Matiyut 7:11 - Ala Wone Peenok Peebi Mbanak

¹¹ Lek o. Kit aap maluk mendek kwe, kinapurilogwe nen yokkirogwe iinok, obeelom mendek wogorogo monggotak nogo ndak-ndak, kit kinogoba mbogut paga mendek nogo nggino yogwi kiinok, at togop aret obeelom mendek mondok iya negen wokkirage kaamunggup o.

Matiyut 7:11 ပူးပေါင်းရင်းမြစ်များ

Wakkagagerak 6:5

Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

Wakkagagerak 8:21

Nogo warogo kani kuneegerak obari Aliku ALA ogobak me nage mbareegi, iniki ale'nggen age nagagerik, iniki nen mbake logonet, “It aakumi yi, wologwe-mbuulogwe paga nen maluk eeriyak koonggo logogun aret kwe, koonggwi iinok, an nen o nggween paga yime pulunogo piigirak kokwak, peebi togop ambi pulunogo piinok, maluk eeppiige logogin abu lek o. Ndi, yi mendek ndi mendek ogobakkigireegirak ineenik nugu menggaarak mendek yogondak inookirak kokwak peebi togop ambi inoorigin mondok lek o.

2 Tamuwen 7:19

Ti eeppanege nagagindik, Abu aret eekirak kagi, yinuk, puk ariyak kwe, an kayeloman napuri-nombowologwe eeppiyoorak inom yo'negendak kenok, Kaliku Kitok Menggendak nogoba ALA kat yi, ia! An aap aret kwe, Kaliku Kitok Menggendak nogoba ALA peebi eeppaniyak kin paga yo'negendak kenok, an wa yokkege agaric o.

Ayup 15:16

Aakumi ti, niyo nonggo mengga kwak, maluk eerit nogo logonet, Abu maluk ogole warak eeko menggaarak me, Abunuk maluk aret iige menggerak o.

Ndawi 84:11

Oonegen kwak obeelom eerogo pinanege, Nggeemu kwak mulunogo pinanege, Eeke menggendak Kaliku Ala aret o. Kaliku ALA ninabuwa nen obeelom eerogo pinanege, Ninendage tiyappinanege, Eeke menggendak me, Aap inoba maluk lenggenak lek abe mban eekwi iinok, Yi mendek ndi mendek obeelom eeppiige nogo Ambi ili ari lek nggwik togon eeppiige menggendak o.

Ndawi 85:12

Aliku ALA nen obeelom eerogo pinanigin me, Nit ninanggween paga anggen obeelom mban yi'nage logogin o.

Ndawi 86:15

Nogoba o. Kat aakumi inabuwa mbake, Kiniki yanggo yinuk eeppiige, Kiniki aan aganggenggwi lek kwi'ndak wonage, Aakumi kiniki kunik aganakak mban eeke, Yoraga'ndak nogo li'luk eeppiige, Eeke menggendak o.

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Yetaya 49:15

Ari kenok, at Ala nen ari logonet, “Kwe ambi aagaluk awo elak nengge kagak ami age, Ndi, at lombok nen ndareegerak nogo abuwa mbaka'lek mbo pege, Eeriyak op mbaken? At aagaluk mari eerogo pemenggerak kwe, an perak, kat o Tiyon nogo koba mari eerogo pagagin lek o.

Yetaya 63:7

At Aliku ALA ninabuwa nen liirogon eeppinanege nogo paganogo yorage, At endage tiyappuwak nduk, eerogo pinanege menggerak nogo yoranet nage, Eeke logogin o. Aliku ALA nen eerogo pinanege, Nit at apuri Iterali paga wiganak obeelom mendek eeppinanege, At ninabuwa nen liirogon obeelom eeppinanege, Eereegerak abok aret nogo ndak-ndak at endage tiyappuwak nduk agan nage logogin o.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Yeremiya 33:14

At Aliku ALA nen ari logonet, It Iterali paga wiganak inom, Yekura paga wiganak inom, obeelom eeppiyoorak wone koonogo yoragagirak nogo, a'me lik yuurak eyom panggoni woraagin o.

Oteya 14:2

Kit Iterali mendek yi wae. Kit maluk lombok eeko monggotak ti paga nggelenogo pateegutak me, Kinomaluk mbo punuk kiniyokan yungguninuk kinogoba Aliku Ala owagam wa'nip o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Maleyaki 1:6

At Omaawi Lombok Menggerak Aliku ALA nen ari logonet, “Aap ambi aput nen ogoba ayuk wuke, ndi, aap ambi ayeloman nen ogoba ake eeke nogo ayuk wuke, eeko menggaarak me, an inogoba kenok, nayuk wuko logorak op aret kwe, wuka'lek nonggop nduk agaarik o. Ndi, it an nayeloman mini nake eeka aret kenok, an nayuk wuko logonet, inagabiti mbako logorak op aret kwe, mbaka'lek ti, nonggop nduk agaarik o,” yinuk, yegerak o. “It aap an neebe unde nen aret an nendage maluk eerogo pogo agaarik o. Nendage maluk eerogo pogo logonet kwe, Nit nonggop negen at endage maluk eerogo pogoorak me, yo'nirage agaarik? yinuk, yogwe,

Matiyut 23:9

Kit kinogoba mbogut paga mendek ambit aret me, it aap nggween paga yime mendek ambi, Nogoba o, yinuk, yoriyak mage o.

Matiyut 7:10

Ndi, Ikan ambi wo'niru o, yokkirage kenok, waalo aret wogoriyak mbakop?

Yaya 3:16

At Ala nen yi aap ndi aap abok inabuwa nggwok lombok mbareegerak me, at aput ambolom ndarak an aret nappani wogoragagerak. Togop me, it aakumi iniki noba panggombunuk, abet nombakwi iinok, lek eerogo piyaagin lek ineenik mondok-mondok aret logogun o.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Oroma 3:9

Togop me, nonggop yuwok o? Nit Yakuri mban iya, ndi, it aakumi endekem konenggulik mendek ti, meek, mbakop? Mondok lek o.

Oroma 8:32

At Ala aput ambolom aret kwe, ili yuulik nit abok ninake waruwak nduk wuppi wagagerak nogo nen aput wo'niragagerak nogo ndak-ndak, yi mendek ndi mendek ngginu-ngginu eerogo wo'niraagin lek nduk yogo ogotik?

Nggalatiya 3:22

lek me, Ala nen eeppinaniyak yoreegerak nogo, nit niniki Yetut Keritut abet mbakwi paga eeppinanuwak nduk, tokkogo logonet, “It yi aakumi ndi aakumi abok aret maluk eeko menggaarak paga wam anggenogona narak negen wonogwe,” mbaruwak nduk, Ala nen yereegerak liiru mbanak wonage.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

1 Yaya 3:1

Nit at apuri abet aret wonogwe me, at Ala nen, “Kit an napuri aret o,” yo'nirage ti paga at ninogoba ninabuwa nggwok mondok alik negen mbake menggerak ti, kaanip o. It aakumi nggween paga mendek mban mugurok nogwe nogo nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.

1 Yaya 4:10

Ninoreewi niniki kunik aganaburak nogo ti, ngge kokwak mbakop? Lek o. Nit nen Ala niniki kunik eerulik o. Ata, Ala ninabuwa nen iniki kunik ee'ninake nagagerik, ninomaluk lek eerogo pege logonet, ninom lambumbinanuwak nduk, at aput aret nappi wagagerak nogo kwak, nit togop aret ninoreewi niniki kunik aganako logowok o.