Matiyut 4:10 - Ala Wone Peenok Peebi Mbanak

¹⁰ Yoge mbareegi, Yetut nen at yoge logonet, “An kinogoba Ala mban nayuk wuko logonet, nalut eekwi, an ari neenok mban liippunuk, eerit nogwe, eeko logonip o, yinuk, Ala yereegerak liiru mbanak wonage me, kat Ibilit yi, nak o.”

Matiyut 4:10 ပူးပေါင်းရင်းမြစ်များ

1 Mbinineegwaarak 21:1

At Ibilit nen it aakumi Iterali mendek naalop-kaalop eerogo piyaakit nduk, mi'nage nagagerik, at Ndawut nen it Iterali ineebe eenggi linggininabuwak nduk, inikime manake mbareegi,

Ayup 1:12

Yoge mbareegi, Aliku ALA nen Tile yoge logonet, “Ti kenok, amindik-amendek abok aret keenggime pagagi o. Ndi, at eebe perak, keenggi mbaanggoorak mondok mage o.” Yoge mbareegi, Tile nogo at Aliku ALA owagam nen wundi nagagerak.

Ayup 1:6

Ne ambi paga Ala inom menggaarak at Aliku ALA owagam kuwak eeri wogwe me, at Tile wage nagagerik, it inenggela'me wonagagerak.

Ayup 2:1

Ti'nuk, ne alik ambi paga it Ala inom menggaarak nen at Aliku ALA owagam kuwak eeri wogwe me, at Tile kunduk Aliku ALA owagam wage nagagerik, inom wonagagerak.

Ndawi 109:6

At eebi nombaka nogo owak loonuwak nduk, aap maluk mendek ambi mippu o. At wone liirit yoge nogo eenggi abe'nggan mi'nage,

Wundeegwaarak 23:25

Naliku kinogoba Ala an nalik mban nalut eeko logomunggup o. Nalik mban nalut eekwi kiinok, nale'nggen kinoba pinagage logonet, kinambi inom, kinagi inom, wokkirage, yi andi ndi andi alom nogo apit aret kinenggela'me nen nggiginogo mbo nappege, eeke neegak,

Yetaya 30:22

Kinagugiwak mbuti perak paga nabenak inom, kugi ogut ogobakkigirik mbuti emas paga nabenak inom, “Yi maluk ogole warak aret,” mbakwi, ndi, kumi tut kagaatak inayum paga lenggenak mbo pogo mengga kwak, “Kugiwak inom, kugi inogut inom, yi, yayi logorak lek o,” yinuk, mbo wumbugwi, eeko logomunggup o.

Matiyut 16:23

Yoge mbareegi, at Yetut ena logurogon pekkage logonet, Peterut yoge, “Kat Ibilit negen ari yi, Ala iniki mbake nogo eeriyak mba'nuk ari lek o. Ata, aakumi iniki mbakwi nogo eeriyak mbake logonet, an non mbambanege me, mondok nak o,” yoreegerak.

Marakut 1:13

Karume nagagerak wonage me, at Ibilit nen Yetut abut mbangge kagak, nogo 40 yereegerak. Ndiimbu-nggwiya nugu menggam wonage me, it malayikat nen wogo nogogwaarik, iniki eyak wappereegwaarak.

Lukat 10:18

Yogo mbareegwa, at Yetut nen, “At Ibilit o yabok eeke nogo pogom mbogut paga nen wangge kagagirak o.

Lukat 11:18

Kit nen yogo logonet, At kugi iyagalo Mbeletebut nen yoge paga kugi nggiginogo wumbiige menggerak o, yogwe me, at Ibilit nen at aret ogookkolage kenok, at abu'me piige menggim ti, nonggop togon omaawi logorak.

Lukat 13:16

Ndi, ti kenok, Abarakam ombooluk kwe yi, Ibilit nen keele maarogo porogo wonage kagak, tahun 18 eereegerak me, kit tamban eekwi paga piinogo teppuurak ti, mage me nduk, yogo ogotik?”

Lukat 22:3

Koonit nugwi iigak, at Ibilit nen it aap 12 ambi endage Yurat Ikariyot inikime unggwagagerak.

Lukat 22:31

Yorage nagagerik, “Timon wae! Karuk logot o. Gandum eebe leennaruwak nduk, ameneno ndegenggo mengga kwak, at Ibilit nen kat togop aret eeppagawak nduk, Ala yoge mbaki, E o, yegerak kwe,

Lukat 4:8

Yoge mbareegi, at Yetut nen, “Ala nen ari logonet, Kinogoba Ala mban ayuk wuko logonet, at mban alut eekwi, at ari kenok mban liippunuk eerit nogwe, eeko logonip o, yinuk, yereegerak liiru mbanak wonage o.”

Yaya 13:27

Wogoge nogo, wagangge kagak, Ibilit Yurat inikime unggwage mbareegi, at Yetut nen, “Yurat wae! Kat eeriyak mbakendak nogo mbet togon eeru o.”

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Nappiigak 5:3

Eeke mbareegi, at Peterut nen, “Ananiyat wae. Nggween onggo wokkegaarak ando mogonogo teppakendak nogo ti, kat nonggop nduk Ibilit kinikime lik yi unggwage mbaki, Aberiniki ambokan laganggendak?

1 Korindut 5:5

“Ninowe Yetut woroorak eyom paga kiniki agap ndaruwak nen, yogondak keebe maluk eeppagage logowak nduk, ninowe Yetut awone kili'niragagerak nogo paga keebe apit aret Ibilit eenggi paga pagago o,” yinuk, yogo logomonggotik, mondok endekem wumbunu o.

1 Korindut 7:5

Wone alik paga lek o. Ata, tamban mban eeko logowak nduk, ogonggelo akweegelo imbirak wone koonggo logonet, “We luulu ne ndogop paga lambungga'lek puk logowok o,” yinuk, iniki ambit a'nuk, tayoppunuk, puk logorak ti, op aret kwe, elaambirik wonogwe iinok, Ibilit nen iniki nggagangge kenok, iniki nengge kero, logonuk lek mbet-mbet aret lambunuwak o.

2 Korindut 11:14

At Ibilit kunduk, malayikat etenggen abinak kwindagala aago menggerak nogo ndak-ndak kumbunuk, eerit nage menggerak me, it ti eekwi iinok, “Wi!” yugup o.

2 Korindut 12:7

Alik tam warak aakumi kogolik mendek nenegen kagagirak nogo paga, “An iya o,” yinuk, wogoppatit nage neyo, Ala nen andi ambi nagabolo paga alok negen ngguurogo paneegerak ti paga Ibilit awot ambi wage nagagerik, wogoppake neyo, nenggali wappanegak mban eeke menggerak o.

Pelaareegerak 10:20

At Aliku kinogoba Ala kinagabiti mbakwi, kiniki at paga mban panggonak logonet mugurok nogwe, ndi, at endage kunogo kumbuk mbanggwi, eeko logonip o.

Yakobut 4:7

Togop me, Ala abu'me tebe yinip o. Ala abu'me tebe yinuk, wonogwe me, Tile nen maluk eekkinabi wage kenok, kole mbaganuwak nduk, kinom wim perenggologo logonip o.

Yotuwa 24:14

Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.

1 Peterut 5:9

Ndi, it kinoreewi yi awi ndi awi menggaarak kinom kiniki abet mbakwi nogo, andi-pandi kit eerogo pinagagwi ndak-ndak, it togon togop aret eeppiigwi nogo kineenu me, kit kiniki abet mba'nuk, kinogogumbuk mondok nu'lek logonet, Tile nen kiniki nggagani wage kero, mugogo nappogo logonip o.

1 Tamuwen 7:3

mbakwi iigak, at Tamuwen nen aakumi Iterali mendek abok aret yorage logonet, “Kit kiniyokan at Aliku ALA abu'me abet aret ari woroorak mbakwi kiinok, kugigwe Atitoret inom, Ala obaane'me it aakumi alik mendek inagugi inayuk wukwi nogo mendek inom, abok aret mbo punuk, melak togon kiniki Aliku ALA wogo'nuk, at mban mugurok nogwe kiinok, aakumi Pilitin mendek ineenggime nen kinagap ndarigin o.”