Matiyut 5:9 - Ala Wone Peenok Peebi Mbanak

⁹ It aakumi inom ogoorak me, lambumbiigo menggaarak nogo ti, At Ala nen, Kit an napuri aret o, yoraagin me, Iniki ale'nggen aret mbako logowak o.

Matiyut 5:9 ပူးပေါင်းရင်းမြစ်များ

1 Mbinineegwaarak 12:17

at Ndawut iya wungge nagagerik, it yorage logonet, “Kit yeenggwa niruwok nduk, kiniki abu abe paga an neya wogwe kiinok, niyo'me ari woroorak op aret kwe, an maluk ambi eeka'lek kagak nggaganagalo negen eekkoloorak nduk, wogotak kenok perak, ninogoba Ala eenu aret me, at aret onggo eeppinagage kaamunggup o.”

Ndawi 120:6

Aakumi lambunik logorak ineebi mbaka inenggela'me O maan togon ninom wonage minggirak me, Neebi lombok ee'nake agaarik o.

Ndawi 34:12

Kit kineenik logorak kinikilom mbakwi, “Nit obeelom aret wonogwe me, Li a'nuk kambuurak op aret,” mbakwi, Eekwi ti, Taamini nen togop mbako ogotik?

Matiyut 5:48

Kit kinogoba mbogut paga mendek abu obeelom lombok menggerak nogo ndak-ndak, kit abu obeelom togop aret logonip o,” yinuk, yoragagerak.

Lukat 20:36

Ala nen it aap nogo ineenik agago mippiyamenggerak Ala apuri lombok logonet, malayikat nogo pogom arumenggaarak me, peebi kambugun mondok lek o.

Lukat 6:35

Kit perak, at Tiyanak Lombok Menggerak nen it aap maluk mendek iniki lambek-nggoonak menggaarak nogo iniki kunik aganake menggerak me, kit togon, it kinom ogoorak monggotak nogo kiniki kunik eeginako logonet, obeelom eeppiigwi, Peebi wo'niraagun, mbaka'lek logonet, ugun wogorogwe, eekwi kiinok, kit an napuri aret o, yinuk, onggo mondok iya tit wokkirage kaamunggup o.

Nappiigak 7:26

Nogo ambi yippunuk, ko'lu nen at awuri Iterali mendek mbere yawi pugwi enegen iige nagagerik, ogoorinake logonet, Nawuri o. Kit kimbirak nore-kore aret kwe, nano nduk yawi wat-wat yogo ogotik o? yinuk, yorage mbareegi,

Oroma 12:18

Wone ambi agaarak kat kobaalombok koonogo piyoorak wonage kenok, kinoreewi kinom kiniki ambit lambunik logonet, eerit nogo logorak wakkagak eeko logonip o.

Oroma 8:14

At Ala Aberiniki nen yorage kagak eeko menggaarak ti, Ala apuri aret o.

Oroma 8:16

Aberiniki ninikime wonage nogo nen, “Kit Ala apuri aret o,” yinuk, yo'nirage menggerak.

Oroma 8:19

Togop me, Ala nen yi mendek ndi mendek wakkagagerak nogo nen aakumi yogo mengga kwak yogo logonet, “Ala apuri mbet-mbet tena'me eeppiyaawak lak, ao,” yinuk, iniki lunik logonet, tokkogwe wonogwe o.

1 Korindut 6:6

Wonage kagak kwe, it Ala wone wagangga'lek nogo mendek nen koonuwak nduk, kinoreewi wogoren piya nogo monggotak me, iya lombok kiigi o.

2 Korindut 13:11

Ndi, noreewi o. Wone ti abu aret yokkiragi o. Kiniki kole arubagip nduk, eeko logonet, an wone yokkirage yi, inom liippogo logonip o. Kiniki ambit eeppunuk ale'nggen paga lambunik logonip o. At ninabuwa mbake, ndi, niniki ugun tayenak logowok nduk eeppinanege, eeke menggerak Ala nogo nen kinarum aret logogin o.

2 Korindut 5:20

Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

Nggalatiya 5:22

Togop kwe, eyoonggen abe yi'nage menggi kwak, Aberiniki ninikime logonet, eerit nogo monggoorak nogo yi o. Aakumi inabuwa mbakwi, niniki ale'nggen mban mbakwi, niniki ugun tayenak wonogwe, niniki aanaganggenggwi lek kwi'ndak wonogwe, ninobaabut abu obeelom wonogwe, aakumi obeelom eeppiinet nugwi, liippunuk mban eerit nogwe,

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

Pilipi 4:2

Kit kumi Ewuworiya kunduk, Tinitike kunduk, kimbirak ninowe kinom kiniki kunik logonet, kiniki ambit lambunik logobagip nduk, noone yanggorogon yokkiragi o.

Kolote 3:13

yeenggwa-yeenggwa eekwi, eeko logonet, at ambi nen at ambi omaluk mari eerogo pegak eeko logonip o. Kit kinore ambi nen maluk eeppinagage kenok, ninowe nen kit kinomaluk mondok lek eerogo pereegerak nogo ndak-ndak, kit togop aret at maluk eeppinagage nogo, mari eerogo mbo pogo logonip o.

Iberani 12:14

Maluk ninikime wonage kagak, ninowe ninigen koorak mondok meek me, yi aap ndi aap abok kinom lambunik kiniki ale'nggen logonet, maluk eeka'lek Ala ake leenak obeelom mban logobagip nduk, wakkagak eeko logonip o.