Matiyut 6:7 - Ala Wone Peenok Peebi Mbanak

⁷ It aap endekem konenggulik mendek nen, Ninoone nggorek yogwi paga aruk konenigin, mba'nuk, inoone nambi-namberak yogo mengga kwak, kit tamban eeko logonet togop eeko logogup o.

Matiyut 6:7 ပူးပေါင်းရင်းမြစ်များ

Wone Alom Kibingga 5:7

Inabi kanet mban nugwi, inoone ambik mban agan nugwi, eekwi ti, aanom warogo aret eeriyak me, Ala mban ayuk wuppunuk puk logot o.

Matiyut 18:17

Ndi, it aap ti, kinom yorumonggotak aruk liirogon konengga'lek mbo pege kenok, it Ala apuri apit kuwak eeppiinok, yoruwak nduk, yoraanu o. Ndi, Ala apuri kuwak aago inoone kunduk konengga'lek kenok, it aap abet mbaka'lek endekem mendek ilik, it aap o unde inake wu kuwak eeka mendek a, nogo pogom, At aret, mba'nuk mbo punu o,” yinuk, yoragagerak.

Matiyut 26:39

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Matiyut 26:42

Yoge nagagerik, ne ambi teppiinok nage nagagerik, Ala yoge logonet, “Ai, nogoba. An ee'naburak amburu toolak kwak yi, nengga'lek me teppaniyak meek kenok, kat kiniki mbake aret eerigin o,” yinuk, tamban eereegerak.

Matiyut 26:44

Nogo yugwi iigak, teppiinok, nage nagagerik, aa'nduk ne mbere paga Ala yoreegerak nogo, peebi ne ambinom tamban eeke logonet, togop aret yoreegerak.

Matiyut 6:32

It aakumi endekem mendek nogo nen ti mendek abok aret kwaarit nugu menggaarak kwe, Nit ti mendek lek o, yinuk, uugwe mbakwi nogo kit kinogoba mbogut paga mendek eenu menggerak o.

Nappiigak 19:34

at aap Yakuri mendek yelok kogo nogogwaarik, “Nit Epetut mendek ninowogolo Aretemit nggwok aret o,” yinuk, keekok kunik aret yogwe iigak, oonegen mbere agagerak.