Matiyut 6:19 - Ala Wone Peenok Peebi Mbanak

¹⁹ Wone ambinom yorage logonet, “Nggween paga yime kit kinamendek yininuwo nibingge, yi'mbaani kungge, it aap yogoot wagangga nen tu kuurogo kinamendek wa unggwogwe, eeko menggam yime kinamendek kuwak eerogo pako logogup o.

Matiyut 6:19 ပူးပေါင်းရင်းမြစ်များ

Ayup 24:16

O apit age kenok, oome tu paa'nuk, Aakumi inamendek yogoot wonok wunggwi, Eekwi kwe, O liingge kenok kumaarak wonogwe, O eya nineebi o, yinuk, yogwe, Eeko menggaarak.

Ayup 31:24

Niniki mbuti emas paga panggonak wonage, Ndi, mbuti emas abe mendek yoge logonet, Kat paga niniki nu'lek eerogo pangge o, yoge,

Ndawi 39:6

Aakumi inagalu'mak ne ambit lek age menggi kwak It aakumi togop aret nugwi, Iniki taganak nugwi kwe, we aanom warogo kagak nugwi, Inamendek kuwak eerogo patit nugwi nogo Ta unde eekkolamenggi? mbaka'lek ineenggo'lek logonet, kambit nogwe, Eeko menggaarak.

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Wundeegwaarak 22:2

Ndi, aap ambi nen yogoot kiraarikit nduk, aap ambi ame tu paake me, aap ambi nen kwaakkage logomenggerik, waremenggerak kangge kenok, at aap waremenggerak nogo ti, amiya eenggi paga logogin lek kwe,

Kini Wuppiige 11:4

Inowak looniyak eyom ari wage kenok, “Ninamendek we aanom warogo porogo wonogoorak,” mbarugun kwe, Obeelom eerit nogwe iinok perak, kambunuk nogo menggam nogwe iyo, inili eerogo piyaagin o.

Kini Wuppiige 16:16

Mbuti perak waganggwi ti, op negen kwe, yi wone ndi wone alom ineenu ariyak ti perak, iya o. Mbuti emas waganggwi ti, op negen kwe, iniki warak ariyak ti, iya lombok o!

Wone Alom Kibingga 2:26

Togop aret me, aap ambi nen Ala inikilom ombaruwak nduk eeke kenok, Ala nen iniki warak eeppege, yi wone ndi wone eenu eeppege, iniki ale'nggen mbaruwak nduk eeppege, eeke menggerak kwe, it aap maluk mendek perak, wu kwaarit nugwi, yi mendek ndi mendek kunogo kuwak eerogo pakwi, eeppunuk, it aap Ala nen inikilom mbake nogo wogorogo logorak ineyabu ti aret unde eeppiige menggerak. Ti eeriyak kunduk, o wiya mugurok nogwe kwe, pigoorak meek kwak, we aanom warogo eeriyak aret kagagirak o.

Tepaniya 1:18

Naliku ALA woroorak ne nogo ti, aakumi apit ineenggo'lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu'neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.

Matiyut 19:21

Yoge mbareegi, Yetut nen, “Wulaga. An aap abu obeelom lombok logokit, mbake keenok, kamendek abok aret onggo mbangge logomenggendik, it inamendek lek nogo tumburira nak o. Tumburira nage keenok, kamendek abe mendek mbogut paga aret kolaamunggun o. Ti abu eeke logomenggendik perak, nimbirak nugu logowok nduk wa'nu o.”

Matiyut 6:20

Ata, yininuwo nibingge, yi'mbaani kungge, it aap yogoot wagangga nen tu kuurogo kinamendek wa unggwogwe, eekulik menggim mbogut paga time kinamendek kuwak eerogo nappako logonip o.

Lukat 12:21

Yinuk, yorigin me, Ala nen it aakumi agi mendek paga ineenggi lek logonet, ogu mendek paga mban ineenggi warak eekkologwe iinok, at aap ti ndak-ndak aret o,” yinuk, yoragagerak.

Lukat 12:33

Kinamendek paga wu kunggo logomonggotik, aap ineenggi lek kenok, wogoraanip o. It aap yogoot iyagalo kiraari unggwage, yininuwo nibini unggwage, eekeelik menggim mbogut paga time kinamendek abe, lek ariyak lek nogo mendek yonggolak logowak nduk, yumunggok awi nibik yuurak lek nogo mendek yirikkologo logonip o.

Lukat 12:39

At aap awi unde nen, Yogoot iyagalo oonegen ndi paga woraagin, ee'nu a'netak en, Tu paappunuk, namendek kiraari unggwi wage kero, yinuk, nogo yega'lek mondok-mondok tum wake logonetak, mbako logonip o.

Lukat 18:22

Yoge nogo at Yetut konengge nagagerik, “Wone ti abok aret eeke menggendak kwe, ambiriluk perak, eeka'lek keegirak nogo yokkiri o. Kat kamendek abok aret onggo mbanogo it aap inamendek lek nogo tumburira nak o. Tumburira nage keenok, kamendek abe mendek mbogut paga wonage kaamunggun o. Ti eeke logomenggendik, nimbirak nugu logowok nduk, wa'nu o,” yinuk, yoreegerak.

Lukat 18:24

Iniki wakkolage kagak, at Yetut nen pekkage nagagerik, at yoge logonet, “It aap ineenggi warak iinok, at Ala abu'me piige menggim unggwi noorak meek negen kagi o.

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.

Iberani 13:5

At Ala nen ari logonet, “An teppinagage, eraanggi mbo pinagage, eerigin lek o,” yinuk, yereegerak me, wu mban uugwe-uugwe mbarit nugwi paga wu ti, ayeloman eekkinabukwak, liippogo logonip o. Kinamendek nano mendek ambi wonage kenok, “Yi abu aret wonage o,” yinuk, kiniki tayenak logonet, ale'nggen paga nugu logomunggup o. Ala nen, “An mbo pinagagin lek o,” yinuk, yereegerak wone ti paga niniki panggombunuk, “Ninogoba nen yeenggwaanirage menggerak me, aakumi nen an eeppanugwi nogo, an nagabiti mbarigin lek o,” yinuk, yogo logorak ti op aret o.