Matiyut 4:25 - Ala Wone Peenok Peebi Mbanak

²⁵ Eeginake mbareegi, aakumi ambik o Nggalileya nen, Ndekapolit nen, Yerutalem nen, Yureya nen, yi Yoraran enebagan nen, ambik aret at inom nogogwaarak.

Matiyut 4:25 ပူးပေါင်းရင်းမြစ်များ

Matiyut 12:15

At Yetut nogo nen it wone mbanggwi yelok iige nagagerik, o time teppunuk, nage mbareegi, aakumi ambik inom nogogwaarak me, it kugi andi abok aret obeelom eeginake nagagerik, yorage logonet,

Matiyut 19:2

Unggwi wage mbareegi, aakumi ambik mugurok nogo mbareegwa, andi kenok, obeelom eeginabeegerak.

Matiyut 5:1

Aakumi ambik inom nogwe nogo Yetut enegen iinok, puurom paga lagangge nagagerik, kwi'na'nuk wonage me, it at oone wagangga nogo owagam nogogwaarak.

Matiyut 8:1

At Yetut puurom paga nen wambi wage mbareegi, it aakumi ambik at mugurok wogwe iigak,

Marakut 5:20

Yoge mbareegi, wage nagagerik, o endage Sepuluh Kota toonak nogome aret, “Yetut ndogop ee'nakerak o,” yinuk, mbininogo yoranet nege mbareegi, aakumi abok aret pi wareegwaarak.

Marakut 6:2

Wogo nogogwaarik, Yakuri tamban eekwi paga it tamban eeko menggam unggwage nagagerik, wone mamuniragagerak. Wone awo mamunirage kagak, it at oone koneneegwaarak nogo nen, “Yi wone ndi wone yi abok aret, at ngga nen waganggerak paga ari agaarik mbakop? Aap iniki warak oone negen ari yi, wone nano wone waganggerak paga ari agaarik o? Ndi, eerubok eeke yi, nonggop togon eeke agaarik mbakop?” yogo nogogwaarik, “Wi!” yinuk, pi wako logonet,

Marakut 7:31

Ti eeke nagagerik, at Yetut nogo o Tirut teppunuk, o Tiron unggwagak niyo Nggalileya yenggenak aa'nggi paga ari woraanuk, o Ndekapolit unggwi wagagerak.

Lukat 6:17

At Yetut leenogo piyareegerak inom puurom paga nen wambi wogo nogogwaarik, kobappaga time puk ogogwaarak. Puk ogo mbareegwa, at oone waganggwi ando apit inom, aakumi ambik o Yureya nen, o kota Yerutalem nen, o Tirut Tiron yi yenggenak laut aa'nggi paga nogome nen, at Yetut oone konenggwi, kugi andi kunik obeelom eeginake, eeruwak nduk, at owagam kuwak ari wogogwaarak nogo inom, Yetut inom kobappaga taati aret wonogogwaarak. It aakumi kugi ogole warak mendek inikime unggwagak mban eeko nogogwaarak nogo obeelom eeginabeegerak.

Lukat 6:19

At Yetut omaawi inikime liinik wonage nogo wundi nage logonet, aakumi obeelom eeginabit nege me, it aakumi abok aret Yetut pigaawok nduk, eereegwaarak.