Matiyut 4:20 - Ala Wone Peenok Peebi Mbanak

²⁰ Yorage mbareegi, yum ikan waganggo menggaarak nogo mbo punuk, inom nogogwaarak.

Matiyut 4:20 ပူးပေါင်းရင်းမြစ်များ

1 Endagembogut 19:21

Yoge mbareegi, at Elita nogo Eliya mbo punuk, iyokan nage nagagerik, aanggumi tapi mbere'mbo paga yabu eeke nogo, inooppiinok, eyo yabu eeruwak nduk, panggoniren nege nagagerak nogo paga lappege nagagerik, owe-awot inom nunggugwaarak. Abu aret nonggo nogogwaarik, Elita nogo imbirak nege logonet, ake eeke logokit nduk, Eliya ka wagagerak.

Ndawi 119:60

Koone, “Yogop ee'nu ndogop ee'nu,” yugu nogo An elaambirik lek mbet-mbet aret eerit nage logokit, mbake agarik o.

Matiyut 10:37

An kineebi negen nombako logonet, kinagalo a, kinogoba a, kiniki kunik eekwi kiinok ti, an ninom logorak meek aret o. Ndi, an kineebi negen nombako logonet, kinapuluk wulaga a, kolaga a, kiniki kunik eekwi kiinok kunduk, an ninom logorak meek mban aret o.

Matiyut 19:27

Yorage mbareegi, at Peterut nen, “Nit yi mendek ndi mendek abok aret mbo punuk, kat ninom nugwi me, nano mendek kolamun a?”

Matiyut 4:19

Enegen iige nagagerik, “Wologwe yi wae. Ikan waganggo monggotak ti kokwak, aakumi wogonabit nugu logorak mamungginabikit nduk, ninom nawok nen woraanip o.”

Matiyut 4:21

Inom nogo logonet, Tebereyut apuri mbere Yakobut Yaya oweeluk-awuluk aret me, inogoba Tebereyut inom yiiro paga logonet, yum ikan waganggo menggaarak ogobakkigikwi enegen iige nagagerik, “Ninom nawok o,” yoragagerak.

Lukat 5:11

Yoge mbareegi, yiiro nogo yi aa'nggi paga pi wogo nogogwaarik, yi mendek ndi mendek mbo punuk, Yetut inom nogogwaarak.

Nggalatiya 1:16

it aakumi endekem konenggulik mendek an yoranet nage logokit nduk, at aput Yetut ni'neyoorak inikilom nomba'nuk, ni'neege mbareegi, “Yi nonggop ee'naki?” yinuk, it aakumi ambi nen yo'niruwak nduk, inowagam yora nage,