugun agan nogo menggaarak nogo, at Ala nen, “Inoone taganogo piigo logowak,” kinombareegerak me, kinogobamini nogo nen wone lengganogo yokkirogwe iinok, “E o,” yinuk, konenggo logonip o.

1 Peterut 4:2

Kit togop aret eerogo patinuk wonogwe kiinok, o yogondak kuli nen nggween paga yayi wonogo logonet, kiniki nen nengge nogo mban mugurok nogo logorak lek o. Ata, Ala iniki mbake nogo mban ndak-ndak eerit nogo logonip o.

Wayu 22:14

Yo'nege kage nagarik, “It inambogoyum laambu kookkologo menggaarak nogo, Eyo ineenik aganaka anggen nunggwi, ndi, o kota tu paarak mban wonage yime nowagam unggwi wogwe, eeko logonip o, yinuk, yorage neenok, iniki ale'nggen mbakak o kota unggwi nogwe iigak kwe,

Wayu 3:5

Ndi, it Ala wone mbo pega'lek mondok nu'lek porogo logonet, mugurok nogwe me, an wage logominggirik, aakumi mondok-mondok ineenik logorak inendage mbuku paga liiru mbanak wonage nogo, an kagaarigin lek o. It togop aret inayum abu laambu yippiige logominggirik, an nogoba inom, at ayonggo malayikat inom, inenggaanom paga, It aap yi, an nawuri aret o, yinuk, yoraagin o.