Matiyut 5:18 - Ala Wone Peenok Peebi Mbanak

¹⁸ Mbogut-nggween awo lek aga'lek kagak, Ala wone yugu Muta liiru mbaneegerak ando mbuuriluk ambi awo a'me lik yega'lek kagak, lek arigin lek o. Ata, mondok ndak-ndak aret arigin o, yinuk, abet aret yokkiragi o.

Matiyut 5:18 ပူးပေါင်းရင်းမြစ်များ

Ndawi 102:26

Mbogut inom, nggween inom, ti lek arigin kwe, Kat perak, kitok mondok aret menggendak o. Yum maan yugu me nibik ari kenok, mbo pogo mengga kwak, Yum enete maluk agaatak kenok, Yuwi-mbuwi eerogo mbo punuk, Obaane'me alik ngget mendek yikkologo mengga kwak, Mbogut-nggween yi, togop aret eerigin kwe,

Ndawi 111:8

At iniki mondok liippunuk yorage, Iniki koonak paga lengganogo yorage, Eeke menggerak me, Mondok-mondok nu'lek aret wonage menggerak.

Ndawi 119:152

O aa'nduk nen aberak logorak koone yugu nogo Liippege logonet, “Wone ti, mondok-mondok eeko logowak nduk koonogo pereegindak,” An neenu agagirak o.

Yetaya 40:8

Iri'ngga mbuk age, iri'ngga anggen mono-mono wangge, eeke menggerak kwe, Ninogoba Ala oone perak, mondok itok aret menggerak me, yoret o,” yinuk, yo'negerak o.

Yetaya 44:26

Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,

Yetaya 51:6

Kina mbogut nikkogwe, kinigen nggween pekkogwe, Ee'nip o. Ka'luk lek age menggi kwak mbogut lek age, Yum yiko logonet nibik ari menggi kwak, nggween yi togop aret age, Eeke kenok, It aakumi nggween paga wonogwe nogo laami ne ambit liingge kanggo mengga kwak kambit nagun kwe, An kinagap ndake neenok, kinagap ndarak mondok-mondok wonogwe, Ndi, obeelom eerogo pinagage neenok, mondok obeelom aago aret wonogwe, Eeko logomunggup o.

Matiyut 10:15

Peebi inowak looniyak eyom paga it aakumi o Torom inom, Nggomora inom, wonogogwaarak nogo mbuuluk aret inoorigin kwe, it aap o kota time mendek ti, abu nggwok togon inoorigin aret o, yinuk, abet aret yokkiragi o,” yoragagerak.

Matiyut 10:23

O kota ambime nen piyak-payak eekkinakwi iinok, kole mbaganit o kota alik ambime namunggup o. Kole mbaganit aap Iterali iname kota-kota ando awo unggwit naga'lek kiigak, an aap aret nda'nagagirak nogo, woraagin aret o, yinuk, abet aret yokkiragi o.

Matiyut 10:42

Ndi, kit nen, Yetut oone waganggwi me, yinuk, wologwe mbuulogwe yi mendek ambi, niyo miin toologo wogogwi kiinok ti, onggo kolaamunggup lek ti lek o. Kolaamunggup aret o, yinuk, abet aret yokkiragi o,” yoragagerak.

Matiyut 11:11

At Yiime Wuppiiga Yaya endage warak lombok nda'nagagerak kokwak, it kumi inaagalogwe togop ti, ambi ndaganakulik kwe, at mbogut paga mendek abu'me piige menggim inendage lek abu tebenak wonogwe nogo ti, Yaya tiyanak kagak at irimbaga lombok aret logogun o, yinuk, abet aret yokkiragi o.

Matiyut 13:17

Kit kinigen kogwe nogo, Ala nen yorage kagak yoraga inom, iniki abe koonak wonogogwaarak inom, it apit nen, Ninigen kaawok lak ao, mbako nogogwaarak kwe, kaga'lek aret wonogogwaarak o. Ndi, kit kinaruk konenggwi nogo, it togon, Nit ninaruk konenuwok lak ao, mbako nogogwaarak kwe, konengga'lek aret wonogogwaarak o, yinuk, abet aret yokkiragi o,” yoragagerak.

Matiyut 16:28

Kit ando yime wonogwe nogo nen an aap aret nda'nagagirak yi, it aakumi nabu'me piya woroorak nogo awo kinigen neega'lek kiigak, kambumunggup mondok lek o, yinuk, abet aret yokkiragi o,” yoragagerak.

Matiyut 17:20

Yogo mbareegwa, at nen, “Kiniki liirogon abet nombaka'lek nogo paga eeriyak meek aret wonogotak o. Kit kiniki abet nombakwi nogo kulok anggen pogom logonetak en, puurom yi yogo logonet, Yime nen tayo yi nage keyaagin o, yogwi kiinok, tayo yi nage kaanetak o. Kiniki mondok abet nombakwi kiinok, kit eeriyak mbakwi nogo ambi eeriyak meek ti lek abok aret eeko logomunggup o. (

Matiyut 18:18

Wone ambinom yorage logonet, “Kit nen nggween paga yime ambi, Eeriyak mage o, yogwe kiinok ti, mbogut paga kunduk, eeriyak lek aret kaamunggup o. Ndi, kit nen nggween paga yime ambi, Eeriyak op o, yogwe kiinok ti, mbogut paga kunduk, eeriyak aret kaamunggup o, yinuk, abet aret yokkiragi o.

Matiyut 18:3

“Kit aap yi, kiniki koonggwi ti, lek eerogo punuk, elege mbuulogwe yogop yi arumunggup lek kenok, at mbogut paga mendek abu'me piige menggim unggwi namunggup mondok lek o, yinuk, abet aret yokkiragi o.

Matiyut 19:23

Nage kagak, Yetut nen at oone waganggwi nogo yorage logonet, “Aap eenggi warak kenok, at mbogut paga mendek abu'me piige menggim unggwi noorak meek negen aret kagi o, yinuk, abet aret yokkiragi o.

Matiyut 19:28

Yoge mbareegi, Yetut nen, “Kit an ninom nugu monggoorak yi, peebi o mbogut-nggween ngget ogobakkigike eyom paga, an aap aret nda'nagagirak nogo, tiyanak lombok wone lengganinake minggim wonage neegak, kit kunduk wone lengganinako logowam 12 nogome logonet, aap Iterali inanebunu 12 nogo inowak looninako logomunggup o.

Matiyut 21:21

Yogo mbareegwa, at Yetut nen, “Kit kiniki mbere lek ambit aret logonet, Ala abet mbakwi kiinok, an eyo wuli yi eekirak yogobi mban eeko logomunggup lek o. Ata, kit nen puurom yi kunduk, yogo logonet, Aan wogonogo yi yenggenak me lebennari nage keyaagin o, yogwi kiinok, ndak-ndak aret eeke kaamunggup o.

Matiyut 21:31

Inogoba eeriyak iniki mbareegerak nogo apuri mbere me, ambi ta nen eereegerak mbakop?” Yorage mbareegi, it nen, “Lek o. At peebi mendek nogo nen aret eereegerak kogo o.” Yogo mbareegwa, at Yetut nen, “It aakumi mondok ineenik logorak mbakwi iinok, obeelom eerit nugu logorak Ala mbake wone nogo, at Yaya nen mamunggira wagagerak kwe, kit nen, Yi abet aret yo'nirage, mbaka'lek kiigak, it o unde inake wu kuwak eeka inom, kumi terak wurinaka inom, nogo nen mban abet mbareegwaarak. Ndi, it aret abet mbareegwaarak kinigen iigo nogotik, Ao, nit kunduk, ninomaluk mbo punuk, abet mbaruwok o, yuurak op aret kwe, mbo punuk, abet mbaka'lek wonogwe me, kit awo Ala abu'me unggwi naga'lek kiigak, it o unde inake wu kuwak eeka inom, kumi terak wurinaka inom, inaa'nduk aret unggwi nogo agaarik o, yinuk, abet aret yokkiragi o,” yoragagerak.

Matiyut 23:36

Kit aakumi yogondak wonogwe yi, wone yi abok aret aaninggin kit kinoba aret logogin o, yinuk, abet aret yokkiragi o,” yinuk, yoragagerak.

Matiyut 24:2

at Yetut nen it yorage logonet, “O yayi wurik wonage abok aret kinigen kogwe ilik lek a? Yugum ambi oba lu'luk aago logorak lek o. Abu tigitogon langgunogo nappugun o, yinuk, abet aret yokkiragi o,” yoragagerak.

Matiyut 24:47

Ogoba nen at amendek abok aret ayeloman nogo unde logowak nduk, mippigin o, yinuk, abet aret yokkiragi o.

Matiyut 25:12

yogo mbareegwa, at kwe kolage nogo nen it yorage logonet, Kit an neenggo'lek me, mbaganinip o, yinuk, abet aret yokkiragi, yoragagerak o,” yinuk, at Yetut nen at oone waganggwi nogo yoragagerak.

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 25:45

Yo'nogo mbaremengga, an nen it yorage logonet, Lek o. Kit nen it aap maluk-malak mendek yi, togop eeginaka'lek wonogogutak nogo ti, an aret ee'naka'lek wonogogutak o, yinuk,

Matiyut 5:26

Keele maarogo piigo menggam mambinagagwi iinok, at kinom ogoorak wonage nogo nen, Onggo ndogop puurak o, yinuk, yokkiramenggerak nogo abu tigitogon pega'lek kagak, time nen wumbinagagin mondok lek aret o, yinuk, abet aret yokkiragi,” yoragagerak.

Matiyut 6:16

Yetut nen wone ambinom yorage logonet, “Kit mbi nengga'lek kinambe mage negen logonet, tamban eekwi kiinok ti, it aap iniki laakot logonet, eekwi nogo nen, Nit mbi nengga'lek ninambe mage negen logonet, tamban eekwi niyaawak o, yinuk, inete ogum warak eekkologo mengga kwak, kit togop logonet, tamban eeko logogup o. It aap togop eekwi paga aakumi wiirogwe nogo, it onggo ti aret kologo menggaarak o, yinuk, abet aret yokkiragi o.

Matiyut 6:2

It aap iniki laakot logonet, eekwi nogo ti, Aakumi nen, Nit iya, ninombaruwak o, yinuk, tamban eeko menggam inom, tu paga inom, Togop eekoorak o, yinuk, yoranet nugu menggaarak me, kinamendek aakumi ineenggi lek mendek wogorogo logonet, it eeko mengga kwak, kit togop eerugup o. It aap togop eekwi paga aakumi nen wiirogwe nogo onggo ti aret kologo menggaarak o, yinuk, abet aret yokkiragi o.

Matiyut 8:10

Yoreegerak nogo at Yetut aruk konengge nagagerik, “Wi!” yinuk, pi wake logonet, at inom wogwe nogo yorage logonet, “It Iterali mendek inenggela'me nen aap iniki mondok iya lombok abet nombake yogop ambi an kaga'lek aret agarik o, yinuk, abet aret yokkiragi o.

Marakut 10:15

It elege-aabologwe Ala abu'me logorak nduk unggwi nogo mengga kwak, kit togop unggwi naga'lek kiinok ti, unggwi namunggup lek o, yinuk, abet aret yokkirage agarik o.”

Marakut 10:29

Yoge mbareegi, at Yetut nen, “An nabuwa nen obeelom wone nggwok aruwak nduk, kinagalo-kinogoba inom, kinowe-kinawot inom, kinapurilogwe inom, kinawi wurik inom, kineyabu aago inom, abok aret mbo pugwi kiinok,

Marakut 11:23

Kiniki yungguppegak eeka'lek kinoone yogwe, Ndak-ndak arigin, mbako logonet, Puut nggwok yi, Aan wogonogo yi yenggenak me lebengge keyaagin o, yogwi kiinok, togop aret eeke kaamunggup o, yinuk, abet aret yokkiragi o.

Marakut 12:43

Pege kage nagagerik, at oone waganggwi nogo wiiragagerak wogo mbareegwa, yorage logonet, “It aakumi inawu pegaarak yi, inamendek apit enaani kagak pegaarak kwe, kwe togwe yi perak, amendek abu lek kagak ambi onggo patiyak mendek tigitogon pegerak me, aakumi abok wu pogo menggam wu pugwi yi, we mbuuluk mban pegaarak kwe, kwe togwe amendek lek yi perak, nggwok aret pegerak kagi o, yinuk, abet aret yokkiragi o,” yoragagerak.

Marakut 13:30

Kit yogondak wonogwe yi, awo lek aga'lek kiigak, abok eeriyak yokkiragarak nogo tigitogon a'me lik ari kaamunggup o, yinuk, abet aret yokkiragi o.

Marakut 14:18

Nogo nogogwaarik, kwi'na'nuk, mbi nonggo logonet, at Yetut nen, “Kit an ninom mbi nunggwi yi, ambi nen nooruwak nduk aakumi yoraagin kagi o, yinuk, abet aret yokkiragi o.”

Marakut 14:25

An o yogondak kuli paga nen nok, peebi Ala abu'me piige menggim logonet, anggur amburu ngget mendek noorak nogo eyom ari waga'lek kagak, anggur amburu yi, an nengga'lek aret logogin o, yinuk, abet aret yokkiragi o,” yoragagerak.

Marakut 14:30

Yoge mbareegi, at Yetut nen, “Yogondak oonikiya yi paga aret ayam oone ne mbere paga yikit nduk eeke kagak, kat ne kenagan paga, Yetut ti, an neenggo'lek, yumunggun o, yinuk, abet aret yokkege agarik o.”

Marakut 14:9

Obeelom wone wonok yi awi ndi awi yoranet nugu logonet, kwe yi ee'nakerak nogo, aberak logowak nduk, yoranet nugu logogun o, yinuk, abet aret yokkirage agarik o,” yoragagerak.

Marakut 3:28

Aakumi yi maluk ndi maluk eekwi inom, miyuk-meya eerogo piigwi inom, inomaluk ti, at Ala nen mbo punuk lek eerogo piyoorak op kwe,

Marakut 6:11

Ndi, o ambi me nen kit wokkinakwi, kinoone konenggwi, eeka'lek iinok perak, Kinobaalombok o, yinuk, liirubu kiniyok paga lenggennaremenggerak nogo yumbunogo piinok, time nen wundi nanu o,” yinuk, nappiyareegerak.

Marakut 8:12

Yogo mbareegwa, at Yetut nen, “Aap yi yogwe, Ao,” mbake logonet, “Kit aakumi yogondak wonogwe yi, nonggop nduk, Nineenu ariyak mendek ambi eeke keyaawi, mban yo'nogo ogotik? Kineenu ariyak mendek ambi eeke neyaamunggup mondok lek o, yinuk, abet aret yokkiragi o.”

Marakut 9:1

Yorage nagagerik, ambinom yorage logonet, “Kit aakumi ando yime wonogwe nogo, at Ala oone omaawi paga lengganinake logonet, aakumi at abu'me piya wage kinigen kaga'lek kiigak, kambumunggup mondok lek o, yinuk, abet aret yokkiragi o,” yoragagerak.

Marakut 9:41

Aap ambit ambi nen, Keritut apuri aret o, yinuk, niyo tookkirage kenok ti, at onggo kolaagin lek ti lek o. Kolaagin aret o, yinuk, abet aret yokkiragi o,” yoragagerak.

Lukat 12:37

Inogoba nen ayeloman mini nogo ineenik logonet, tum wakwi me iya wage kenok, inale'nggen inombarigin o. Tum wakwi wonogwe me iya wage kenok, ogoba nen ayumunggok nggooppunuk, at ayeloman mini inanoniya larak nawak nduk, ambime kwippiinok, inake eeke logogin o, yinuk, abet aret yokkirage agarik o.

Lukat 13:35

Kat kawi yime teppiminggirak o wogo aret logogin o. Kat nen, Nogoba endage paga wage yi, wogoppuwok o, yuurak eyom panggoni waga'lek kagak, kenegen abu neega'lek aret logomunggun o, yinuk, yokkigi o,” yoreegerak.

Lukat 16:17

Togop eekwi kwe, mbogut inom, nggween inom, lek ariyak ti, op kwe, Ala wone yugu liiru mbanak nogo perak, ando mbuuluk mbanak ambi lek arigin ti abu lek aret o.

Lukat 18:17

It elege-aabologwe Ala abu'me logorak nduk, unggwi nogo mengga kwak, kit togop aret unggwi naga'lek kiinok ti, unggwi namunggup lek aret o, yinuk, abet aret yokkiragi o,” yoragagerak.

Lukat 18:29

Yoge mbareegi, at Yetut nen, “Aap ambi Ala abu'me logokit nduk, agalo-ogoba inom, owe-awot inom, akwe inom, apuri inom, awi wurik inom, abok aret mbo piige kenok perak,

Lukat 23:43

Yoge mbareegi, at Yetut nen at yoge logonet, “Yogondak aret kambunuk, nogo menggam o obeelom nogome nimbirak wonage keyaagin o, yinuk, abet aret yokkigi o,” yoreegerak.

Lukat 4:24

Yorage nagagerik, “It aap inawi alom paga logonet, Ala yoge kagak yorogwe iinok, inowe-inawot inaruk liirogon konenggulik o, yinuk, abet aret yokkiragi o.

Yaya 1:51

Yoge nagagerik, ambi yoge logonet, “Peebi mbogut keyaappunuk, it Ala yonggo nappiya wage menggerak malayikat nogo nen an aap aret nda'nagagirak pe'neya wambi wogwe, mbogut paga lagi nogwe, eekwi iige logomunggun o, yinuk, abet aret yokkigi o,” yoreegerak.

Yaya 10:1

Yorage nagagerik, Yetut nen ambinom yorage logonet, “It aap ndomba anggenogona unggwogo logonet, tu nda'nggi paga unggwaga'lek yagat uum unggwogwe iinok ti, aap inayogoot wulo kiraaka mendek aret o.

Yaya 10:7

Liippega'lek wonogo mbareegwa, at Yetut nen ambinom yorage logonet, “Ndomba unggwogo menggam tu an aret o.

Yaya 12:24

Mbato awi nggween paga yakaatak agabolo nggonengga'lek kagak, ambit aret menggerak o. Ndi, agabolo nggonengge nagaatik, awi mbilangge kenok perak, anggen ambik aret yege menggerak o.

Yaya 13:16

Ogoba tebenak kagak, ayeloman tiyanak wonageelik o. Ndi, at nappiige menggerak tebenak kagak, at nappi wagaatak tiyanak wonageelik mban o, yinuk, mondok abet aret yokkirage agarik o.

Yaya 13:38

Yoge mbareegi, at Yetut nen, “Wulaga! Kat abet aret an nake kambuurak op mbake agandik ya? Ayam oone awo yaga'lek kagak, kat ne kenagan paga, Yetut ti, an neenggo'lek, yumunggun o, yinuk, mondok abet aret yokkege agarik o,” yoreegerak.

Yaya 14:12

Aap ambit ambi iniki noba panggombunuk, abet nombake kenok, an eeke minggirak nogo at aret eeke logogin o. An eeke minggirak yi mbuuluk negen o. Ndi, an nogoba ka naminggirak ti paga, at abunuk nggwok aret eeke logogin o, yinuk, mondok abet aret yokkirage agarik o.

Yaya 16:20

Kiniki puru ari, leenggu maakwi, eekwi kiigak, it aakumi o nggween paga yime menggaarak nogo nen inale'nggen mbarugun. Kit kiniki puru yumonggotak kwe, peebi kiniki puru ari nogo lek age logonet, obaane'me ale'nggen nggwok eekkinake kaamunggup o.

Yaya 16:23

Ti eyom paga kit nen wone ambi kin wo'neyaamunggup lek o. Ti mendek wo'niret o, yinuk, nogoba nggino yogwi kiinok, an nendage kumbunuk, wokkirage kaamunggup o.

Yaya 21:18

Kat tawe logonet, kayum yikko'nok ambime noorak mbake'nom nogome nage nagagindak kwe, peebi kanggok age logomenggendik, keenggi ngginogo nappege keenok keele maakkako logomenggaarik, kat noorak keebi mbaremengge'nom nogome aret pagi nagun o, yinuk, mondok abet aret yokkigi o,” yoreegerak.

Yaya 3:11

Nineenu kenok mban yokkirogwe, ninigen kogoorak nogo paganogo yokkirogwe, eekwi kwe, paganogo yokkirogwe nogo kit wagangga'lek aret ogotik o, yinuk, mondok abet aret yokkiragi o.

Yaya 3:3

Yoge mbareegi, at Yetut nen onggo at yoge logonet, “Aap ambit-ambi ngget nda'naga'lek kenok, Ala abu'me piige menggim enegen kaagin lek o, yinuk, mondok abet aret yokkigi o.”

Yaya 3:5

Yoge mbareegi, at Yetut nen, “Aap ambit-ambi niyo paga inom, Aberiniki paga inom, ngget ndaka'lek kenok, Ala abu'me piige menggim unggwi nagin mondok lek o, yinuk, abet aret yokkigi o.

Yaya 5:19

Eekwi me, at Yetut nen it yorage logonet, “Ala aput nalik niniki koombunuk nen eeriyak meek o. An nogoba eeke nenegen kenok mban eeke minggirak o. Nogoba nen yi mendek ndi mendek eeke nogo ti, aput an ndak-ndak aret eeke minggirak.

Yaya 6:26

Yogo mbareegwa, at Yetut nen, “Kineenu ariyak kinagabiti warak mendek eeke neegotak paga kwaa'nabit woroolik. Ata, kit mbi ndonggorogon nonggotak nogo paga kwaa'nabit wogotak kiigi o, yinuk, abet aret yokkirage agarik o.

Yaya 6:32

Yogo mbareegwa, Yetut nen it yorage logonet, “Muta nen mbi wokkiragagerak nogo ti, mbi mbogut paga mendek wokkirage logolik. Ata, an nogoba nen aret mbi abe mbi mbogut paga mendek aret wokkirage menggerak.

Yaya 6:47

Kit kiniki noba panggombunuk, abet nombakwi kiinok ti, mondok-mondok kineenik aret logomunggup o, yinuk, abet aret yokkirage agarik o.

Yaya 6:53

Yogo mbareegwa, at Yetut nen it yorage logonet, “An aap aret nda'nagagirak neebe inom, namiya inom, nengga'lek kiinok, kineenik logomunggup mondok lek aret o, yinuk, mondok abet aret yokkirage agarik o.

Yaya 8:34

Yogo mbareegwa, Yetut nen, “Ayeloman ambi ogoba abu'me logonet, aruk konok mban eeke menggi kwak, kit maluk eeriyak mban eekkinake kenok, maluk ti, ayeloman aret logomunggup o, yinuk, mondok abet aret yokkiragi o.

Yaya 8:51

Aap ambit ambi an noone liippunuk, mugurok nage kenok, at kambigin mondok lek o, yinuk, abet aret yokkiragi o.”

Yaya 8:58

Yogo mbareegwa, at Yetut nen, “Abarakam nda'naga'lek kagak, an wonage aret minggirak o, yinuk, abet aret yokkiragi o.”

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.