Matiyut 27:51 - Ala Wone Peenok Peebi Mbanak

⁵¹ Iniki woronggo'nok abu kangge mbareegi, yum Ala awi wurik me akenggwe tugunik wonagagerak nogo, agi nen oolo muundak nggoguk yi wambi wage, nggween nuk ari, yugum puut-puut abok langgu-langgu wambi wage, eeke logonet,

Matiyut 27:51 ပူးပေါင်းရင်းမြစ်များ

2 Mbinineegwaarak 3:14

Nogo eerogo piinok, yum tuguniyak nogo ti, mbogut mili kunik paga, yum maa'ngga amu kunik paga, yum maa'ngga anggup kunik paga, ligi yawenak abu abe laanak paga, yum tabak yabenggek-ndabenggek penggaako logonet, malayikat negen kerub ogut eerogo penggaarogo punuk, tugunogo wurabit wagagerak.

Ndawi 18:15

Aliku ALA nen aakumi mberirage, Anini aagi ogobak me nen wundi wage, Eeke kenok, Yi nggwok laut abena aluk-puut kin eeppege, Ndi, o yi, alom yarak kin eeppege, Eekerak o.

Ndawi 18:7

Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, Puut-puut nogo, alom na'ndo-wa'ndo eeke, Eekerak o.

Yetaya 25:7

Puut yi paga yi aakumi ndi aakumi iniki wakkologo logonet purok eerak wonogwe nogo koorogo piige, It aakumi inanebunu lombok iniki puru yogo logonet, yum lenggenak wonogwe nogo nggoorogo piige,

Ala Unde 16:2

“An ninom lambungge minggim naloobut mbanak abit narak irimbaga ndugwi enggela'me nen an neebe nigiige minggirak me, yum tugunik endekem nggwe kagak naloobut mbanak an ninom lambungge minggim o mage lombok menggim nogome kat kowe Karun ugun unggwi wage kenok, kambukwak me, ugun unggwi woroorak mage, yoru o.

Ala Unde 21:23

awinde-obaande eerak aret me, yum tugunik wonage me wage, nake kani kunggo menggam wage, eeke kenok, nake eeko menggam magame time eeko logorak yugu nogo taganogo puurak me, woroorak mage o. Nake eekak yuurak leenak logowak nduk, nggomoorogo pereegirak Naliku ALA an nen aret yagi o, yinuk, yegerak, yoru o,” yoreegerak.

Abakuk 3:10

Puut-puut nen inigen keenok, inaganak warit nage, Kat keegak niyo wu'nuk nage, Niyo kole yenggenak laut kiiniki lombok paga anggut-nggut oone ari logonet, Kilaarak-mogonik eerogo nippit wage, Eereegerak o.

Abakuk 3:13

Kat kapuri inagap ndariyak nduk wundi wage, Kapuri leenogo piyareegindak nogo, inagap ndarikit nduk wage, Eeke logonet, It aap maluk eeko menggam wonogwe inowe nogo, aan lebenogo pege, It at awuri inom nege abok aret lek eerogo piige, Eereegindak o.

Linggineegwaarak 4:5

Kit kinawooliya minogo pit nanuk, ambime noorak age kenok, at Karun inom, apuri inom, nen nawooliya wurik me unggunuk, yum oolo tugunik nogo nggoorogo waganggo logomenggaarik, an noone yugu naloobut mbanak yonggolak nogo, obaga lenggenogo punuk,

Matiyut 27:54

Ndi, at yigin unde inowe inom, it Yetut arum wonogogwaarak inom, nogo nen mi nuk ari, ndi, yi eekak ndi eekak eeke, eeke nogo inigen kogo nogogwaarik, inagabiti ambik age mbareegi, “At yi, Ala aput abet aret kogo o,” yinuk, yereegwaarak.

Matiyut 28:2

Wogwe iigak, Ala yonggo nappiya wage menggerak malayikat ambi mbogut paga nen wambi wage nagagerik, yugum tu narak nogo laganogo nappunuk, ti paga awo kwi'nage kagak, o mi nggwok nuk yereegerak.

Marakut 15:38

Iniki worok togon kangge mbareegi, yum Ala awi wurik me aken nggwe tugunik wonagagerak nogo, agi nen oolo muundak nggoguk yi wambeegerak.

Lukat 23:47

At yigin unde inowe nogo nen eeke kage nagagerik, at Ala endage wogoppege logonet, “Aap yi, oone lek yeendo kagak eekoorak abet aret kagi o,” yinuk, yereegerak.

Iberani 6:19

Yiiro niyo wonok nage kero, eyo nggwok paga mbarembogo mengga kwak, nit niniki ti, niniki lunik nogo paga aret mbarenak wonage o. Yiiro eyo nu'lek paga mbarembogo mengga kwak, niniki lunik nogo ti, Ala awi wurik me yum oolo ogoorak kagak akem time mbarenak wonage me, lek arigin lek mondok nu'lek mbarenak aret logogin o.

Iberani 9:3

Ndi, yum endekem tugunik kagak ko oolo akenggwe ogoorak me tugunik nogo ti, “Mage Lombok Menggim o,” yogo nogogwaarak me,

Wayu 11:13

Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.

Wayu 11:19

Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.