Matiyut 6:31 - Ala Wone Peenok Peebi Mbanak

³¹ Lek o. Eerigin aret me, kiniki piirik logonet, Ninagi-ninambi nano namun? Ndi, ninayum nano yikkolamun? yinuk, ti mban kiniki koonit nugwi ti mage o.

Matiyut 6:31 ပူးပေါင်းရင်းမြစ်များ

2 Mbinineegwaarak 25:9

Yoge mbareegi, at Amatiya nen aap Ala wone liirogon eeka nogo yoge logonet, “Aakumi Iterali mendek it ineegin warak ineebe seratus ribu ninom wim eeriyak onggo wogoragarak ti, nonggop o?” Yoge mbareegi, aap Ala wone liirogon eeka nogo nen wone onggo yoge logonet, “Ti wu nggwok aret wogoragandak kwe, Ala nen abu nggwok lombok wokkirigin meek mbaken?”

Ndawi 111:5

It aap at inagabiti ombako menggaarak nogo, inambi wogorage, Wone eeppinaniyak koonogo pereegerak nogo, Mondok-mondok iniki aberak wonage,

Ndawi 37:3

Kiniki Aliku ALA oba panggombunuk obeelom mban eekwi, Ndomba inikilom paga iri'ngga mili nenet nugwi kwak, Kit togop aret o nggween yi paga wonogo logonet, Abe wone mban mugurok nogwe,

Ndawi 55:22

Aap iniki abe koonak iniki lek-lek aruwak nduk, Aliku ALA nen mbo piigeelik me, “Nonggop ee'ninabigin o?” yinuk, Kiniki piirik wonogwe nogo Abok aret waganogo at mban wogo'nuk logonip o. Togop eekwi kiinok, Aliku ALA nen unde wokkinake logogin o.

Matiyut 15:33

Yorage mbareegi, at Yetut oone waganggwi nogo nen, “O yime aakumi inawi wurik lek me, it aakumi ambik kuwak aago yogop yi, inambi ndak nawak nduk, mbi nggeeme kwaari noorak mbaken o?”

Matiyut 4:4

Yoge mbareegi, at Yetut nen, “Ala nen ari logonet, Aakumi mbi mban nunggwi iinok, ineenik logogun lek o. Ala ari menggerak wone abok aret waganggwi kenok perak, mondok ineenik aret logogun o, yinuk, yereegerak liiru mbanak wonage o.”

Matiyut 6:25

Ti kenok, kit nen, Nineenik logorak nduk, ninagi-ninambi nano namun? Ndi, nineebe op logorak nduk, ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o. Nonggo monggotak ti iya, ndi, kineenik logorak ti, meek mbakop? Ndi, yikkologo monggotak ti iya, ndi, kineebe op logorak ti, meek, mbako logonet, kiniki piirik ogotik? Lek o.

Matiyut 6:27

Kit ambi kambuurak eyom panggoni wagaarak kagak, we kiniki koonit nugwi paga, Neenik ambinom logonuk kambikit, mbarumonggotak ndak-ndak age kaamunggup mbakop?

Lukat 10:41

Yoge mbareegi, Yetut nen, “Marata, Marata. Kat yi eeriyak ndi eeriyak mban kiniki piirik logonet, anggon-panggon eerit nege keegi o.

Lukat 12:11

It aakumi Yakuri tamban eeko menggam kuwak aago inom, it aap inendagembogut inom, it aap yo'nggok inom, inowagam wokkiret pinagi nogwe iinok, kiniki piirik logonet, Ninaana'le mbanggoloorak nduk, wone ngge yoraamun? yinuk, koonubok o.

Lukat 12:22

Yorage nagagerik, Yetut nen at oone waganggwi nogo yorage logonet, “Nineenik logorak nduk, ninambi nano namun? Ndi, nineebe paga ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o.

Lukat 12:29

Togop me, Ninambi-ninagi nano namun? yinuk, kiniki koonit nugwi ti, mage o. Kiniki piirik logogup o.

Pilipi 4:6

Aaninggin nano mendek ambi kinoba age kenok, kiniki piirik logogup o. Ata, “Aaninggin ndogop noba agaarak o,” yinuk, tamban eekwi, ndi, kinamendek ambi lek kenok, wokkiraawak nduk, “Ala wa,” yinuk, nggino yogwi, eeko logonip o.

1 Peterut 5:7

At Ala nen kinabuwa mbake menggerak me, kiniki piirik-paarik eekwi nogo abok aret paganogo at oba mban pogo logonip o.