Matiyut 5:22 - Ala Wone Peenok Peebi Mbanak

²² yogondak an nen yokkirage logonet, Kit kinoreewi kinanini mban inoba piigwi kiinok perak, kinowak loonogo, Maluk eekotak onggo pinip o, yokkirogwe iyaamunggup o, yinuk, yokkiragi o. Kit ambi nen kinore ambi yogo logonet, Kat abu meek keegi o, yinuk, alom lek kagak yogwi kiinok ti, maluk aret yumunggup me, kinowak loonuwak nduk, it aap wone amburu mbanggo menggaarak wonogwe me, wokkiren nagun aret o. Kat abu wi yunduurak aret o, yogwi kiinok ti, kani omoonuk wunuk mban ari menggim time mambinagagun aret o.

Matiyut 5:22 ပူးပေါင်းရင်းမြစ်များ

Wakkagagerak 37:4

Inogoba nogo nen oweewi nogo ambo'me piinok, at Yutup mban iniki kunik eeke nogo oweewi inigen kogo nogogwaarik, Yutup ineebi ombako logonet, inoone panggok togon mban at yogo nogogwaarak.

Wakkagagerak 37:8

“Kat ninowe kendagembogut arikit nduk yagan a? Kabu'me pinanege logomenggendik, wone lengganninake logorak mbaken ya?” yinuk, yogo nogogwaarik, at Yutup abi kagagerak mbininogo yoragagerak paga mondok inanini oba pereegwaarak.

2 Tamuwen 16:7

Inoorit nage logonet, “Obaabut abu maluk aakumi inamiya wunaka yi, yime kenggaawak pi woraagun o. Nak o!

2 Tamuwen 6:20

Nogwe iigak, at Ndawut nogo at inom menggaarak ale'nggen inoba piyaakit nduk, ame nage mbareegi, Tawun apuluk kwe Mikan nogo wundi woraanuk, at Ndawut imbirak lambungge nagagerik, yoge logonet, “It aakumi Iterali inowe endagembogut yi, aap iniki mbanak inayum yirik lek nugu mengga kwak, o yogondak yi paga it komologwe kayeloman mini inigen iigak kenggali lek, kayum yirik lek nege keegirak nogo ti, Wi, kombaki o.”

1 Endagembogut 21:4

Yoge mbareegi, aap Yiteren mendek Nabot nen, “Nombomini ineyate nggween wo'nereegwaarak nogo wokkirigin lek o,” yinuk, yoreegerak ti paga at Akap nogo ale'nggen lek a'nuk, iniki aagi wo agan ame nage nagagerik, nogo yege menggim winna'nuk, enete aagi wu eeppunuk logonet, mbi nengga'lek wonagagerak.

2 Mbinineegwaarak 16:10

Aap abinggaanggo kaga nen wone yoreegerak paga at Ata anini lombok age nagagerik, eebe keele maarogo mambiigo menggam mambereegerak. Mambege nagagerik, ne ti eyom paga mban anini nen it aakumi ando aaninggin mondok alik negen inoba piyareegerak.

2 Mbinineegwaarak 19:5

O Yekura kota-kota pak wurik me nogome abok aret aap inowak loonggo logowak nduk, mippiige nagagerik,

Nekemiya 5:8

it nogo yorage logonet, “It aakumi alik mendek nen nit ninoreewi Yakuri mendek keele maageren piya nogogwaarak nogo nit nen wakkagak mban eeko logonet, wondet eerogo wogoren piya wogogurak kwe, an nen ambinom wondet eerogo piyaakit lak nonggop nduk, ambinom tebenogo piyoorak nduk, eeko ogotik?” Yorage mbareegi, wone onggo yo'niriyak meek aret me, inoone lek puk aret ogogwaarak.

Ndawi 109:3

Inanini nen inoone mondok wonggok togon yo'nugwi, Alom lek kagak nooriyak eekwi,

Ndawi 14:1

It aap yuundurak iniki me nen, “Ala eebe lek aret,” mbako menggaarak. Aakumi ti, ineraambe abu maluk lombok logonet, Ogole warak mendek mban eerit nugu menggaarak. It ambiriluk ambi obeelom eekulik maluk mban aret eeko menggaarak.

Ndawi 25:3

“At nen aret yeenggwa niraagin o,” yinuk, Iniki kat paga lunik wonogwe iinok, inenggali arugun lek kwe, Alom lek kagak aap maluk eeppiyoorak kote negen koonggwi iinok perak, Inenggali arugun o.

Ndawi 35:19

Alom lek kagak, it ninom wim mbanak nen, “Op togon eeppogo a!” yinuk, iniki wogoppakwi, Alom lek kagak ineebi nombakwi nogo nen Maluk eeppanuwak nduk, inogobak tinggin yogwe, Eekwi iyo, Non mbanogo piyet o.

Ndawi 37:8

It aap maluk eeka inenggaawak lek ogwe, “Aliku ALA nen mban eeke kaawok o,” yinuk, at tokkogwe nogo o yi yate kwak unde ogwe, Eerugun me, Kit kinanini age nogo mbo pugwi, Kiniki aagi mi'nage nogo teppugwi, Eeko logonip o. Kinanini ti paga maluk aret eeriyak me, Kinanini mbako logorak ti mage o.

Ndawi 49:10

It aap iniki warak nogo inom, Iniki wi inom, yuundurak nogo inom, Ndak-ndak aret kanggwi iigak, Inamendek yumbunogo pemenggaarak nogo Aap alik nen unde ogwe iigo monggoorak nogo o.

Ndawi 69:4

An neeruwak ambik wonage yi kwak lek It ineebe ambik lombok nen An eekirak lek kagak ineebi nombakwi, Alom lek kagak ninom wim mbanak ineebe ambik nen Nenggaawak lek eerogo paniyak eekwi, Inamendek woolik neegak inoone omaawi paga, “Ninamendek obaane'me awi ya'niyet o,” yo'nugwi, Eeko agaarik o.

Ndawi 7:4

At nimbirak niniki ugun wonogwe nogo maluk eeppege, Alom lek kagak, at tebembaniyak eeke nogo, Amendek ambi kiraakkolage, Ee'netak en,

Ndawi 92:6

It aap iniki apit nogo nen ineenu ogwe, It aap iniki lek wi negen nen liippugwi, Eeka'lek nogo yi o.

Kini Wuppiige 14:16

Aap iniki warak nogo nen, “Maluk eeriyak neebi o,” yinuk, ogole mbagangge menggerak kwe, Aap iniki lek wi nogo nen perak, anini mbet-mbet mi'na'nuk ugun eerit nage nagaatik, “Op eeki,” yinuk, puk aret age menggerak.

Kini Wuppiige 18:6

Aap iniki lek wi oone paga nen, “Kinoone yi-wu yo'ninip o,” agan nege, Oone agan nage paga yawi nukko'net nege, Eeke menggerak.

Yeremiya 17:11

Aap ambi aakumi wi-wi aganake logonet, eenggi warak eekkolage nogo ti, Towe at ako lek alik ambi ako kagak tebeni unggwage nagaatik, tubungge menggi kwak aret menggerak o. At nda'nagagim obate paga kagak amindik-amendek unde agaarak nogo lek age, Ndi, at nda'nagagim abu ari nage kagak, at eeremenggerak paga, “Aap yi, wi yuundurak kwak wonage o,” yinuk, aakumi ineenu ogwe, Eeko logogun o.

Leendawi 3:52

Towe mugurok-magarok nugu mengga kwak it alom lek kagak ineebi nombakwi nogo nen an mu'neren nugwi,

Ndaniyen 3:13

Yogo mbareegwa, at aap endagembogut Nebukanetat nogo anini mondok alik negen mi'nage logonet, “It Tarerak, Metak, Abe'nego ti, nowagam wogoren wa'nip o,” yoragagerak wogoren wogo mbareegwa,

Ndaniyen 3:19

Yogo mbareegwa, at aap endagembogut Nebukanetat nogo aap Tarerak, Metak, Abe'nego it paga anini mondok alik negen mi'nage, enete aagi alik negen eerogo pege, eeke logonet, kani kunik omoonuk mbuuluk kogo menggaarak kwe, kani omoonuk kogolik abu alik negen we ne ambit wunuk togon nengge menggim time mbo mambiyaawak nduk yoragagerak.

Obaya 1:10

“It Erom mendek inanini nen inawuri Yakup mendek eeppiinet nogo nogogwaarak paga, It aap yi, yogop eeka o, yinuk, inenggali wappiigwi, Inenggaawak lek eerogo piigwi, Eeremenggaarak Mondok aret logogun o.

Obaya 1:12

Inawuri Yakup mendek maluk eerogo piigwi ne ti paga, it Erom mendek nen, Kayik a! inombakwi, It Yekura mendek ineebe lek eerogo piigwi ne ti paga, iniki ale'nggen mbakwi, Aaninggin inoba kwi'nage ne ti paga, Nit eeppinanega'lek me, nit iya, yinuk, tiyappakwi,

Matiyut 10:17

Aakumi nen it wone amburu mbanggo menggam pikkiren nogwe, Yakuri tamban eeko menggam nen ya'mbiran nggora eerogo kinookwi, eekkinabugun me, liippunuk, kiniki tum wako logomunggup o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Matiyut 12:24

Yogwe nogo ti aap Pariti mendek nen inaruk konenggo nogogwaarik, “Ia! Aap yi, kugi iyagalo Mbeletebut nogo nen yoreegerak paga mban kugi nggiginogo wumbiige menggerak kogo o,” yinuk,

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Matiyut 18:21

Yorage mbareegi, at Peterut nen Yetut owagam wage nagagerik, yoge logonet, “Nogoba wae. An nore ne mande paga maluk eeppanege kenok, an nen at omaluk nami eerogo puurak o? Ne 7 kuli ilik, ne mande a?”

Matiyut 18:35

Yoge nagagerik, “Kit kinoreewi maluk eeppinagagwi nogo, kinalitak lombok abet aret kinami eerogo piigwi lek kiinok, an nogoba mbogut paga mendek nen kit togop aret eekkinabigin o,” yinuk, yoragagerak.

Matiyut 23:15

Kit Ala wone liiru mbanak unde Pariti kinom kiniki laakot logonet, eeko monggotak yi, aap ambiriluk kinoone wagangge logowak nduk, yi awi ndi awi kwaarit nugwi, aakumi inawi wanggerit nugwi, eeko nogootik, kinoone wagangge kenok, kit kani omoonuk wunuk mban ari menggim unggwi namunggup nduk, eeko logonet, at perak, maluk nggwok lombok eekko'nok kinom unggwi nawak nduk, eeppogo monggotak me, kinabuwa o!

Matiyut 23:33

Kit waalo muuru nogo mendek awi wiganak yi, Ala nen owak loonogo kani omoonuk wunuk mban ari menggim time nappinagage kenok, nonggop togon kole mbaganumunggup o? Abu meek aret o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Matiyut 26:59

Kwi'ndak wonage kagak, it Ala unde inoweewi inom, it wone amburu mbanggo menggaarak abok aret inom, “At Yetut waruwok nduk, taani nen pilit wone at oba pugwi iyaamun?” yinuk,

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Matiyut 5:34

an nen perak, Kit kinoone yogo logonet, Yi mendek ndi mendek endage kumbunuk, yokkiragi o, yinuk, yoroorak ti abu mage o. Mbogut ti, Ala wone lengganogo yorage menggim me, mbogut endage kumbunuk, yorogwe,

Matiyut 5:44

kinogoba mbogut paga mendek nogo nen oonegen unde logonet, it aakumi abu maluk mendek inom, obeelom mendek inom, iniki koonak menggaarak inom, iniki koonak lek menggaarak inom, abok aret inabuwa nen obeelom eeppiige logonet, inambi op aruwak nduk, o kibi wogorage, o mayu wogorage, eeke menggerak me, kinogoba mbogut paga mendek apuri arubagip nduk, it kinom ogoorak monggotak nogo kiniki kunik eeginakwi, ndi, it piyak-payak eekkinako menggaarak nogo, inake tamban eekwi, eeko logonip o, yinuk, yokkiragi o.

Marakut 14:55

it Ala unde inoweewi inom, it wone amburu mbanggo menggaarak abok inom, kuwak aago wonogo logonet, “At Yetut waruwok nduk, at eekerak alom ta nen liippegendak o?” yoragagerak mendek, lek aret kogogwaarak.

Marakut 15:1

Kuubondendok it Ala unde inoweewi inom, inanggok inom, Ala wone liiru mbanak unde inom, it aap wone amburu mbanggo menggaarak mendek abok inom, kuwak eeko nogogwaarik, “Ndogop eeppuwok o,” yinuk, wone mbaneegwaarak. Mbanggo nogogwaarik, Yetut nogo keele maa'nuk, wonok, at Pilatut owagam pi nogo mbareegwa,

Lukat 12:5

Kit kinagabiti mbarumunggup nduk, an kurumbi yokkira o. At kinagabolo mondok kinooppunuk, kani omoonuk wunuk mban ari menggim nappinagarak unde menggerak ti perak, kinagabiti mbako logonip o. At mondok kinagabiti mbako logonip o, yinuk, yokkirage agarik o.

Lukat 22:66

Ndi, o weege mbareegi, it Yakuri inawone amburu mbanggo menggaarak aap inanggok inom, aap Ala unde inoweewi inom, aap Ala wone liiru mbanak unde inom, kuwak eeppunuk, wonogwe me, Yetut awone amburu mbanuwak nduk, at eebe wonok it inowagam pi nogo mbareegwa, at yogo logonet,

Yaya 11:47

it aap Ala unde inoweewi inom, it aap Pariti mendek inom, nen aap wone amburu mbangga nogo kuwak eeppiigo nogogwaarik, yorogo logonet, “Aap ti, ineenu agak inagabiti warak mendek apit aret eerit nage menggerak me, nit nonggop eerumun o?

Yaya 15:25

Ineebi ninombakwi nogo ti, Ala nen ari logonet, Alom lek kagak ineebi nombakwi o, yinuk, yereegerak liiru mbanak nogo, a'me lik yuwak nduk, ineebi ninombako agaarik o.

Yaya 7:20

Yorage mbareegi, it aakumi nogo nen, “Lek o. Kat kugi kinikime lik yegerak ya? Ta nen kooriyak eeke kenok, ari agandik?”

Yaya 8:48

Yorage mbareegi, it Yakuri mendek nen, “Kat aap Tamariya mendek kugi kinikime lik yegerak, yokkogoorak nogo ti, abet aret nogo lek a?”

Nappiigak 17:18

Eeke me, it aap yi wone ndi wone alom kibingga mendek Epikurot wone ari inom, Towa wone ari inom, agan nogo nogogwaarak nogo nen, Pawulut inom wone onggo-onggo yogo logonet, “Wone yogwe iigetak kambok agan nege menggerak yi, nonggop mba'nuk agan nege mbakop?” yogwe, ndi, at Pawulut nen wone obeelom wone Yetut eeke nagagerak wone inom, at eenik a'nuk mi'nagagerak wone inom, yorage kenok, it ando nen, “Lek o. Aakumi alik inagugi awone wonok wage nagaarik, ari kogo o,” yinuk, yogwe, eekwi me, yogo nogogwaarak.

Nappiigak 22:30

Nogo yippunuk, ko'lu aap yigin unde inowe nogo nen, “It Yakuri nonggop nduk inoone at oba lenggenogo pegaarak liirogon neenu arikit,” mba'nuk, at Pawulut piinogo teppege nagagerik, it Ala unde inoweewi inom, it wone amburu mbangga inom, kuwak eeri woraawak nduk inayonggo pege mbareegi, kuwak eeri wogogwaarak me, Pawulut nogo wonok, inowagam oolo mippi nagagerak.

Nappiigak 23:1

At Pawulut nogo wonok, oolo mippi nage mbareegi, it wone amburu mbangga nogo enegen loorage logonet, “Noreewi o. An Ala abu'me logonet, o maan nen yogondak kuli an ambi eekirak paga niniki penggenneegak ee'naka'lek aret agarik o.”

Nappiigak 24:20

Yi wone ndi wone yoragarak paga lek o. Ata, it apit inenggaanom paga, Nit kambunuk nineenik agago mi'nariyak ti, niniki lunik kenok, nawone amburu mbanuwok nduk wogwe kiigi o, yinuk, wone mbuuluk ti aret noone panggok togon yoragarak paga wo'neren wagaarak ti neenu kwe, ambinom eeke neegaarak kero, it nen mban paganogo yokkiruwak o,” yoreegerak.

Nappiigak 4:15

Puk ogo nogogwaarik, “Wone amburu mbanggo menggam nen endekem wundi nanip o,” yorogo mbareegwa, wundi nogwe iigak, inalik nen wone mbanggo logonet,

Nappiigak 5:21

Yorage mbareegi, o kuubondendok Ala awi wurik me unggwogo nogogwaarik, malayikat nen wone yoragagerak ndak-ndak wone mamunirogogwaarak. Mamunirogwe me, it Ala unde inowe nggwok awuri inom nogo nen it Iterali inogobamini wone amburu mbanggo menggaarak mendek abok kuwak ari woraawak nduk, yonggo nappiyareegwaarak wogo mbareegwa, it nappiigak keele maarogo mambiigo menggam wonogwe nogo wogoren woraawak nduk, aap Ala awi wurik me arum waka nogo nappiyareegwaarak.

Nappiigak 5:27

Wogoren it wone amburu mbangga inowagam piya wogo mbareegwa, at Ala unde inowe nggwok nogo nen kin wogiige logonet,

Nappiigak 6:12

Wogorogo mbareegwa, wone ti, agan it aakumi inom, inanggok inom, Ala wone liiru mbanak unde inom, inikime manabi wogo mbareegwa, inanini nen aap Tepanut nogo piganok, aap wone amburu mbangga inowagam pi nogogwaarak.

Nappiigak 6:15

Yorogo mbareegwa, it wone amburu mbanggo menggam kwi'ndak wonogogwaarak nogo abok aret nen, at Tepanut eebe inigen pippak ugo logonet, at enete ti, malayikat etenggen kwak kumbunuk wonage kogogwaarak.

Nappiigak 7:37

Ala nen yoge kagak yoraga kit mendek ambi an kwak nappi woraagin o, yinuk, it Iterali mendek yoragagerak nogo ti, Muta mban aret.

Oroma 12:10

Kinowe-kinawot kiniki kunik eeginako monggotak kwak, kinoreewi kinom niniki-kiniki kunik eeko logonip o. Nabu'me-kabu'me logonet, at ambi tiyappegak eeko logonip o.

1 Korindut 6:6

Wonage kagak kwe, it Ala wone wagangga'lek nogo mendek nen koonuwak nduk, kinoreewi wogoren piya nogo monggotak me, iya lombok kiigi o.

Pelaareegerak 15:11

O kit logowam time aap ineenggi lek, ti mendek lek arugun lek mondok aret wonogo logogun aret me, it aap kinoreewi ineenggi lek logonet, Nit ndi mendek lek me, yeenggwa niraanip o, yokkirogwe iinok, kiniki ndoobu paga aret wogorogo logonu o, yinuk, eeko logorak wone lengganogo yokkirage ti aret o,” yinuk, yoragagerak.

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.

1 Tetalonika 4:6

Nit maluk eerit nugu logowok nduk, at Ala nen mii'ninabulik o. Ata, maluk eeka'lek at ake leenak logowok nduk, mii'ninabeegerak me, nit aa'nduk ninoone omaawi paga yokkirogo nogogurak nogo ndak-ndak, maluk togoti eekwi iinok, Ala nen onggo koonogo eeppinanege menggerak me, kinoreeluk ambi maluk eeppege logonet, at akwe kote wuriyak mage o.

Titut 3:2

Aap ambi miyuk-meya eerogo pugwi, ndugwi pugwi, eeko logorak ti mage o. Ata, iniki yanggonak logonet, yi aap ndi aap abok aret inabuwa mbako logowak nduk, yorage logot o.

Iberani 12:25

at nen wone yokkirage nogo konembunuk, mbo pugup o. Liirogon aret porogo logonip o. At nggween paga logonet, Ala nen eeriyak mbareegerak nogo yorage mbareegi, “Nineebi o,” yinuk, mbo pogo mbareegwa, Ala nen teppiyoolik mondok inooreegerak me, yogondak at mbogut paga wonage nogo nen wone yo'nirage nogo mbo pugwi niinok, nit teppinanigin mbakop? Lek o. Mondok ninoorigin aret o.

Iberani 5:9

Teppege mbareegi, nit ee'ninake menggerak nogo, at abu li'luk eerogo mamunggolage nagagerik, nit at oone woppunuk, eerit nogwe nogo, abok aret nineenik mondok-mondok logowok nduk, ninagap ndake logorak alom at aret agagerak me,

Yakobut 2:20

Nowe-nawot o. Kit wi negen agan nugwi kiigi o. Eebe eeka'lek kagak abet mban mba'nuk, puk wonogwe kiinok ti, “Yi aanom warogo aret abet mbakwi o,” yinuk, mbaka'lek ogotik ya?

Yakobut 3:6

Ninamili ti, kani pogom aret o. Yi maluk ndi maluk anebunu abok aret alom ti, ninamili aret o. Ninamili ti, nineebe ando aret me nineebe apit aret maluk eerogo pinanege menggerak. Kani omoonu'me nen kani anggen wonok ninamili paga wuninogo pi wagaatak paga, nit aakumi nggween paga mendek eeko monggoorak abok aret eerit nogo logonet, maluk mban eerit nogo logowok nduk, ninoba wuninogo pinanit nage menggerak alom ti, ninamili aret o.

1 Yaya 2:9

Aap ambi nen, “An o eya paga nage agarik o,” ari logonet kwe, awot eebi mbake kenok, aap ti, iniki o apit pogom yogondak wonage aret o.

1 Yaya 3:10

Ala apuri inom, Tile apuri inom, nano paga nineenu ariyak nogo yi aret. It aakumi obeelom eeka'lek maluk mban eekwi, inowe-inawot iniki kunik eekwi lek ineebi mbakwi, eekwi iinok ti, Ala apuri lek aret yelok iigo monggoorak.

1 Yaya 5:16

Aap ambi nen maluk eeriyak iniki miippatinuk eerit nage kinigen kogo logomonggotik, at kani omoonu'me noorak nduk, eekwi nogo mendek eerit nage me, ake Ala yorubagip nduk, yokkirage ti lek o. Ata, kinore ambi Ala nen ninomaluk lek eerogo pinaniyak nogo mendek eeke kinigen kogwe kenok, Ala nen omaluk lek eerogo punuk, eenik mondok logorak mendek unde logowak nduk, “Ake Ala yogo logonip o,” yinuk, yokkiragi o.

Yurat 1:9

Muta kangge mbareegi, at yonggo mbogut paga nugu menggaarak inowe Mikayen Tile imbirak, “Eebe an koloorak kat koloorak,” nili-kili yogo logonet, at Mikayen nen, “Kat abu maluk lombok me, kambu o,” yinuk, Tile yoriyak op aret kwe, agabiti nen, “Nogoba nen mban mbekkirigin o,” yinuk, yoreegerak kwe,

Wayu 20:14

Ti eeke kage nagarik, it ando ineenik aganaburak mbuku nogo paga inendage mbanak lek kenok, kani omoonu'me nappiige logonet, kanggo menggaarak alom inom, kambunuk nogo menggam inom, abok aret waganogo kani omoonuk wunuk mban ari menggim nogome mbo nappiige kagarak o. “Ne mbere kambuurak o,” yinuk, liiru mbanak nogo ti, ambi, we ineenik logonuk, laalu kanggwi, ndi, ambi, kani omoonu'me mondok-mondok nappiige, eeriyak ti nduk aret liiru mbanak o.