Matiyut 7:15 - Ala Wone Peenok Peebi Mbanak

¹⁵ Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Matiyut 7:15 ပူးပေါင်းရင်းမြစ်များ

1 Endagembogut 13:18

Yoge mbareegi, aap anggok Ala nen yoge kagak yoraga nogo nen wone pilit aret yoge logonet, “An kunduk Ala nen yo'nege kagak yoraga kat pogom aret me, Aliku ALA ayonggo malayikat nappi wagaarak nogo nen an yo'nege logonet, Aap ti, oroti inom, niyo inom, nawak nduk wonok kame kimbirak nak, yo'negerak o.”

Yeremiya 29:21

It aap Kolaya aput Akap inom, Maateya aput Terekiya inom, nen, “Ala yegerak me, yokkirogo o,” yinuk, Ala endage kunogo pilit yokkirogwe iinok, at Omaawi Lombok Menggerak Iterali inogoba Aliku Ala nen yegerak nogo yi aret. “An nen aap mbere ti, it Mbaben mendek inowe endagembogut Nebukanetat eenggime wogoge neenok, it ineebe ti, inoreewi inenggaanom paga aret inoorigin o.

Yeremiya 29:32

Naliku ALA nen, Aap Nekelam mendek endage Temaya ti nen, Aliku ALA ari nogo woorak, Nineebi, mbako logonip o, yinuk, yorage nagagerak paga, at inom, at paga wiganak inom, aaninggin abet aret inoba kwippiyaagin me, it aap inanobak ti mendek ambi it inenggela'me time iigak, an napuri obeelom eeppiyaagin nogo, inigen kaagun abu lek aret o, yinuk, Aliku ALA nen aret yegerak me, Wone yogop yegerak o, yinuk, wone eerogo nappiyet o,” yinuk, yoreegerak.

Yetikiyen 13:16

it Iterali mendek nen, Ndogop arigin, yaga nogo it aret me, o Yerutalem eeppuurak inabinggaanggo kogo logonet, iniki ugun tayenak logorak lek kagak, Kiniki ugun tayenak logonip o, yinuk, yorogwe nogo kunduk, ineebe lek ogwe, eekerak, yoraagin o, yinuk, Naliku Nitok Minggirak an ALA nen aret yagi o,” yinuk, an yo'nereegerak.

Yetikiyen 13:22

An nen iniki aaninggin eeppiiga'lek neegak, it pilit pugunit nogwe paga aap iniki abe koonak nogo, iniki aaninggin ndugu eerogo piinet nogwe, ndi, it aap maluk eeka nogo, it maluk eerit nugwi mbo punuk, inagap ndakkologwe iyo, iniki nomonogo piigwi, eeko nogogwaarak me,

Yetikiyen 22:25

It aakumi inoweewi nagawan o time wonogwe nogo nen iniki ambit eeppunuk koonggo logonet, singa nen at noorak tebembunuk nibinogo nengge logonet, oone maluk ndi wuke menggi kwak, it aakumi inambeme yonggorinakwi, yi mendek ndi mendek onggo nggwok inom, iniki kundugu inom, ndinggologwe, eekwi paga o time it kumi nanu ambik eerogo piigo agaarik o.

Yetikiyen 22:27

It aap inoweewi inengga warak o time inenggela'me wonogwe nogo ti, nggwiya it noorak mendek nibinogo nonggo mengga kwak logonet, aakumi inamendek kolaawok nduk, ineebe inoorogo piinet nogwe, inenggaawak lek eerogo piigwi, eeko agaarik o.

Ndaniyen 11:34

Ti eeginakwi iigak, it mbuuluk mban yeenggwaarogo logogun kwe, it aakumi apit aret, Nano paga nukkolaawi? yinuk, inom arugun o.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Takariya 13:4

Ne ti paga it aap, Nabinggaanggo ndogop kagarak o, yinuk, yorogo nogogwaarak abok aret inenggali arugun me, it aap Ala nen yorage kagak yoraga inayum nggorek unta eeruwak paga penggaarak yiko nogogwaarak nogo, pilit kagak abet mbaruwak nduk, yiko nogogwaarak me, it ambinom yikkologo logogun lek aret o.

Matiyut 10:17

Aakumi nen it wone amburu mbanggo menggam pikkiren nogwe, Yakuri tamban eeko menggam nen ya'mbiran nggora eerogo kinookwi, eekkinabugun me, liippunuk, kiniki tum wako logomunggup o.

Matiyut 16:11

Yi abe roti yinuk, yo'nirage lek o. Ata, it aap Pariti aap Taruki inom inoone nogo ti, roti piike menggerak nogo kokwak aret me, waganggwi niyo, niniki tum wako logowok nduk yo'nirage o, yinuk, yuurak op aret kwe, nonggop nduk liippega'lek ogotik?”

Matiyut 16:6

Yetut nen it nogo yorage logonet, “It aap Pariti mendek inom, aap Taruki mendek inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o.”

Matiyut 24:11

Ndi, aap ambik wogo logomenggaarik, we piliret, Ala nen yo'nege ambi yokkira o, yinuk, aakumi ambik iniki nomoninabugun o.

Matiyut 7:14

Ineenik ogo menggam unggwi noorak ti, tunggambe mbuuluk mbanak, ndi, tu nogo menggam kunduk kunik me, aakumi mbereeluk mban kwaakkologo nagaatik, unggwi nogo menggaarak o,” yinuk, yoragagerak.

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Lukat 6:26

It aakumi yi, inombomini nen aap pilit wone yorogwe iigak kwe, tiyappiigo nogogwaarak nogo ndak-ndak, it aap abok nen kinendage tiyappinagagwi iinok, kinabuwa o,” yinuk, yoragagerak.

Yaya 10:12

it aap ando nen, Yi nit ninandomba lek me, yinuk, liirogon ndegeninaka'lek, We onggo kolaawok, mba'nuk, ndegeninakwi nogo nen perak, mba'ngge wage inigen kogo nagaatik, ndomba mbo piinok, mbaganggo menggaarak. Mbaganggwi iigak, mba'ngge nogo nen ndomba eyak nggereniige logonet, mappiige menggerak.

Nappiigak 13:40

Togop me, Ala nen yorage kagak yoraga nogo nen yogo logonet,

Nappiigak 13:6

Yi yenggenak oolo nggween kup mbanak me nogome ambime unggwagak eerit o Papot unggwi nogogwaarak. Unggwi nogo nogogwaarik, aap Yakuri mendek ambi endage Mbareyetut tili pagangga me, tili pagangge logonet, pilit pugunit nege menggerak nogo inom aabuk ogogwaarak.

Epetut 4:14

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggi kwak, elege-aabologwe ti, togop aret wonogwe me, kit kunduk togop logonet, it aakumi pilit wone yogo menggaarak nogo nen aakumi inambo'me laganuwok nduk, iniki koombunuk, inoone amburu paga nomoniren nawok nduk, agan nugwi wone ti mendek kit ugun konenggo logorak mage o. Ata, Keritut iniki mondok kole menggi kwak, nit togop aret niniki kole eeppinanit wundi wage kenok, nit elege-aabologwe togop ti ndak-ndak logogun lek o.

Epetut 5:6

It Ala wone tagambunuk, maluk ti mendek eerit nogwe iinok, Ala anini inoba piige menggerak me, it ugun kobak menggaarak nogo nen inoone amburu ndik-ndik agan wogo logonet, kinambokan laganggwi iyo, liippogo logonip o.

Pilipi 3:2

It aap nggeewo negen maluk lombok eeko menggaarak nogo, kiya wogo logonet, “Kinagabolo mbaninip o,” yinuk, yokkira wogwe iyo, liippunuk kiniki tum wako logonip o.

Kolote 2:8

It aakumi ambi eeppiyoorak lek kagak we inambokan laganuwok nduk, iniki koonogo yorogo menggaarak nogo ti, Keritut wone lek o. Ti, it inombomini wandek inom, it kugi inayuk wuko menggaarak nogo inom, inoone mamunik aret agan nugwi me, keele maarak negen it inabu'me logonet, inoone mban konenggo logobagip nduk, kit kinambokan laganggwi iyo, tum wakkologo logonip o.

2 Timotiyut 3:13

Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe,

2 Timotiyut 4:3

It aap wone kole wone mamunik nogo koneniyak, “Nineebi o,” yuurak eyom panggoni woraagin. Panggoni wage kenok, it aap ti nen, “Wone ngge yogwe iyaamun?” yinuk, inaruk nggoonit nogo logonet, wone it inikilom mbako menggaarak mban yogwe iinok, inabu'me unggwogo logogun o.

2 Peterut 3:17

Ti kenok, nowe-nawot o. Kit an niniki kunik me, wone yokkiragarak nogo ti, abu kineenu aret o. Kineenu aret me, it Ala wone taganogo punuk inoone ugun agan nugwi paga nomongginakwi iinok, kit wone abet mba'nuk waganeegutak mondok nu'lek obeelom porogo wonogwe nogo, mbo punuk, it agan nugwi nogo mugurok nogo logokwak, mondok kinagaket paga logonip o.

1 Yaya 4:1

Noreewi niniki kunik yi wae. “Aberiniki nen yo'nirage kenok, yokkira wogo o,” yogwe iinok, inoone abet mba'nuk ugun woorak mage o. It pilit wone yoraga nogo nen yi awi ndi awi abok aret yoranet nugwi me, “At Ala nen abet aret nappiya wagaarak agan wogwe ilik, it iniki koombunuk nen agan wogwe a?” yinuk, inabut mbambunuk inoone konenggo logomunggup o.

Wayu 16:13

Kage nagarik, nenegen neegak, waalo nggwok tinambe pogom nogo ambeme inom, nggeewo anini warak niyome nen wundi wagaarak nogo ambeme inom, ndi, aap pilit wone pugunogo yorage menggerak nogo ambeme inom, time nen ogolem pogom kugi maluk lombok ineebe kenagan wundi wogwe iigirak.

Wayu 17:6

It Ala apuri ake leenak inom, Yetut eeke nagagerak wone mbo pega'lek mondok mugurok nogo menggaarak ineebe inom, kwe nogo nen inooppiinok, inamiya anggur amburu negen nenok, kumili kunggerak kage nagarik, “Wi!” mbakirak.

Wayu 19:20

Ti eekwi iigak kwe, at nggeewo anini warak aa'nduk lagi wagaarak eebe nogo inom, ndi, it aakumi inenggaawak paga nggeewo aa'nduk lagi wagaarak endage liiru mbanak wonok nugwi, at ogut eerak nogo alut eekwi, eeruwak nduk, awone kilirik paga inagabiti warak mendek eerit nage logonet, inambokan lagangge menggerak nggeewo peebi lagi wagaarak eebe nogo inom, imbirak ineenik ngge-ngge pigogo kani omoonuk wunuk mban ari menggim nogome nappiige kagarak.

Wayu 20:10

Ndi, at aakumi inambokan lagangga Tile nogo, pigogo kani omoonuk wunuk mban ari menggim at nggeewo anini warak aa'nduk lagi wagaarak inom, at ore peebi lagi wagaarak pilit wone agan nege nagaarak nogo inom, imbirak wonogwe me nogome mbo nappege mbaki, liingge-kiyoma kani eyak andi nen mondok-mondok yagan yobak-nggolak wakwi iigirak.