Matiyut 28:10 - Ala Wone Peenok Peebi Mbanak

¹⁰ Eeko mbareegwa, Yetut nen, “Kinagabiti yugup o. An o Nggalileya nage me, time nawuri neya nawak nduk, yora nanip o,” yinuk, yoragagerak.

Matiyut 28:10 ပူးပေါင်းရင်းမြစ်များ

Matiyut 14:27

Kwa yogo mbareegwa, at Yetut nen, “Kinogut li o.” Yorage nagagerik, “An neebe aret me, kinagabiti yugup o.”

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 25:45

Yo'nogo mbaremengga, an nen it yorage logonet, Lek o. Kit nen it aap maluk-malak mendek yi, togop eeginaka'lek wonogogutak nogo ti, an aret ee'naka'lek wonogogutak o, yinuk,

Matiyut 26:32

An neenik agago mippanege kenok perak, kit naga'lek kiigak, an naa'nduk o Nggalileya time nagin o,” yoragagerak.

Matiyut 28:16

At Yetut oone waganggwi ineebe 11 nogo, o Nggalileya puurom ambi paga lagi noorak Yetut nen yoragagim nogome aret lagi nogo nogogwaarik, wonogwe me,

Matiyut 28:5

Ndi, at malayikat nogo nen it kumi nogo yorage logonet, “Kit nen aap Yetut eyo paga nabenogo pegaarak nogo kaawok nduk, wogotak kiigirak me, kinagabiti mbarugup o.

Matiyut 28:7

Pekka wogo logomonggotik, Yetut nogo aap kambunuk nogo menggam nen eenik a'nuk, mi'nage nagaarik, o Nggalileya aa'nduk nagaarak wonage me, ka namunggup o, yinuk, at malayikat nen abet aret yegerak me, yokkira wogo o, yinuk, at oone waganggwi nogo mbet-mbet yora nanip o.”

Matiyut 28:9

Yetut inom aabuk ogo nogogwaarik, it yorage logonet, “Niriwi wa,” yorage mbareegi, it kumi nogo owagam panggo yi nogo nogogwaarik, iyok ineenggi pippunuk, ayuk wurogo alut eereegwaarak.

Marakut 16:7

An naa'nduk Nggalileya time naminggirak me, neya namunggup o, yinuk, wone yokkiragaarak nogo ndak-ndak aret eekerak me, at oone waganggwi ando inom, Peterut inom, yora nanip o.”

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Yaya 6:20

Inagabiti ogo mbareegwa, Yetut nen it yorage logonet, “Noreewi o! An aret me, kinagabiti yugup o.”

Oroma 8:29

At Ala nogo nen nit at awuri apit ninowe manggu pogom logowok nduk, nineebe nda'naga'lek niigak, at aput obaabut pogom aruwok nduk, mii'ninake nagagerik, leenogo pinaneegerak.

Owak Loongga 10:16

Yogo nogogwaarik, aakumi alik mendek inagugi inenggela'me wonage nogo mbo pogo nogogwaarik, at Aliku ALA nogo mugurok nogogwaarak. Mugurok nogo mbareegwa, it aaninggin-paaninggin inoba wonogwe nogo Aliku ALA nen, “Kinobaalombok o,” yinuk, mbo piyoolik yeenggwaaragagerak.