Matiyut 5:43 - Ala Wone Peenok Peebi Mbanak

⁴³ Yetut nen wone ambinom yorage logonet, “It kinom monggotak kiniki kunik eeginakwi, ndi, kinom ogoorak monggotak kenok ti, kinanini agaket eeppiigwi, eeko logonip o, yinuk, yogo nogogwaarak nogo kit muk kinaruk koneneegutak kwe,

Matiyut 5:43 ပူးပေါင်းရင်းမြစ်များ

Ndawi 41:10

Togop aret eeppanugwi iigak kwe, Kaliku ALA perak, nabuwa mbake, It an maluk eeppanugwi nogo ti, Onggo eeppiyaakit nduk andi lek eerogo panege, Eeru o.

Ala Unde 19:18

Naliku ALA an aret me, inore ambi nen maluk eeppiige kenok, inanini nen onggo at maluk eeppugwi, ndi, Yi ee'nakerak ao, yinuk, inikime mban porogo wonogwe, eeriyak mage o. Ata, it ineebe iniki kunik eekkologo menggaarak ti kwak, aakumi inom menggaarak ti, togop aret iniki kunik aganako logowak o.

Matiyut 19:19

Kinagalo-kinogoba inayuk wuko logonet, inoone liirogon konenggo logonip o. Kit kineebe kiniki kunik eekkologo monggotak pogom, kinom monggotak togop aret kiniki kunik aganako logonip o.”

Matiyut 5:21

“Ala nen yoge kagak Muta nen it ninombomini o maan wonogogwaarak nogo yorage logonet, Aap wariyak mage o. Ndi, ta nen aap ambi wake kenok, owak loonogo, Onggo pu o, yinuk, yoriyak aret o, yinuk, yoragagerak nogo, muk koneneegutak kwe,

Matiyut 5:27

Wone ambinom yorage logonet, “Ala yoge kagak Muta nen yorage logonet, Mbabi eeriyak mage o, yinuk, yoragagerak nogo muk kinaruk koneneegutak kwe,

Pelaareegerak 23:3

Kit o Metit nen it aakumi Amon mendek inom, Mowap mendek inom, it wonogo menggam tu ti paga wogwe me, mbi inom, niyo inom, wokkira wundi noorak op aret kagak, aap Petot awi Aram-Metopotamiya mendek endage Mbeyot aput Mbileyam nen kugi pulunogo pinagawak nduk, onggo wogogo mbareegwa, eeri wagagerak kwe, at Aliku kinogoba Ala nen kit kinabuwa mba'nuk, at Mbileyam kugi pulunogo pinagareegerak nogo aruk konenulik melak togon ale'nggen kinoba pinagareegerak me, it aap Amon mendek ilik, Mowap mendek a, it ineebe inom, inapuri ndarak nen nugwa inombowologwe nda'narit namenggaarak 10 kuli ari namenggerak nogo inom, abok aret kit Aliku ALA apuri kuwak eekwi me, it kinom kuwak eeri unggwogo logorak mondok mage o.

Pelaareegerak 23:6

Kit kineenik wonogo logonet, kinom lambunna'nuk, wone obeelom mbanggwi, inale'nggen mbaruwak nduk, obeelom eeppiigwi, eeka'lek kiigak, kambi noorak kuli ari nawak o.

Pelaareegerak 25:17

Yorage nagagerik, ambi yorage logonet, “Kit o Metit nen wundi wogo nogogutik, tu paga wogo logonet, kineebe ndeyak eerogo pinagage, kinowak aagi age, eekkinabeegerak wogwe kiigak, it aakumi Amalek mendek nen Ala inagabiti mbaka'lek wundi nogo logonet, kinoreewi inowak lobak yereegerak kinambokan wogwe inooreegwaarak nogo kiniki abeko logomunggup o.

Yakobut 2:8

Ala wone mbanak ndak-ndak eeko logonet, “It ineebe iniki kunik eekkologo mengga ti kwak, aakumi inom menggaarak ti, togop aret iniki kunik aganako logowak o,” yinuk, nit ninogoba endagembogut wone lengganogo yo'niragagerak nogo eekwi kiinok ti, op aret eekwi kwe,

1 Yaya 4:21

At Ala nen ari logonet, “Kit an kiniki kunik ee'nakwi kiinok, kinoreewi kunduk inabuwa mbako logonet, kiniki kunik aganako logonip o,” yinuk, wone lengganogo yo'niragagerak nogo ti aret.