Matiyut 28:5 - Ala Wone Peenok Peebi Mbanak

⁵ Ndi, at malayikat nogo nen it kumi nogo yorage logonet, “Kit nen aap Yetut eyo paga nabenogo pegaarak nogo kaawok nduk, wogotak kiigirak me, kinagabiti mbarugup o.

Matiyut 28:5 ပူးပေါင်းရင်းမြစ်များ

Yetaya 35:4

It iniki waanggo mban-mban wonogwe nogo yorage logonet, “It nen aaninggin kinoba pinagagwi nogo, kinogoba Ala nen anini wuk togon onggo eeppiige logonet, Kinagap ndari woraagin me, Kinagabiti mbaka'lek kinogogumbuk logonip o,” yinuk, yorogo logomunggup o.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 41:14

Kit abu ndeyak puron kwak Yakup mendek yi wae. Kinomaawi abu lek waalo mbonoon kwak Iterali yi wae. An lombok nen yeenggwa kiraagin me, kinagabiti mbarugup o, yinuk, An Kikak Nakeelik Nalik Leenak Wondet Eerogo Pinagaga kit Iterali kinogoba Naliku ALA nen aret yokkirage agarik o.

Ndaniyen 10:12

Mi'nage mbareegi, at nen an yo'nege logonet, “Ndaniyen wae. Kagabiti mbake ti mage o. Kat ne aa'nduk lombok, Nabi kagarak nogo alom neenu arikit lak, ao, yinuk, kiniki koombunuk kogoba Ala enggaanom paga kiniki tebeppatinuk tamban eekendak nogo, at muk aruk konenggerak me, tamban eekendak onggo lik togon aret yokkiriyak nduk keya wagarak kwe,

Ndaniyen 10:19

Nomaawi eerogo paninuk yo'nege logonet, “At Ala iniki kunik eekkake menggerak yi wae. Kagabiti mbarugun o. Kiniki ugun kale'nggen paga wonage, kiniki mondok nu'lek eeppunuk komaawi eekkolage, eeke logot o,” yinuk, awo yo'nege kagak, nomaawi aret age mbareegi, at yoge logonet, “Nogoba o. Nomaawi eerogo panegendak me, wone ti, yo'niru o,” yinuk, yoreegirak.

Matiyut 14:27

Kwa yogo mbareegwa, at Yetut nen, “Kinogut li o.” Yorage nagagerik, “An neebe aret me, kinagabiti yugup o.”

Matiyut 28:10

Eeko mbareegwa, Yetut nen, “Kinagabiti yugup o. An o Nggalileya nage me, time nawuri neya nawak nduk, yora nanip o,” yinuk, yoragagerak.

Matiyut 28:4

it tum wako nogogwaarak nogo inagabiti nen inaganak nugirage logonet, aap kanggaatak pogom nugu'lek aago puk ogogwaarak.

Marakut 16:6

at nogo nen, “Kiniki ma'narugup o. Yetut awi Nataret mendek eyo paga nabenogo pegaarak nogo, kit kinigen kaawok nduk wogotak kwe, eebe yime lek o. At muk eenik a'nuk, mi'nagaarak o. Eebe warak pegam a'lip mban yi kaanip o.

Lukat 1:30

Mbake mbareegi, at malayikat nogo nen at yoge logonet, “Mariya wae. Kagabiti mbarugun o. Ala kabuwa mbake logonet, ale'nggen koba pagarak koonggerak me,

Lukat 24:5

Iigo nogogwaarik, inagabiti ambik aganake logonet, inete nggween paga wanduk yinuk, wonogwe iigak, it aap nogo nen kumi nogo yorogo logonet, “Kit nonggop nduk, at eenik menggerak nogo it kambeegwaarak inom wonage kero, kwaako ogotik?

Nappiigak 2:24

at kanggo menggam time mondok tebenak logorak meek me, kambunuk nogo menggam time yagan wake logokwak Ala nen eenik agago mippegerak o.

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.