Matiyut 5:25 - Ala Wone Peenok Peebi Mbanak

²⁵ Aap kinom ogoorak wonage nogo nen aap owak loongga owagam pinagi nage, ti'nuk, aap owak loongga nen aap ineegin warak inowagam pinagi nage, ti'nuk, aap ineegin warak nogo nen aap keele maarogo mambiigo menggam mambinagagwi, eekwi iyo, kit aap kinom ogoorak wonage nogo, tu paga awo kinom nogo logonet, mbet-mbet paganogo kinom kiniki lambunenu o.

Matiyut 5:25 ပူးပေါင်းရင်းမြစ်များ

Ayup 22:21

Togop aret me, kat Ayup yi wae. At Ala kimbirak lambumbunuk kiniki ugun obeelom aret logot o. Ti eeke keenok, obeelom aret eeppagage kaamunggun o.

Ndawi 32:6

Togop me, nit yokkugwi niinok, Ninoone koneniyak nanonggwan wonage me, It aakumi kat koone liippugwi nogo Abok aret kat yokkogo logowak o. Togop eekwi iinok, Niyo nggwok wuketak wik agan lagi wage logonet, It lebeninabigin lek o.

Kini Wuppiige 25:8

Aap kimbirak menggendak ambi eeke kenegen abe nen kage kenok, mbet-mbet wone owak loonggo menggam pi woramenggendak alom kwaako logomenggaarik, Wone lek ari nage kenok, kat kenggali arukwak, mbet-mbet owak loonggo menggam pi woroorak mage o.

Matiyut 26:58

Nogwe iigak, at Peterut nogo inambo'me yanabek at Ala unde inowe nggwok nogo awoore'nggam panggo yi nage nagagerik, unggwi na'nuk, “Nonggop eeppugwi iyaamun?” yinuk, at Ala unde inowe nggwok nogo awuri inenggela'me inom aret kwi'nagagerak.

Lukat 18:3

Ndi, kwe togwe ambi o kota time wonagagerak mban. Kwe ti nen nabenak mban aap wone owak loongga nogo yori nagak eeke logonet, At nimbirak ogoorak nogo nen non mbanogo panege me, an ugun eerit nege logokit nduk, nawone koonogo panu o, yoge nagagerak.

Iberani 12:17

ti'nuk peebi, “Nogoba awone kili'niriyak neebi yagarak nogo, wo'niruwak lak ao,” yinuk, le ari logonet, eereegerak nogo mbo punuk, alik ambi kolaakit nduk, wakkagak mban eereegerak kwe, “Woorak neebi,” mbareegerak me, Ala nen at eebe mbo aret pereegerak.

Iberani 3:13

“Ala nen ninooka'lek kagak,” mba'nuk, maluk eerit nogo logonet, kiniki omaawi eekkinake kero, wone, “Yogondak o,” yereegerak nogo ti, lek aga'lek awo aret wonage me, Ala nen yokkirage nogo, konenggo logonet, kiniki eyak wat-wat yogo logonip o.

Iberani 3:7

Togop me, Aberiniki nen ari logonet, “Kinombomini karume wogo logonet, inogogumbuk a'nuk, Ala wone, Nineebi o, yinuk, Ala anini wunduwak nduk liirit-laarit yorit wogo nogogwaarak nogo kokwak, yogondak Ala nen wone kit yokkirage kenok, Nineebi o, yinuk, kinogogumbuk arugup o.