Matiyut 4:13 - Ala Wone Peenok Peebi Mbanak

¹³ Nage nagagerik, o kota Nataret nogome teppunuk, o Kaperenawum yi yenggenak aa'nggi paga it aap Tebulon mendek inom, Natali mendek inom, iname nogome aret puk a nagagerak.

Matiyut 4:13 ပူးပေါင်းရင်းမြစ်များ

Matiyut 11:23

Ndi, kit aakumi Kaperenawum mendek yi, Nit mbogut paga nagawan me, tiyappinanigin o, yinuk, yogo ogotik? Mondok lek o. Eerubok mendek kit kiname eeke kogotak nogo, o Torom time eeke logonetak en, o eebe nogo lek eeppega'lek, o yogondak kuli yi paga logonetak kwe, eeke inigen kaga'lek me, inomaluk mbo pega'lek wonogo mbareegwa, Ala nen lek eerogo piyareegerak nogo ndak-ndak, kit kunduk lek eerogo pinagagin lek nduk yogo ogotik? Lek o. Ala nen it aap kambunuk nogo menggam time aret mondok wuppinanigin, mbako logonip o.

Matiyut 17:24

Ti'nuk, at Yetut inom, at oone waganggwi inom, o Kaperenawum wogo mbareegwa, it Ala awi wurik ake wu kuwak eeko menggaarak nogo, at Peterut owagam wogo nogogwaarik, at yogo logonet, “At mamunggirage menggerak nogo nen Ala awi wurik ake wu pege menggerak ilik, lek a?”

Matiyut 4:14

Ti nagagerak nogo ti, at Ala yoge kagak yoraga Yetaya nen ari logonet, “It aakumi Tebulon mendek inom, Natali mendek inom, iname niyo Yoraran enebagan tu niyo yenggenak paga nogo menggam, it endekem konenggulik mendek iname o Nggalileya time menggaarak nogo ti, O apit me menggaarak kwe, o eya nggwok lombok inigen kogogwaarak o. Ndi, it kanggwi inoba wigak yereegerak kanggo menggam wonogwe nogo, Eya lombok inoba pindanogo piyareegerak o,” yinuk, yereegerak nogo a'me lik yuwak nduk, time aret nagagerak.

Matiyut 9:1

Yogo mbareegwa, Yetut yiiro paga unggunuk, yi yenggenak enebaga nage nagagerik, at awi alom paga lombok unggwage mbareegi,

Marakut 1:21

It nogo inom nogo nogogwaarik, o Kaperenawum unggwi nogogwaarak. Unggwi nogo nogogwaarik, Yetut nen it Yakuri tamban eekwi paga it tamban eeko menggam nogome unggwage nagagerik, wone mamuniragagerak.

Marakut 2:1

Nogome wonagagerik, ti'nuk, o Kaperenawum wagagerak me, “Ame wagaarak wonage o,” yogwe iinok,

Lukat 10:15

Ndi, it aakumi Kaperenawum mendek ti, Nit mbogut paga nagawan me tiyappinanigin, mba'nuk, yogo agaarik ya? Mondok lek o. It kambunuk nogo menggam ogu time aret, Wuppinanigin, mbako logowak o,” yinuk, yegerak, yoraanu o.

Lukat 4:23

Yogo mbareegwa, at Yetut nen yorage logonet, “It aakumi nen, Ndotet wae. Kat keebe obeelom eekkolet o. Ndi, ambi, O Kaperenawum eeke nagandak, konenggoorak nogo, kat kame nda'nagaginom yime togop aret eeke logot o, yogo menggaarak nogo, an yo'niriyak nduk, eekwi kiigi o.”

Yaya 2:12

Ti'nuk, at Yetut nogo at agalo inom, awuri inom, at oone waganggwi mendek inom, o Kaperenawum nogo nogogwaarik, time logonet, ne mande negen wonogogwaarak.

Yaya 4:46

Waganggo mbareegwa, at Yetut o Nggalileya kota Kana aa'nduk niyo aret kwe, anggur amburu eereegim nogome aret nagagerak. Nagagerak wonage me, aap o unde ambi apuluk o Kaperenawum andi wonagagerak me,

Yaya 6:17

yiiro paga unggunuk, yi yenggenak yibaga o Kaperenawum wunda wogwe iigak, o kiip agagerak me, Yetut iya waga'lek awo kagak,

Yaya 6:24

Yetut inom, at oone waganggwi mendek inom, ineebe lek iinok, yiiro nogo paga unggunuk, Yetut kwaarit o Kaperenawum wogogwaarak.

Yaya 6:59

Wone yoragagerak nogo ti, o Kaperenawum it Yakuri tamban eeko menggam logonet, yoragagerak.