Matiyut 6:9 - Ala Wone Peenok Peebi Mbanak

⁹ Ata, kit tamban yogop aret eeko logonip o. Ninogoba mbogut paga mendek ao. Kat kendage abu abe alik leenak menggendak me, tiyappagago ogoorik o.

Matiyut 6:9 ပူးပေါင်းရင်းမြစ်များ

2 Tamuwen 7:26

Kat kendage mondok-mondok tiyanak logowak nduk, wone yagandak nogo ti, a'me nggelok togon eeke keenok, it aakumi nen, At Omaawi Lombok Menggerak Aliku ti, aakumi Iterali inogoba Ala aret kogo, yinuk, yogo logogun o. Ndi, kat kenegen wo'ninake keegak, an kayeloman Ndawut napuri-nombowologwe wiganak nen mban it kapuri Iterali mondok-mondok inarum logogun o.

1 Endagembogut 8:43

kat wonage menggenom mbogut paga wonage logonet, oone karuk konembunuk, yokkege nogo aret eeppege logomunggun o. Togop aret eeppege keenok, it kapuri aakumi Iterali nen kendage tiyanak kenok, kayuk wukwi nogo ineenu ogwe, ndi, an o wukirak yi, Ala awi wurik aret o, yinuk, ineenu ogwe, eekwi nogo ndak-ndak, yi aakumi ndi aakumi o nggween paga wonogwe yi abok aret ineenu ogo logogun o.

2 Mbinineegwaarak 20:6

ari logonet, “Ninombomini inogoba Kaliku Ala o. Kat mbogut paga menggendak Ala nogo lek a? Mbogut paga logonet aakumi inanebunu lombok inabu'me piigo menggam abok aret kabu'me piinok, wone lengganogo yorage, aakumi tiyappiige, iya eeriyak mendek kat mban eeke, eeke keenok, aap ambi nen kat kimbirak wakkoorak mondok meek aret o.

Nekemiya 9:5

ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Ndawi 111:9

Apuri wondet aago logowak nduk wone lengganogo piige, Eeppiyoorak wone koonogo pereegerak nogo Mondok-mondok eeko logowak nduk koonogo pege, Eereegerak me, At endage mondok iya alik leenak aret menggerak.

Ndawi 115:3

Nit ninogoba Ala ti, mbogut paga wonage, At eeriyak mbake nogo aret eerit nage, Eeke menggerak kwe,

Ndawi 72:18

Iterali inogoba Aliku Ala alik en Yi eeke ndi eeke abu iya lombok eeke menggerak me, At mondok tiyappugwi,

Yetaya 37:20

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yetaya 6:3

Eerak wonogo logonet, it inoone nggwok paga at ambi nen at ambi yogak eeko logonet, “Kat mondok kikak nakeelik alik leenak aret o. Kat mondok kikak nakeelik alik leenak aret o. Kaliku ALA Komaawi Lombok Menggendak ti, mondok kikak nakeelik alik leenak aret o. Keebe abu tiyanak o nggween paga mondok ndak warak menggendak o,” yinuk, yogwe iigirak.

Yetaya 63:16

Kat ninogoba aret o. Ninombo Abarakam nen nit liippinanege, At Iterali kunduk, Yi an paga wiganak aret, ninombake, Eekulik aret kwe, Kaliku ALA wae. O maan nen kendage ti, Wondet Eerogo Pinanega ninogoba kat aret, yogo monggoorak.

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Yetikiyen 36:23

It nen yi aakumi ndi aakumi inenggela'me logonet, nendage abu tiyanak maluk eerogo pereegwaarak nogo, abu abe alik leenak neyaawak nduk eerigin o. Yi aakumi ndi aakumi inenggaanom paga an kikak nakeelik alik leenak it Iterali mendek neyaawak nduk, eeke neenok, it aakumi inanebunu lombok nen Naliku ALA an aret ineenu arugun o, yinuk, Naliku Nitok Minggirak an ALA nen aret yagi o.

Yetikiyen 38:23

Ti eeriminggirak paga an mondok tiyanak minggirak inom, an kikak nakeelik alik leenak minggirak inom, neyaawak nduk, eerigin o. It aakumi inanebunu ambik lombok nen an neyaawak nduk, inenggaanom paga eeke neenok, it nen Naliku ALA an aret ineenu arugun o,” yinuk, yegerak me, yokkigi o.

Ala Unde 10:3

Kanggo mbareegwa, at Muta nen Karun yoge, “At Aliku ALA nen ari logonet, It aakumi abok an ninom kunik logokit nduk, Nowagam wogo logonet kenok, An mondok kikak nakeelik nalik leenak lombok minggirak inigen neegwi, Ndi, it aakumi Iterali mendek abok aret An mondok tiyanak neego logonet, nayuk wukwi, Eeruwak nduk, Eeppiyaagin o, yinuk, yereegerak nogo ti, yogobi eerukwak nduk, yereegerak o.” Ari mbareegi, aap Karun nogo oone ambi yaga'lek puk aret agagerak.

Abakuk 2:14

Niyo nggwok yenggenak laut nen nggween kiiniki paga lombok wonage nogo, nobappunuk menggi kwak, Naliku an ALA abu tiyanak minggirak wone nogo, aakumi o nggween paga ilin-unggut wonogwe abok aret ineenu arugun o.

Takariya 14:9

Aliku ALA nogo o nggween paga yime abok aret inowe endagembogut a'nuk, wone lengganogo yorage logogin o. Ne ti paga inogoba ambit Aliku ALA aret arigin me, at endage mban yogo logogun o.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Matiyut 10:29

Rupiah mbuuluk ambit nogo paga towe yiluwe mbere lambuk togon kunggo monggotak nogo lek a? Kunggo monggotak aret kwe, kinogoba, E, mbaka'lek kagak, ambi nggween paga wambigin mondok lek o.

Matiyut 23:9

Kit kinogoba mbogut paga mendek ambit aret me, it aap nggween paga yime mendek ambi, Nogoba o, yinuk, yoriyak mage o.

Matiyut 26:29

Ndi, an ta, o yogondak yi kuli paga nen nok, peebi an nogoba abu'me piige menggim logonet, anggur amburu ngget mendek ninom noorak eyom ari waga'lek kagak, an anggur amburu yi, nengga'lek aret logogin, yokkiragi o,” yoragagerak.

Matiyut 26:42

Yoge nagagerik, ne ambi teppiinok nage nagagerik, Ala yoge logonet, “Ai, nogoba. An ee'naburak amburu toolak kwak yi, nengga'lek me teppaniyak meek kenok, kat kiniki mbake aret eerigin o,” yinuk, tamban eereegerak.

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Matiyut 5:48

Kit kinogoba mbogut paga mendek abu obeelom lombok menggerak nogo ndak-ndak, kit abu obeelom togop aret logonip o,” yinuk, yoragagerak.

Matiyut 6:14

Kit nen aakumi inomaluk kinami eerogo piigwi kiinok, kinogoba mbogut paga mendek kunduk, kit kinomaluk abu lek eerogo pinagagin o.

Matiyut 6:6

Kit nen tamban eeriyak mbakwi kiinok, kiname unggwogo logomonggotik, tu nappunuk, kinogoba nobara'me menggerak nogo nggino yogo logonip o. Ndi, nggino yogwi kiinok, at kote eekwi enegen kage menggerak nogo nen onggo wokkiraagin o.

Matiyut 7:11

Lek o. Kit aap maluk mendek kwe, kinapurilogwe nen yokkirogwe iinok, obeelom mendek wogorogo monggotak nogo ndak-ndak, kit kinogoba mbogut paga mendek nogo nggino yogwi kiinok, at togop aret obeelom mendek mondok iya negen wokkirage kaamunggup o.

Lukat 15:18

An yime nen nogoba ka nage logominggirik, Nogoba o. At mbogut paga mendek inom, kat inom, maluk eeppinagareegirak o.

Lukat 15:21

Aleenggu maake kagak, aput nen ogoba yoge logonet, Nogoba o. At mbogut paga mendek inom, kat inom, maluk eeppinagareegirak o. Maluk eeppinagareegirak me, Yi an naput, yo'niriyak ti mage o, yoreegerak.

Lukat 2:14

“At mbogut irimbaga lombok menggerak Ala nogo, endage tiyappogo logowok o. Ndi, nggween paga yime it aap Ala inikilom inombake menggerak nogo, iniki ugun tayenak aret logowak o,” yinuk, yogogwaarak.

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Oroma 1:7

Kit Oroma mendek abok aret at Ala nen iniki kunik eekkinake, at apuri alik leenak logobagip nduk, miirogo pinagage, eereegerak ti, Ninogoba Ala ninowe Yetut Keritut imbirak iniki kunik en eeppinagagwi, kiniki ugun tayenak obeelom logobagip nduk, eeppinagagwi, eeko logogun o.

Oroma 8:15

Kit Aberiniki waganeegutak ti, aap ambi ayeloman ogoba abu'me agabiti mbakak menggi kwak, kit aa'nduk wone yugu kinagabiti mbakak eeko nogogutak ti ndak-ndak woolik o. Ata, nit Ala apuri agago pinanuwak nduk, Aberiniki waganeegurak ninikime logonet, yo'nirage kagak, “Ala nogoba o. Ala nogoba o,” yinuk, yogo monggoorak.

Nggalatiya 1:1

It aakumi nen mippanugwi, aap ambi iniki koombunuk, mippanege, eerulik o. Ata, at Yetut kambunuk nogo menggam nen eenik agago mippereegerak ninogoba Ala ninowe Yetut Keritut imbirak nen, nappiigak mendek agago mippaneegwaarak an Pawulut nogo nen, kit Ala apuri o Nggalatiya kuwak eerit nogo monggotak nogo, wone ambi yokkira o. Noreewi apit ninom wonogwe nogo nen keyage wakkinako o.

Nggalatiya 4:6

Ndi, yogondak kit Ala apuri aret me, Ala nen aput Yetut at Aberiniki nappi wagagerak nogo, kinikime logonet, “Kit kinogoba Ala aret o,” yinuk, ari menggerak.

1 Timotiyut 6:16

At kanggeelik mondok-mondok eenik menggerak aret o. At wonage me time eya ambik me aakumi at owagam wok yi noorak meek o. Aakumi nen aa'nduk at eebe inigen koolik me, yogondak kunduk inigen kogwe lek mban aret. “At endage mondok tiyanak yi aakumi ndi aakumi abok at abu'me tebe yinuk, at oone mban konenggo logowak o,” yinuk, amin.

1 Peterut 1:17

“Ninogoba Ala o,” yinuk, tamban eeko monggotak me, at Ala nen nit yi aap ndi aap ninalitak lombok eeko logomonggoorak nogo abok ninawone ndak-ndak mbanigin me, yogondak mbogut paga unggwi naga'lek nggween paga yime luulu logonet, Ala mban kinagabiti eeppunuk, eerit nogo logonip o.

Wayu 5:12

“Ndomba Aagaluk wareegwaarak nogo, yi aakumi ndi aakumi abok at abu'me tebe yi unggwogwe, Yi mendek ndi mendek abok aret at wogogwi, Yi wone ndi wone abok kat mban keenu aret o, yinuk, yogwi, Kat kalik mondok komaawi aret o, yinuk, ayuk wukwi, endage tiyappugwi, Kat obeelom aret o, yinuk, inale'nggen ombakwi, Eeko logorak op aret o,” yinuk, yogwe iigak,