Matiyut 6:21 - Ala Wone Peenok Peebi Mbanak

²¹ Kinamendek kuwak eerak wonage me, kiniki kunduk time aret logogin o,” yinuk, yoragagerak.

Matiyut 6:21 ပူးပေါင်းရင်းမြစ်များ

Kini Wuppiige 4:23

Ndi, keenik logonet, eerit nage logorak ti, Niyo eneeri kwak kiniki aret me, Wone ti unde wake logonet, kiniki inom mondok-mondok unde wakkolage logot o.

Yetaya 33:6

Ne ti eyom paga kit aakumi obeelom nu'lek logobagip nduk, eeppinagarak alom at aret me, Oona ngginik kagak, kinagap ndake, kiniki warak eeppinagage, yi wone ndi wone kineenu eeppinagage, Eeke logogin me, Ti eeppinagarak nduk, woorak nogo ti, Aliku ALA kinagabiti mbako logorak ti aret.

Yeremiya 22:17

Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Matiyut 12:34

Waalo aakumi inooka kuwak eerak pogom kit aret o. Ninikime uum kilu-kilu wungge logonet, ninambe paga yogo monggoorak me, kit abu maluk logonet, kinoone paga nonggop togon wone obeelom yuurak? Meek o.

Matiyut 6:22

Yorage nagagerik, ambinom yorage logonet, “Kineebe ndi wuninik pogom eya ti, kinigen aret o. Ndi, kit kinigen obeelom wonage kenok, kineebe abok aret eya aago logomunggup kwe,

Lukat 12:34

Kinamendek kuwak eerak wonage me, kiniki kunduk, time aret logogin o,” yinuk, yoragagerak.

Nappiigak 8:21

Ala nen kiniki abe koonak lek keegerak me, wone yi mendek ambi kat unde arumunggun mondok lek aret o.

2 Korindut 4:18

Nit yi mendek ndi mendek ninigen kogwe ti, luulu aret me, niniki yi paga panggombunuk, wonogwe lek o. Ninigen kaga'lek nogo mendek perak, mondok-mondok menggerak me, niniki ti paga panggombunuk ogoorik o.

Pilemon 1:19

“At Pawulut nen yoga'lek kagak liiru mbanggerak o,” nombake keyo, “An Pawulut nen aret onggo wokkirigin o,” yinuk, wone ambiriluk ti, an neenggi lombok paga aret liiru mbanggigi o. An wone yokkereegirak paga kiniki abet mbareegindak nogo ti, nanomat mbanak pogom koba wonage me, ambi yi inom koba pagakit lak kwe, mbo pigi o.

Pilemon 1:3

Ninogoba Ala ninowe Yetut Keritut imbirak iniki kunik nen wokkirogwe, kiniki ugun tayenak ale'nggen logobagip nduk, eeppinagagwi, eeko logogun o.

Iberani 3:12

Togop aret yereegerak me, noreewi o. Kit togon Ala mondok eenik menggerak kagak, nomonogo mbo punuk, abet mbaka'lek kiniki maluk koonit nugwi kiyo, tum wakkologo logonip o.