Matiyut 28:7 - Ala Wone Peenok Peebi Mbanak

⁷ Pekka wogo logomonggotik, Yetut nogo aap kambunuk nogo menggam nen eenik a'nuk, mi'nage nagaarik, o Nggalileya aa'nduk nagaarak wonage me, ka namunggup o, yinuk, at malayikat nen abet aret yegerak me, yokkira wogo o, yinuk, at oone waganggwi nogo mbet-mbet yora nanip o.”

Matiyut 28:7 ပူးပေါင်းရင်းမြစ်များ

Yetaya 44:8

An o aa'nduk nen wone yi agan nage, Eeriyak nogo eeka'lek kagak yorage, Eerulik ya? Noone yorage liirogon koneneegwaarak nogo it aret me, Inaganak wake, inagabiti mbakwi, eerugwaarik o. An wonage neegak, an kwak Ala alik ambi wonage mbakop? Lek aret o! An yugum kwak nomaawi minggirak kokwak, ambi wonage an kaga'lek aret o,” yinuk, yegerak me, yokkiragi.

Yetaya 45:21

It alom ngge panggombunuk eekwi nogo, an lik togon yo'nugwi, Wone nonggop yo'niriyak nogo inagugi inom wone mbanggwi, Eeruwak o. Wone agaarak yi, aga'lek kagak ariyak nduk, o aa'nduk lombok ta nen yoranet nage, O maan nen wone ti, ta nen inaruk paga pit nage, Eereegerak mbakop? An Naliku ALA nen yoragagirak nogo lek a? An wonage neegak, Ala alik ambi wonage lek aret o. Inagap Ndaka iniki abe koonak alik ambi lek, an Ala nalik aret minggirak o.

Matiyut 24:25

Ti eeriyak ti, awo eeka'lek kagak wone yi paganogo yokkirage me, kiniki liippinip o.

Matiyut 26:32

An neenik agago mippanege kenok perak, kit naga'lek kiigak, an naa'nduk o Nggalileya time nagin o,” yoragagerak.

Matiyut 28:10

Eeko mbareegwa, Yetut nen, “Kinagabiti yugup o. An o Nggalileya nage me, time nawuri neya nawak nduk, yora nanip o,” yinuk, yoragagerak.

Matiyut 28:8

Yorage mbareegi, it kumi nogo ndoome pekka unggwogo nogogwaarik, wundi nanuk, inagabiti aganabeegerak kwe, iniki ale'nggen mbakak, puu'nuk it Yetut oone waganggwi nogo yora nogwe me,

Marakut 14:28

an neenik agago mippanege kenok perak, kit naga'lek kiigak an naa'nduk o Nggalileya time nagin o.”

Marakut 16:10

it Yetut inom nugu nogogwaarak nogo nen le yi-yi wo-wo yogwe me, at kwe nogo nen yonggo nage nagagerik, yorage logonet,

Marakut 16:13

iniyok paga wogo nogogwaarik, inoreewi ando yorogogwaarak mendek, it nogo kunduk, abet mbarulik mban wonogogwaarak.

Yaya 14:29

Wone yi yokkiragi nogo, a'me lik ari kenok, kiniki noba panggombunuk, abet nombarumunggup nduk, awo aga'lek kagak, yokkiragi o.

Yaya 16:4

Aa'nduk yokkirage logolik kwe, eekkinaburak eyom panggoni wage kenok, wone yokkiragarak yi, abeko logomunggup nduk, yogondak yi aret yokkiragi o,” yoragagerak. At Yetut ambinom yorage logonet, “An aa'nduk kit ninom logonet, wone yi yokkirage logolik kwe,

1 Korindut 15:4

Kangge mbareegi, at eebe waganogo ndoome mambereegwaarak. Mambogo mbareegwa, Ala wone liiru mbanak ndak-ndak, nogo mbere yinuk, eenik agago mippereegerak.

1 Korindut 15:6

Nogo nigiige nagagerik, ti'nuk, peebi nen ninoreewi ineebe ambik lima ratus aret ambit me kuwak eerak wonogome, inigen kaawak nduk, nigiyareegerak. It aakumi nigiyareegerak nogo ti, ando muk kambeegwaarak kwe, ando ambik kangga'lek awo ineenik wonogwe o.