Matiyut 27:50 - Ala Wone Peenok Peebi Mbanak

⁵⁰ Yogo mbareegwa, at Yetut nen ambinom kwa ari logonet, iniki woronggo'nok kambeegerak.

Matiyut 27:50 ပူးပေါင်းရင်းမြစ်များ

Ndaniyen 9:26

Ndi, enam puluh dua kali tujuh ti, abu aret eeke kenok, at leenogo punuk amburu eeppereegerak woramenggerak nogo maluk ambi eerulik kagak warogo pugun o. Ndi, aap endagembogut ambi woramenggerak ti, awuri wogo logonet, o kota inom, Ala alut eeko menggam inom, pup eerogo pugun o. O kota alik leenak age yobok eeppuurak nogo ti, yi wu'nuk wage logonet, yi mendek ndi mendek yigirik-noonom eerogo pit nage menggi kwak togop aret eerugun o. Wim eerit nogwe, yi mendek ndi mendek maluk eerogo pit noorak koonak nogo, eerogo pit nogwe, eekwi iigak, o irip yubuni nagin o.

Matiyut 27:49

it ando nen, “Eliya nen agap ndari wage kaawam me, puk o.”

Marakut 15:37

Ari mbareegi, at Yetut nogo nen kwa ari logonet, iniki worok togon kambeegerak.

Lukat 23:46

Nggoguk ari mbareegi, at Yetut oone nggwok paga ari logonet, “Nogoba o. Niniki kat unde logonok nduk, wokkigi o,” yinuk, iniki woronggolage nagagerik, kambeegerak.

Yaya 10:11

Ndomba obeelom ndegeninaka ti, an aret o. At ndomba obeelom ndegeninaka nogo nen andomba inake kambikit mbake menggerak kwe,

Yaya 10:15

ndi, an nen at neenu minggirak nogo ndak-ndak, an togop aret nandomba neenu, ndi, it nen an ineenu aret monggoorak o. Togop logonet, an nandomba inake kambikit mbake minggirak.

Yaya 19:29

Ari mbareegi, time togolowak ambi anggur amburu ale mendek toolak wonagagerak me, ta'mbit tiroguk paga amburu tamombunuk, yigirok kunogo Yetut ambeme pereegwaarak.

Yaya 19:30

Ambe me pereegwaarak nogo nengge nagagerik, “Abu eeki o,” yinuk, uut yuwak ari logonet, iniki woronggolage nagagerik, kambeegerak.

Iberani 2:14

At Yetut ti, aap a'nuk kambemenggerak paga, at kanggwi alom unde menggerak Tile nogo omaawi lek eerogo punuk, it kambuurak inagabiti nen, “Nabelan-kabelan aruwok lak piriguru agan wagagerak yi, ao,” yinuk, iniki mondok aaninggin ndugu agan koonit nugu logonet, iniki wakko'net nugwi nogo, teeluk eerogo piyaakit nduk, nit at apuri nineebe nggween paga kanggo monggoorak mendek ndak-ndak aret eekkolagagerak.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

Iberani 9:14

Keritut amiya ti perak, iya lombok me, ninomaluk koo'ninaburak meek mbakop? Lek o. At mondok itok menggerak Aberiniki nen eeppege kagak, ndomba awinde-obande aago lek obeelom nogo pogom iniki nen at eebe aret nit ninake Ala wogoreegerak me, yogondak nit Ala mondok eenik itok menggerak nogo, ake eeko logowok nduk, wone aa'nduk aanom warogo mugurok nogwe niigak, ninomaluk lek aga'lek abe'nagak mban eeke kagak kambit nogo nogogurak nogo, at amiya paga lek eerogo punuk, mondok obeelom eerogo pinaniyak op aret mbako logowok o.