Matiyut 5:11 - Ala Wone Peenok Peebi Mbanak

^11-12 Kit awo lek kiigak, it aa'nduk Ala nen yorage kagak yoraga nogo piyak-payak aganako nogogwaarak pogom, kit togon, an wo'nakotak paga aakumi nen miyuk-meya eerogo pinagagwi, piyak-payak eekkinakwi, inoone pilit lombok kinoba pinagagwi, eekwi iinok, kiniki ale'nggen aret mbako logonu o. Kinake aago mbogut paga ambik wonage me, kiniki ale'nggen logonet, keyage wako logonip o,” yinuk, yoragagerak.

Matiyut 5:11 ပူးပေါင်းရင်းမြစ်များ

Ndawi 35:11

It aap inogogun worokot nen we piliret, “Ndogop eeke kogoorak o,” yuwok nduk, wogo nagaatik, Wone an neenggo'lek mendek neegwa'me waganggwi, “Yogop eekendak ndogop eekendak,” yo'nugwi,

Ndawi 44:22

Nit kapuri ogogurak paga Kubondendok nen nok oonikiya ari nage kagak, “Ninooremengga ilik?” mbarit nugu monggoorak. Ndomba wariyak wonok nogo mengga kwak, “Togop aret eeppiyaawok,” ninombako menggaarak.

Yetaya 25:8

Ndi, kanggwi alom nogo mondok lek eerogo pege, Eerigin o. Naliku Itok Minggirak an ALA nen aakumi abok inale amburu mbanogo piige, It at apuri o nggween paga yi awi ndi awi wonogwe inendage maluk eerogo piigwi nogo lek eerogo piige, Eerigin o,” yinuk, Aliku ALA nen aret yegerak o.

Yetaya 51:7

Kit koonak eeko logorak kineenu monggotak yi wae. Kit an napuri eeko logorak noone yugu kinikime porogo monggotak yi wae. Wone an yokkirage yi, konenggo logonip o. Aakumi nen miyuk-meya eerogo pinagagwi iinok, kinagabiti ogwe, Inoone yi-wu yokkirogwe iinok, kiniki lek-lek age, Eerugup o.

Yetaya 66:5

Aliku ALA nen ari kenok kinaganak waka kit yi wae. At yegerak yi, kinaruk liirogon konenggo logonip o. It kinoreewi nen ineebi kinombakwi, An nayuk wukwi kiinok mbo pinagagwi, Eekwi nogo nen yogo logonet, Kit ale'nggen mbako monggotak kiyaawok nduk, Aliku ALA eeke paga endage tiyak ari nogo, Nit ambi eeke kaawok o, yinuk, Yagaarak kwe, eeka'lek kenok, inenggali kaagun o.

Yeremiya 37:14

Yoge mbareegi, at Yeremiya nen onggo yoge logonet, “Kat yagandak ti lek o. An aap Mbaben mendek ninom ariyak nduk nage lek o!” yoreegerak kwe, at aap Yeriya nogo aruk konengga'lek aret at Yeremiya piganok aap inengga warak wonogwe me nogome pi wagagerak.

Matiyut 10:18

Kit nen it aap yo'nggok inom, aap inendagembogut inom, aap endekem mendek inom, an eeke neegotak paganogo yoraabagip nduk, alom an paga inowagam wokkiren nagun o.

Matiyut 10:22

Aakumi abok aret alom an paga ineebi lombok kinombaremenggaarak kwe, kiniki kwi'ndak nu'lek wonogwe kiigak, o age yobok ari wage paga kinagap ndarigin o.

Matiyut 10:25

at wone wagangga ambi nen at wone mamunega nogo imbirak ndak-ndak age kenok perak, op aret o. Ndi, ayeloman nogo nen ogoba nogo imbirak ndak-ndak age kenok ti, op mban o. Aap inowe o unde endage, Mbeletebut o, yogwi iinok, at awuri ti, abunuk yorogo logogun o,” yinuk, yoragagerak.

Matiyut 10:39

Kineebe kinili eekkolamonggotak kenok, kineebe kobak aret arumunggup o. Ndi, an nendage nggwok aruwak nduk, kineebe wondet eerogo patit namonggotak kenok perak, kinili aago aret logomunggup o,” yinuk, yoragagerak.

Matiyut 19:29

An nendage nggwok aruwak nduk, kinagalo-kinogoba inom, kinowe-kinawot inom, kinaaganapuri inom, kinawi wurik inom, kineyabu aago inom, mbo pugwi kiinok, obaane'me kalo logonogo wokkirage logomenggerik, mondok-mondok kineenik logobagip nduk, eekkinabigin o.

Matiyut 24:9

O ti eyom paga it aakumi nen pigogo kinoba andi-pandi eeppinaganuk, kinooruwak nduk, wogorogwe, kit an noone waganggotak paga, it aakumi inanebunu lombok nen inanini agaket kinombakwi, eerugun o.

Matiyut 27:39

Nabembiigo mbareegwa, it aakumi ando nogwe-wogwe nogo inuut walok yogo logonet, “Keyik!

Marakut 13:13

Kit an noone waganeegutak paga it aap abok nen ineebi kinombarugun kwe, kiniki kwi'ndak nu'lek kiigak, o age yobok kuli ari wage kenok, kinagap ndarigin o,” yoragagerak.

Marakut 13:9

Wone amburu mbangga inowagam pikkiret nogwe, it Yakuri tamban eeko menggam nen yawi lomba agago kinookwi, eerugun me, kiniki tum wakkologo logonu o. An noone waganeegutak paga it aap yo'nggok inom, aap inendagembogut inom, inowagam wokkiren pinagi nogwe iinok, Lek o! At Yetut nen togop ee'ninakerak o, yinuk, yorogo logomunggup o.

Marakut 4:17

inikime omanggen yaka'lek me, ne ambit logonuk, wone waganggwi nogo paga inoba aaninggin-paaninggin eerogo piigwi, piyak-payak eeginakwi, eekwi iinok, Wone yi, nineebi o, yinuk, mbo pogo menggaarak nogo aret o.

Marakut 8:35

Kineebe kinili yikkolamonggotak kenok, kineebe kobak aret arumunggup o. Ndi, an nendage inom, obeelom wone inom, nggwok aruwak nduk, kineebe wondet agago patit namonggotak kenok perak, kineebe kinili aago aret logomunggup o.

Lukat 21:12

eeka'lek kagak, aakumi nen pippinaganuk, kinookwi, it aap Yakuri tamban eeko menggam pinagi nogwe, keele maarogo mambiigo menggam mambinagagwi, ndi, an noone waganeegutak paga it aap inendagembogut inom, it aap yo'nggok inom, inowagam wokkiret nogwe, eerugun o.

Lukat 21:17

Ndi, an noone waganeegutak paga aakumi abok aret ineebi lombok kinombarugun kwe,

Lukat 6:22

It aakumi yi, inombomini nen Ala yorage kagak yoraga eeppiigo nogogwaarak pogom, an aap aret nda'nagagirak nogo noone waganggotak paga ineebi lombok kinombako logonet, Kit nit mendek lek o, yinuk, mbo pinagagwi, miyuk-meya eerogo pinagagwi, Aap yi maluk o, yinuk, kinendage tebembinagagwi, eekwi iinok, kiniki ale'nggen mbako logonu o. Kinake aago mbogut paga ambik wonage me, ti eeppinagagwi eyom paga keyage wako logonet, kiniki ale'nggen nen ndawi lubuk yogo logonu o.

Lukat 9:24

Kineebe kinili yikkolamonggotak kenok, kineebe kobak aret arumunggup o. Ndi, an nendage nggwok aruwak nduk, kineebe wondet eerogo patit namonggotak kenok, kineebe kinili aago aret logomunggup o.

Yaya 15:21

At nappani wagagerak nogo it ineenggo'lek me, eekkinabemenggaarak nogo ti, alom an paga aret eekkinako logogun o.

Yaya 9:28

Yorage mbareegi, it nen aap nogo mondok meek eerogo pogo logonet, “Kat at oone waganggwi mendek aret keego o. Nit perak, Muta oone waganggwi mendek aret ogoorik.

Nappiigak 9:16

Ndi, at Tawulut nogo, an naana'le mbangge me, aaninggin-paaninggin eeppogo logorak nogo an nen yoge logogin o,” yinuk, abinggaanggo paga yoge kagagerak.

Oroma 8:36

“Nit kapuri ogogurak paga Kubondendok nen nok oonikiya ari nage kagak, Ninooremengga ilik? mbarit nugu monggoorak. Ndomba wariyak wonok nogo mengga kwak, Togop aret eeppiyaawok, ninombako menggaarak o,” yinuk, liiru mbanak nogo ndak-ndak eeppinanit wogo agaarik o.

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

2 Korindut 4:11

Nit ninagabolo kanggwi yi paga, Yetut nggween paga logonet eeke nagagerak aakumi kin kaawak nduk, nit nineenik awo wonogwe yi, Yetut eereegerak wone agan nugwi paga ko'lu-kii'me nineebe ninookwi iinok, kanggwi negen aret eeko ogoorik o.

Pilipi 1:29

At Ala nen kinabuwa mbake logonet, eeriyak kooneegerak nogo ti, kit kiniki Keritut oba panggombunuk abet mbarubagip nduk mban koonulik o. Ata, at eeke nagagerak obeelom wone yoranet nugwi paga aaninggin-paaninggin inom kaabagip nduk kooneegerak me, kiniki ale'nggen mbako logonet waganggo logonip o.

1 Peterut 4:14

It aakumi nen, “Kit Keritut oone wagangga mendek o,” yinuk, miyuk-meya eerogo pinagagwi iinok, “Ala Aberiniki mondok tiyanak menggerak nogo nit ninoba wuppi wagaarak ninom wonage kenok, yo'nirogwe iigo o,” yinuk, kiniki ale'nggen logonip o.

Wayu 2:3

ndi, an nendage mban yi awi ndi awi wigak yuwak nduk, eerit nogwe paga aaninggin-paaninggin eeppiinet nogwe iigak, iniki kwippunuk waganggo logonet, ta'liila eeginake kagak mondok nabenak mban eekwi, eerit nogo menggaarak nogo ti, an neenu aret o.