Matiyut 6:26 - Ala Wone Peenok Peebi Mbanak

²⁶ Towe mbogut paga nugu menggaarak ti, pegiyaanip o. It nen awi yakkologwe, ndi, anggen mbanogo wolombakwi, eekulik kwe, kit kinogoba mbogut paga mendek nen aret inambi wogorage menggerak kit kineenggo'lek me, yogo ogotik? Towe ti, iniki kundugu lek negen kagak, wogorage menggerak kwe, kit perak, iniki kundugu lombok logonet, wokkiraagin lek nduk yogo ogotik?

Matiyut 6:26 ပူးပေါင်းရင်းမြစ်များ

Wakkagagerak 6:21

Yoge nagagerik, “Kat kapuri kinom, yi mendek ndi mendek inom, nonggo logorak yi mendek ndi mendek nonggo menggaarak abok aret kuwak eeppunuk wonok unggwi nanu o.”

Ayup 38:41

Towe ya'ngge-ya'ngge oo'nu nogo, Mbi abu nen inoone nggwok paga an Ala yo'nugwi, Inambi nengga'lek me, nabuk-kabuk nogwe, Eekwi iinok, Ta nen it noorak mendek wogorage menggerak mbaken?

Ndawi 147:9

Aap inaanggumi inambi noorak wogorage, Towe ya'ngge-ya'ngge inaagalogwe yirak-nggirak yogwe iinok, inambi wogorage, Eeke menggerak o.

Ndawi 50:11

Towe eyonggaame menggaarak abok aret iige, Karume nugu menggaarak kunduk neenggime wonogwe, Eeke minggirak o.

Matiyut 6:32

It aakumi endekem mendek nogo nen ti mendek abok aret kwaarit nugu menggaarak kwe, Nit ti mendek lek o, yinuk, uugwe mbakwi nogo kit kinogoba mbogut paga mendek eenu menggerak o.

Matiyut 7:9

Kinapuluk ambi nen, Mbi wo'niru o, yokkirage kenok, yugum aret wogoriyak mbakop?

Lukat 12:18

Mbake nagagerik, Yogobi eerikit o. An o yi, mingge logominggirik, nggwok lombok wuppunuk, namendek inom, yakirak anggen yugu nogo inom, time aret pi unggwage logokit o.