Matiyut 5:39 - Ala Wone Peenok Peebi Mbanak

³⁹ an nen perak, Maluk eeppinagagwi iinok, onggo inooriyak mage o. Kinagandin peenok abe'nggan kinookwi iinok, peenok inom kinooruwak nduk, wogoraanip o.

Matiyut 5:39 ပူးပေါင်းရင်းမြစ်များ

1 Endagembogut 22:24

Nogo awo yoge kagak, aap Kenaana aput Terekiya nogo Mika owagam wage nagagerik, agandin paga eenggi telak wake logonet, “At Aliku ALA Aberiniki nappi wagaarak an paga wonage nogo nonggop agago koba agaarak?”

Ayup 16:10

Aakumi nen, Kayik a! yinuk, nagi'ndok kanggwi, Meek eeppanggo logonet, nagandin telak nookwi, It apit nen inoone yi-wu yo'nugwi, Eeko agaarik o.

Kini Wuppiige 20:22

“Maluk eeppanggendak onggo eeppagagin aret o,” yinuk, yuurak ti mage o. Ata, Aliku ALA nen onggo eeppuwak nduk, tokkage logot o.

Kini Wuppiige 24:29

“At eeppanegerak ndak-ndak eeppege, ndi, at ee'nakerak onggo ndak-ndak eeppege, eerikit o,” Yinuk, kat togop yuurak mage o.

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Leendawi 3:30

Aap ambi nen aap ti wariyak eeke kenok, waruwak nduk, agandin wogoge, Endage maluk eerogo pugwi iinok, “Nendage maluk aret aruwak o,” yinuk, puk age, Eeruwak o.

Ala Unde 19:18

Naliku ALA an aret me, inore ambi nen maluk eeppiige kenok, inanini nen onggo at maluk eeppugwi, ndi, Yi ee'nakerak ao, yinuk, inikime mban porogo wonogwe, eeriyak mage o. Ata, it ineebe iniki kunik eekkologo menggaarak ti kwak, aakumi inom menggaarak ti, togop aret iniki kunik aganako logowak o.

Mika 5:1

Togop aret kwe, “O Mbe'lekem-Eparata kat yi perak, It Yekura inanebunu mendek inenggela'me kat mbuuluk aret kwe, kat paga nen at ambi o aa'nduk iyaalok togon wonagagerak nogo, It Iterali inarum logowak nduk, mippigin o,” yinuk, yokkege kagarak.

Matiyut 5:40

Kit ambi eerumonggotak paga kinowak loombunuk, Onggo kinayum agi yirika abe ti, wogoraanip o, yokkirogwe iinok, kinarogwiyum inom aret wogoraamunggup o.

Lukat 22:64

At enegen nobappunuk, ambinom wako logonet, “Ta nen kooke kagan? Yu nda!”

Lukat 6:7

Yetut mamunirage kagak, it aap Ala wone liiru mbanak unde inom, it aap Pariti mendek inom, nen, inoone at oba puwok nduk, “Yetut tamban eekwi paga aap obeelom eeke kaamun ilik?” yinuk, inigen pippak agago pogo nogogwaarak.

Yaya 18:23

Yoge mbareegi, at Yetut nen, “An maluk ari neegendak kenok ti, Maluk yagandak o, yo'niriyak kwe, abet aret ari neegak, kat nonggop nduk, nooken?”

1 Korindut 6:7

It aap abet mbaka'lek mendek nen inawone amburu mbanuwak nduk, kit kinoreewi aret kwe, wogoren piya nogo monggotak ti paga kit Ala apuri mendek kinayuk lek eekkologwe kiigi o. Kit maluk eerogo pinagagwi, kinamendek ineengginabut waganggwi, eekwi iigak, kinendage op logorak nduk, onggo yoraga'lek puk logorak meek mbakop?

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.

Iberani 12:4

It aap maluk eeko menggaarak nen at Yetut nogo ti, maluk eeppugwi iigak, onggo yoraga'lek iniki yanggonak paga wagangge kagak, amiya wunogo wako mbareegwa, mondok kambeegerak kwe, kit perak, togop aret kinookwi kwe, kangga'lek aret ogotik o.

Yakobut 5:6

It aakumi maluk eekeelik nogo nen wone onggo yokkiraga'lek iigak, kit nen mban pilit wone inoba piinok, inooko nogogutak nogo o.