Matiyut 4:24 - Ala Wone Peenok Peebi Mbanak

²⁴ Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Matiyut 4:24 ပူးပေါင်းရင်းမြစ်များ

2 Tamuwen 8:6

Inoorogo piinok, at Ndawut awuri ineegin warak nogo, it aakumi Aram mendek tebembiinok logowak nduk, inawi kota Ndamitik nogome piya nagagerak. Piya nage mbareegi, it Aram mendek nogo, Ndawut abu'me tebenak logonet, inarum wonage onggo wogori wogo nogogwaarak. Ndi, at Ndawut nogo, yi o ndi o wim eerit nege kagak, Aliku ALA nen Ndawut eegin tiyappege nagagerak.

1 Endagembogut 10:1

At Talomo nen Aliku ALA endage tiyappege logonet, eerit nage paga endage wiganinuk nage nogo, kwe nggwok o Tiyeba mendek aruk konengge nagagerik, “At Talomo eeke yogwe ti, nonggop ari kaamun? Abut mbani na,” mbake nagagerik,

1 Mbinineegwaarak 14:17

Ti eerit nagagerak paga at Ndawut endage yi o ndi o abok aret wiganinuk nage mbareegi, Aliku ALA nen it yi aakumi ndi aakumi abok aret Ndawut eebe paga inagabiti mbako logonet, ayuk wuruwak nduk, eeppiyareegerak.

1 Mbinineegwaarak 29:2

nogoba Ala awi wuriyak nduk, yi mendek ndi mendek an unde minggirak kuwak eerogo pigirak ti, mbuti emas paga eeriyak kenok mbuti emas pipuk eerogo pege, mbuti perak paga eeriyak kenok mbuti perak pipuk eerogo pege, mbuti tembaga paga eeriyak kenok mbuti tembaga pipuk eerogo pege, mbuti abe mbuti paga eeriyak kenok, mbuti abe mbuti pipuk eerogo pege, eyo paga eeriyak kenok eyo pipuk eerogo pege, yugum paga nabeniyak kenok yugum onggo nggwok mendek inom, kere'li-kere'lo aago mendek inom, etenggen alitik-alitak inom, yugum abu abe meenggen mendek inom, ti mendek ambik aret kuwak eerogo pege, eekirak o.

Wundeegwaarak 15:26

Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.

Matiyut 12:22

Ti'nuk, aap ambi kugi inikime unggwagagerak enegen mbuk oone lek me, Yetut owagam wonok wogo mbareegwa, Yetut nen obeelom eeke mbareegi, aap oone lek mendek nogo oone warak age, enegen kage, eereegerak.

Matiyut 14:1

Ne ti eyom paga aap o Nggalileya unde mippereegwaarak Keroret nen Yetut eerit nage nogo, aruk konengge nagagerik,

Matiyut 15:22

Nage mbareegi, kwe Kanan mendek ambi o time nen wundi wage nagagerik, oone nggwok paga at yoge logonet, “Ai, nogoba, Ndawut ombooluk wae! An naagaluk kolaga kugi inikime unggwage nagagerik, abu maluk eeppereegerak me, nabuwa mbaru o.”

Matiyut 17:15

“Nogoba wae. An napuluk kugi andi nggwok eeke nagagerik, eenggi-iyok puk-puk ege logonet, kulinik-kalinik kani kunik me mambege, kulinik-kalinik yiime mambege, eeke menggerak me, an nen wonok it kat koone waganggwi inowagam wagarak kwe, it nen obeelom eeriyak abu meek iigirak me, kat nen nabuwa mbake logonet, naput yi obeelom eeru o.”

Matiyut 17:18

Yinuk, yoragagerak wonok wogo mbareegwa, at Yetut nen kugi nogo mberege mbareegi, kugi nogo wulaga inikime nen wundi nage kagak, wulaga nogo ti eyom obeelom aret agagerak.

Matiyut 4:23

At Yetut o Nggalileya yengget-wangget abok aret nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo, aakumi yorage, yi kugi ndi kugi andi kunik mendek inom, ineebe andi-pandi aago inom, obeelom eeginake, eerit nege nagagerak.

Matiyut 8:28

O Nggerata time aap mbere kugi inikime unggwagagerak inanini inagaket yogwe me, aakumi inagabiti nen tu ti paga nogolik me, Yetut yi yenggenak enebagan nen wunda wage nagagerik, o time unggwage mbareegi, aap mbere nogo ndoome aakumi kanggwi iinok, piigo menggam nen Yetut ka wundi wogo nogogwaarik,

Matiyut 8:33

Yi ndonggoninake mbareegi, it wam ndegeninako nogogwaarak nogo, kole mbaganit o kota time unggwi wogo nogogwaarik, it aap kugi inikime lik yereegwaarak obeelom eeginabeegerak inigen kogogwaarak nogo, abok aret mbininogo yorogogwaarak.

Matiyut 8:6

“Ai, nogoba. An nayeloman eenggi-iyok abu nggunanak oome windak logonet, andi nggwok yagan wake agaarik o.”

Matiyut 9:26

Ndi, Yetut eereegerak nogo o time abok aret wigak yereegerak.

Matiyut 9:35

At Yetut o tini mbuuluk me, nggwok me, yanggwagak-ndanggwagak nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo aakumi yorage, it yi kugi ndi kugi andi kunik mendek inom, ineebe we andi-pandi aago inom, obeelom eeginake, eerit nege nagagerak.

Marakut 1:28

Yogo nogogwaarik, eereegerak wone nogo o Nggalileya enaaganambokan nogome mbet-mbet aret wigak yereegerak.

Marakut 1:32

Kiyoma-kiyoma oonegen kilu yi nage kagak, it kugi andi inom, it kugi inikime lik yereegerak inom, abok aret wogoren Yetut owagam piya wogogwaarak.

Marakut 2:3

Wone yorage wonage me, aap ambi eenggi-iyok nggunanak me, aap 4 nen eewu'nuk, at owagam wonok pi woraawok nduk eereegwaarak mendek

Marakut 2:4

oome time Yetut aakumi inom yagabit aago wonogwe me, unggwi noorak meek age mbareegi, wonok o kirin paga laganggo nogogwaarik, at Yetut wonage me ndak-ndak pelan ndenenogo punuk, aap nogo eyo ndoonak windak menggerak nogo paga windak kagak enaani wuppereegwaarak.

Marakut 2:9

Aap eenggi-iyok nggunanak yi, Kat komaluk lek eerogo pagagi o, yoriyak ti, iya a? Kagare'ngga ndoonak nogo yege menggendak ko'nok nak o, yoriyak ti, iya a? Kit yinip nda!

Lukat 2:2

Inendage aa'nduk liiru mbaneegwaarak nogo ti, aap Kireniyut o Tiriya gubernur wonage kagak, mbaneegwaarak.

Lukat 4:14

Mbagangge mbareegi, at Yetut nogo Aberiniki omaawi paga iyok paga o Nggalileya lagi nagagerak. Lagi nage nagagerik, wonage me, at abok nogo o time abok aret wigak yereegerak.

Lukat 4:38

At Yetut it Yakuri tamban eeko menggam nen wundi nage nagagerik, Timon ame aret unggwi nagagerak. Unggwi nage nagagerik, Timon owanggelo inikime kani nggwok pereegerak wonage me, Yetut nen obeelom eeruwak nduk, yoreegwaarak.

Lukat 5:15

Aruk warogo nappereegerak kwe, Yetut eerit nage wone nogo abunuk wigak ari mbareegi, yi aakumi ndi aakumi apit aret at oone konenggwi, andi-pandi kenok ineebe obeelom aganake, eeruwak nduk, at owagam kuwak eeri wagak mban eeko nogogwaarak.

Lukat 5:24

Yorage nagagerik, “An aap aret nda'nagagirak nggween paga yime logonet, aakumi inomaluk lek eerogo piyoorak unde Ala nen an aret mippaneegerak kineenu arubagip nduk, yogirak o,” yorage nagagerik, aap eenggi-iyok nggunanak nogo yoge logonet, “Mi'na'nuk, kat nogo yege menggendak ndoonak nogo ti, ko'nok kame nak o, yinuk, yokkigi o.”

Lukat 7:17

Ndi, Yetut eereegerak wone nogo o Yureya enaagan-ambokan abok aret wigak yereegerak.

Yaya 10:21

Yogwe iigak, it ando nen, “Lek o. Wone ti, aap kugi inikime nen ari lek o. Kugi nen aap inigen mbuk obeelom eeginaburak op mbakop? Meek o,” yinuk, yogogwaarak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 15:23

nappiyaawok nduk, liiru mbanggo logonet, “Ninoreewi wa. Kinoreewi nit nappiigak inom, Ala apuri unde inom, nogo nen ninoreewi kit endekem mendek abet mbareegutak o Andiyokiya inom, o Tiriya inom, o Kilikiya inom, kit time wonogwe abok aret keyage wokkinako o.

Nappiigak 15:41

o Tiriya inom, Kilikiya inom, yi awi ndi awi yanggwagak nugu logonet, at Pawulut nogo nen it Ala apuri kuwak eerit nogo menggaarak nogo iniki nu'lek logowak nduk, yoranet nege nagagerak.

Nappiigak 28:9

Ti agagerak kenok, it aakumi nggween kup mbanak me andi wonogogwaarak nogo at owagam wogo mbareegwa, obeelom eeginabeegerak.

Nappiigak 8:7

It kugi ogole warak mendek inikime lik yegetak nogo, kwa kunik yogwe iigak nggiginogo wumbiige, ineenggi-iniyok nggilik-nggelok aago inom, inendop maluk inom, obeelom eeginake, eeke kenok,

Yotuwa 6:27

Ndi, at Aliku ALA nogo Yotuwa imbirak wonagagerak me, o time abok aret endage wiganinuk nagagerak.