Matiyut 3:12 - Ala Wone Peenok Peebi Mbanak

¹² Gandum anggen ndegeniyak nduk, tenggap at eenggime porogo wonage me, ndegengge menggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ariilik wunuk mban ari menggim nappege, eerigin o,” yinuk, yoragagerak.

Matiyut 3:12 ပူးပေါင်းရင်းမြစ်များ

Ayup 21:18

Wiiri anggen o wiya nen wonok nage menggi kwak, Eyoongga menenak nombok-kombok wonok nage kwak, it togop aganake, Eeke menggerak nogo ti, Kuluk aret aganake menggerak mbakop?

Ndawi 1:4

It aap maluk eeka ti togop lek o. O wiya nen wiiri anggen wonok nage menggi kwak It aap ti togop aret wonogwe o.

Ndawi 35:5

Aliku ALA ayonggo malayikat nen mugogo nappiige kagak, Wiya nen iri'ngga ameneno wonok nage menggi kwak, Togop aret aruwak o.

Yetaya 1:31

At aap omaawi ambik ti, mbumbungga kani ne ambit nengge kwak age, Ndi, at eeke menggerak nogo ti, kani omoonuk tibili'nggin eerogo nagabit nage menggi kwak age, Eerigin o. Imbirak ne ambit wuluk togon nengge me, nogonogo puurak meek aret,” yegerak me, Kat kota Yerutalem yokkigi o.

Yetaya 17:13

Yi wurik oone pu nage menggi kwak, Yi aakumi ndi aakumi togop agan nugwi kwe, Ameneno puut paga wonage o wiya nen wonok nage menggi kwak, O wiya omaawi nombok-kombok wage logonet, wola yugu wonok nage menggi kwak, Ala nen it mbaarage kenok, kole o nda time mbaganugun o.

Yetaya 27:4

Ti eeke logonet, an nanini neyabu yaremenggerak ti paga wonage logogin lek o. Nggonggoondu tibinik-wandinik eerak kwak, eeppiigwi, Alok-palok lagangge menggi kwak, eeppiigwi, Eekwi nenegen kage kenok, Mbanogo kani pigin kwe,

Yetaya 28:28

Ndi, gandum anggen nogo ti paga oroti worariyak me, agabolo mbelangge logonet, Abu yigirik-noonom eekeelik o. Ata, yigirik-noonom nage kero, Gandum agabolo mbelangge menggerak ogobakkigirik iyok warak nogo woppunuk, At paga mbawok aret mbelangge menggerak.

Yetaya 30:24

Yabu wagangga kinerapi inom, kinageledai inom, nogo inambi abe amok mbanak nunggo menggam koonogo piigwi iinok nunggwi, eeko logogun o.

Yetaya 41:16

Ameneno wambit nage kenok, o wiya nen wonok nage, Wiya omaawi nabuninuk wage logonet, ameneno wonok nggarek ari, Eeke menggi kwak Togop aret eerogo piyaamunggup kwe, kit perak, Naliku ALA eeppinagage paga kinale'nggen nggwok nombakwi, An Kikak Nakeelik Nalik Leenak kinogoba nendage tiyappanugwi, Eeko logomunggup o,” yinuk, yorage kagarak o.

Yetaya 5:24

It aap ti, at Omaawi Lombok Menggerak Aliku ALA yereegerak liiru mbanak nogo mbo pugwi, At Kikak Nakeelik Alik Leenak Iterali inogoba Ala ari nagagerak nogo meek eerogo pugwi, Eekaarak me, Kani omoonuk wunuk ari logonet, wiiringga mbanak ne ambit pup eerogo nengge, Kani omoonuk wage logonet, iri'ngga mbuk ne ambi lek eerogo nenet nage, Eeke menggi kwak, Ineebe togop aret eeginake logonet, eyo omanggen pili arit unggwage, Liirubu kwak iri'ngga laambu o wiya nen wonok nage, Eeke menggi kwak eeginabigin o.

Yetaya 66:24

It ti nen wundi nogo logomenggaarik, it aap an noone eeriyak ineebi mbaka nogo inoorak inowak nggininik inigen kogo logogun o. O time ineebe inoorak waalo ninggippunuk nunggwi nogo kangga'lek ineenik mban wonogwe, ndi, ineebe kani nengge nogo noguk yaga'lek wunuk mban ari, eeke kenok, it aakumi abok aret inigen kogo logonet, inamineeri ne agan nage logogin o,” yinuk, yegerak me, abu aret yagi o.

Yeremiya 15:7

Aliku ALA nen ari logonet, “Iri'ngga ameneno wiya nen wonok nawak nduk yumbunogo nippogo mengga kwak, O it wonogwe me kota-kota togop aret eeginake, An napuri inobaabut alik aga'lek maluk kunik mban eekwi me, ineebe lek eerogo piige, It inapuri kambuwak nduk, eeppiige,

Yeremiya 17:27

an wone yoragagirak konembunuk nogo 6 yippunuk ko'lu paga alik leenogo pugwi lek, ne 7 ti paga inamendek luurik-maarak aago wonok o Yerutalem tu unggwi wogo menggam unggwi wogwe iinok, o Yerutalem tu unggwogo menggam time kani noguk yuurak lek mendek wuninogo piminggirak paga, aap inendagembogut inawi nggwok abe wurik abok aret kani pup eerogo nengge logogin, yegerak, yoret o,” yinuk, yo'negerak me, yokkiragi o.

Yeremiya 4:11

Ne ti eyom paga at Ala nen, “O wiya aganggen mendek o karume puut puluk ko aago paga nen napuri wonogwe me pa'nggwe warit wage logonet, ambit me logonogo pit nage, wonok mappit nage, eeruwak nduk, warit wage menggi kwak woraagin lek o.

Yeremiya 51:2

Gandum ameneno wiya nen wonok nawak nduk, yumbunogo nippugwi kwak, o Mbaben togop aret eerogo pugwi, Aakumi o time wonogwe nogo mondok pup eerogo piigwi, Eeruwak nduk, O Mbaben aaninggin oba puurak eyom paga aap inambik nappiya woraminggirak wogo logomenggaarik, Wakkumbunuk, agi-ogu nen, aru-ogwe nen, oonda mbanit unggwogo logonet, abok pup eerogo pogo logogun o.

Yeremiya 7:20

Yo'nege nagaarik, Aliku Itok Menggerak ALA nen yegerak nogo yi aret. “Nanini kani kunik pogom o yi paga wuppi woraminggirak paga aakumi ineebe inom, inaanggumi inom, inageyo inom, ineyabu yarak anggen mbanak inom, abok aret nenet nage logogin me, nogonogo puurak meek aret kaagun,” yegerak o.

Oteya 13:3

Togop aret me, o wege paga tit nake nagaatik, lek age, Oonikiya konaananggen luurogo pege nagaatik, kubondendok lek age, Yi mendek ndi mendek menenggwi iigak, o wiya nen ameneno kabe'nuk nggarek ari, Kani kunggaatak ka'luk yarugu-parugu lagangge, Eeke menggi kwak, It togop aret arugun o.

Amot 9:9

“Nggweengguma ameneno wonok nawak nduk, muun yarak piyak-piyak eeko logonet, ambit iluk ambi kiluk togon wanggeelik kwak, It Iterali mendek aakumi inanebunu lombok inenggela'me togop aret wogoren nawak nduk, yoraminggirak kwe, Ambit iluk ambi pibi'na wambugun lek aret o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

Matiyut 13:30

Anggen mbaniyak eyom awo me, imbirak lagangge logowak nduk, teppinip o. Ndi, anggen mbaniyak eyom panggoni wage kenok perak, an nen it anggen mbanggo menggaarak nogo yorage logonet, Iri'ngga maluk mendek ti, kani nawak nen aa'nduk kinogo keele maakwi, ndi, gandum kenok kuwak eerogo an pege minggim time pugwi, eeko logowak nduk, yoraagin, yoragagerak o,” yinuk, yoragagerak.

Matiyut 13:41

An aap aret nda'nagagirak nogo nen it malayikat nogo nappiya wage neenok, wogo logomenggaarik, it Ala abu'me piige menggim logonet, aakumi maluk eeruwak nduk, inikime manabit nogo menggaarak ineebe inom, yi aap ndi aap maluk eeko menggaarak ineebe inom, kuwak eerogo

Matiyut 13:42

kani kunik me mambiyamenggaarak time logonet, leenggu maakwi, ineyak nggilik maakwi, eeko logogun o.

Matiyut 13:43

Ndi, it iniki abe koonak menggaarak nogo perak, inogoba abu'me logonet, inoba oonegen pogom pinda yogo logogun o. Kinaruk wonage kenok, liirogon aret konenggo logonip o,” yinuk, yoragagerak.

Lukat 3:16

at Yaya nen it apit yorage logonet, “An we yiime mban wuppinagage minggirak o. At ambi woraagin nogo perak, Aberiniki inom, kani inom, kinoba pinagi woraagin me, at nggwok aret o. An we mbuuluk me, at iyogogut nggerenak piiniyak meek o.

Lukat 3:17

Gandum ndegengge menggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ariilik kunik mban menggim nappege, eeruwak nduk, tenggap at eenggime porogo wonage o,” yinuk, yoragagerak.

Yaya 15:2

Eyo eno'mbak ambi an nimbirak kunik logonet, anggen yegeelik kenok, nogoba nen mbanogo mbo nappege, ndi, eyo eno'mbak paga anggen yege kenok, ambinom yi'nage logowak nduk, mbeenogo teppege, eeke menggerak.