Matiyut 4:23 - Ala Wone Peenok Peebi Mbanak

²³ At Yetut o Nggalileya yengget-wangget abok aret nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo, aakumi yorage, yi kugi ndi kugi andi kunik mendek inom, ineebe andi-pandi aago inom, obeelom eeginake, eerit nege nagagerak.

Matiyut 4:23 ပူးပေါင်းရင်းမြစ်များ

Ndawi 103:3

At nen komaluk lek eerogo pagage, Yi kugi ndi kugi andi eekkake nogo, at nen lek eerogo pagage,

Ndawi 74:8

It iniki mbako logonet, “It abok aret mondok tebenogo piyaawok o,” yinuk, yogwe, Kat kalut eeko menggam o yime abok aret kani mbelanogo pit nogwe, Eekaarak o.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 12:9

At Yetut time nen nage nagagerik, it Yakuri tamban eeko menggam unggwi nage mbareegi,

Matiyut 13:19

Awi tu paga wambit nagagerak nogo ti, it aakumi Ala abu'me piyoorak wone inaruk konembunuk, liippega'lek iinok, at abu maluk lombok nogo nen wage nagaatik, wone it inikime yarak nogo ndininuk nage menggerak aret.

Matiyut 13:54

at ame wonagagim nogome wage nagagerik, it Yakuri tamban eeko menggam nogome logonet, wone mamunirage mbareegi, “Wi,” yinuk, pi wako logonet, “Wone ngga nen wagangge nagagerik, iniki warak negen ari, eerubok mendek eeke, eeke agaarik mbakop?

Matiyut 14:14

at Yetut yiiro paga nen wundi nage logonet, aakumi ambik kuwak aago enegen iige nagagerik, inabuwa lombok mbake logonet, it kugi andi warak inenggela'me nogogwaarak nogo obeelom eeginabeegerak.

Matiyut 24:14

Ala abu'me piyoorak obeelom wone yi, aakumi anebunu lombok ineenu aruwak nduk, yi awi ndi awi abok aret abu paganogo yoranet nogwe kiinok perak, o age yobok aret arigin o,” yinuk, yoragagerak.

Matiyut 3:2

“At mbogut paga mendek abu'me pinagarak nogo panggo yi wagaarak me, kit kiniki koombunuk, kinomaluk mbo pinip o,” yinuk, yorage nagagerak. At yorage nagagerak ti,

Matiyut 9:35

At Yetut o tini mbuuluk me, nggwok me, yanggwagak-ndanggwagak nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo aakumi yorage, it yi kugi ndi kugi andi kunik mendek inom, ineebe we andi-pandi aago inom, obeelom eeginake, eerit nege nagagerak.

Marakut 1:14

At Yaya nogo keele maarogo mambiigo menggam mambogo mbareegwa, at Yetut nogo o Nggalileya nagagerak. Nage nagagerik, Ala wone obeelom wone nogo yoranet nege logonet,

Marakut 1:21

It nogo inom nogo nogogwaarik, o Kaperenawum unggwi nogogwaarak. Unggwi nogo nogogwaarik, Yetut nen it Yakuri tamban eekwi paga it tamban eeko menggam nogome unggwage nagagerik, wone mamuniragagerak.

Marakut 1:39

yorage nagagerik, o Nggalileya abok aret it Yakuri tamban eeko menggam wone yorage, kugi inikime unggwagagerak kenok, nggiginogo wumbiige, eerit nege nagagerak.

Marakut 6:2

Wogo nogogwaarik, Yakuri tamban eekwi paga it tamban eeko menggam unggwage nagagerik, wone mamuniragagerak. Wone awo mamunirage kagak, it at oone koneneegwaarak nogo nen, “Yi wone ndi wone yi abok aret, at ngga nen waganggerak paga ari agaarik mbakop? Aap iniki warak oone negen ari yi, wone nano wone waganggerak paga ari agaarik o? Ndi, eerubok eeke yi, nonggop togon eeke agaarik mbakop?” yogo nogogwaarik, “Wi!” yinuk, pi wako logonet,

Marakut 6:6

Ndi, at Yetut nen it iniki at oba panggombunuk abet ombaka'lek iige nagagerik, “Aakumi yi, iya!” yinuk, pi waganabeegerak. At Yetut nogo o yaga'lelo lombok yanggwagak-ndanggwagak nege logonet, wone mamuniranet nege nagagerak.

Lukat 10:9

Ndi, aakumi time kugi andi wonogwe iinok, obeelom eeginako logonet, Ala abu'me pinagarak muk kinowagam panggo yi wagaarak o, yinuk, yorogo logonu o.

Lukat 13:10

Ti'nuk, peebi at Yetut it Yakuri tamban eekwi paga it tamban eeko menggam ambi wone mamunirage me,

Lukat 16:16

Aap Yaya waga'lek kagak, Ala wone yugu liiru mbanak nogo inom, it aap Ala nen yorage kagak yorogo nogogwaarak inoone nogo inom, eerit nogo nogogwaarak. Ndi, aap Yaya wagagerak kuli paga perak, Ala abu'me piyoorak wone obeelom wone yoranet nugwi me, it aap abok aret lin wako logonet, Ala abu'me piige menggim unggwi wogo agaarik.

Lukat 20:1

Peebi ne ambi paga at Yetut Ala awi wurik me logonet, wone mamunirage, wone obeelom wone yorage, eeke me, aap Ala unde inoweewi inom, it Ala wone liiru mbanak unde inom, aap inanggok inom, at owagam wogogwaarak.

Lukat 4:14

Mbagangge mbareegi, at Yetut nogo Aberiniki omaawi paga iyok paga o Nggalileya lagi nagagerak. Lagi nage nagagerik, wonage me, at abok nogo o time abok aret wigak yereegerak.

Lukat 5:17

Ne ambi paga Yetut wone mamunirage me, it aap Pariti inom, it aap Ala wone liiru mbanak unde inom, iname o Nggalileya nen, Yureya nen, Yerutalem nen, nogo nogogwaarik, we ugun kwi'ndak logonet, Yetut oone konenggo nogogwaarak. Aakumi andi obeelom eeginabuwak nduk, ninogoba Ala omaawi at Yetut eeppege kagak, eeke nagagerak.

Lukat 6:17

At Yetut leenogo piyareegerak inom puurom paga nen wambi wogo nogogwaarik, kobappaga time puk ogogwaarak. Puk ogo mbareegwa, at oone waganggwi ando apit inom, aakumi ambik o Yureya nen, o kota Yerutalem nen, o Tirut Tiron yi yenggenak laut aa'nggi paga nogome nen, at Yetut oone konenggwi, kugi andi kunik obeelom eeginake, eeruwak nduk, at owagam kuwak ari wogogwaarak nogo inom, Yetut inom kobappaga taati aret wonogogwaarak. It aakumi kugi ogole warak mendek inikime unggwagak mban eeko nogogwaarak nogo obeelom eeginabeegerak.

Lukat 6:6

Ti'nuk, ne ambi it aap Yakuri tamban eekwi paga Yetut nogo it tamban eeko menggam unggwi nage nagagerik, wone mamuniragagerak. Wone mamunirage me, aap eenggi abe'nggan kambak negen taati wonagagerak me,

Lukat 7:21

Ti eyom paga at Yetut nen aakumi apit kugi andi kunik inom, kugi andi yagan warit nugwi inom, kugi ogole warak mendek inikime unggwagagerak inom, obeelom eeginake, inigen mbuk nogo apit aret obeelom eeppiige, eeke me, nogogwaarak.

Lukat 7:22

Nogogwaarak nogo nen wone nogo Yetut yogo mbareegwa, at Yetut nen, “Eeke kinigen kogotak inom, agan nugwi kinaruk konenggotak inom, ti, kiniyokan Yaya yori nanip o. Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, aap inamendek lek nogo obeelom wone yorage, eeke nogo yori nanip o.

Lukat 8:1

Ti'nuk, at Yetut nen obeelom wone Ala abu'me piyoorak wone nogo kota nggwok me inom, mbuuluk me inom, yoranet nege nagagerak. Nege logonet, at oone waganggwi 12 nogo inom nage me,

Lukat 9:11

Tayo yi nogogwaarak mendek, aakumi ambik, “Yetut time nagaarak,” konenggo nogogwaarik, amugurok nogogwaarak. Amugurok nogo mbareegwa, Yetut nen keyage wappiige nagagerik, Ala abu'me piyoorak wone nogo yorage, ndi, ineebe kugi andi kenok, obeelom eeginake, eereegerak.

Lukat 9:60

Yoge mbareegi, at Yetut nen, “It aakumi kambeegwaarak mendek nen inowe-inawot kanggwi iinok, nggween taambiigo logowak nduk, teppiyet o. Kat perak, Ala abu'me piyoorak wone nogo, yi awi ndi awi yoranet nege logot o,” yoreegerak.

Yaya 18:20

Kin wokkage mbareegi, at Yetut nen, “It aakumi o nggween paga yime menggaarak nogo wone mamuninake logonet, kote mamuninake logolik o. Ata, tena'me mban yorage nagarak o. It Yakuri tamban eeko menggam inom, Ala awi wurik me inom, it aakumi Yakuri mendek komaako menggam abok aret mamuninake nagarak kwe,

Yaya 6:59

Wone yoragagerak nogo ti, o Kaperenawum it Yakuri tamban eeko menggam logonet, yoragagerak.

Yaya 7:1

Ti yorage nagagerik, it Yakuri mendek nen Yetut mondok wariyak eeko mbareegwa, “O Yureya yime eerit nege logorak neebi o,” yinuk, o Nggalileya time eerit nege logokit nduk, nagagerak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 18:4

Eeke logonet, at Pawulut nogo kulinik-kalinik it Yakuri tamban eekwi paga it tamban eeko menggam unggunuk, it Yakuri inom, it Yunani mendek inom, it iniki abet mbaruwak nduk, Ala wone amburu mbanogo yorage nagagerak.

Nappiigak 20:25

Ndi, yogondak perak, an nogo Ala abu'me pinagarak wone yokkirage nagagirak kit yi, peebi ambi yokkiranet wage kinigen neyaamunggup lek ti, an neenu o.

Nappiigak 28:31

Ala abu'me piyoorak wone yorage, ninogoba Yetut Keritut wone mamunirage, eeke logonet, “An ndogop eeppanugun,” mbaka'lek agabiti lek pagak togon mban yorage nagagerak.