Matiyut 5:47 - Ala Wone Peenok Peebi Mbanak

⁴⁷ Ndi, kit kinoreewi mban keyage warogo wogonakwi kiinok, it aakumi endekem konenggulik mendek inom, yi aakumi ndi aakumi inom, abok aret it mendek mban inom kunik eeko menggaarak nogo ndak-ndak eekwi me, Nit iya, mbariyak lek o.

Matiyut 5:47 ပူးပေါင်းရင်းမြစ်များ

Matiyut 10:12

Aap iname time unggunuk, keyage warogo kinale'nggen inoba piigo logonu o.

Matiyut 5:20

It Ala wone liiru mbanak unde inom, aap Pariti mendek inom, obeelom eeko menggaarak ti, kit togop ndak-ndak mban eekwi kiinok, at mbogut paga mendek abu'me piige menggim unggwi namunggup lek o. Ata, it mbuuluk negen eeko menggaarak kagak, kit nggwok togon eekwi kiinok perak, unggwi noorak op aret yokkiragi o,” yoragagerak.

Matiyut 5:46

It aap iniki kunik eekkinakwi nogo mban kiniki kunik eeginakwi kiinok, ti paga onggo ambi koloorak mbakop? It o unde inake wu kuwak eeko menggaarak nogo nen eeko menggaarak nogo mendek mban eekwi me, kit onggo koloorak lek aret mbako logonip o.

Matiyut 5:48

Kit kinogoba mbogut paga mendek abu obeelom lombok menggerak nogo ndak-ndak, kit abu obeelom togop aret logonip o,” yinuk, yoragagerak.

Lukat 6:32

It aap maluk eeka nogo nen it iniki kunik eeginakwi iinok mban iniki kunik eeginako menggaarak me, it iniki kunik eekkinakwi ti mban kiniki kunik eeginakwi kiinok, onggo koloorak mbakop?

Kolote 4:14

Ndi, at Lukat niniki kunik ndotet nogo inom, aap Ndemat nogo inom, imbirak nen keyage wakkinaka o.

Kolote 4:15

Ndi, ninoreewi Ala apuri o Laworikiya mendek inom, kwe Nimipa inom, Ala apuri at ame kuwak eeko menggaarak nogo inom, “Pawulut oreewi inom nen keyage wakkinaka o,” yinuk, yoret o.

1 Peterut 2:20

Kit maluk eerumonggotak paga kinookwi iigak, kinoone lek puk wonogwe kiinok, aakumi nen kinaana'le mbaniyak op mbakop? Lek o. Maluk eekotak paga kinookwi me, “Op aret inooka,” kinombarugun kwe, kit obeelom eerit nogwe paga kinookwi iigak, kinoone lek logonet waganggwi kiinok perak, Ala kinabuwa mba'nuk, ale'nggen kinoba pinagage kaamunggup o.