Matiyut 27:45 - Ala Wone Peenok Peebi Mbanak

⁴⁵ Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

Matiyut 27:45 ပူးပေါင်းရင်းမြစ်များ

Yetaya 50:3

An nen mbogut nogo yumaak aruwak nduk, yum kwak lenggenogo pege, Yum nibinik maluk mendek yiko mengga kwak yirippege, Eeke minggirak kagak, Eekeelik nombake keegi o,” yinuk, yoge kagarak.

Amot 8:9

“Ne ti paga ariyak nogo ti, o liingge kagak oonegen kilu yi nage, O liingge wonage kagak, o nggween paga apit age, Eeruwak nduk, eeppigin o.

Marakut 15:25

At Yetut eyo paga nabenogo pereegwaarak nogo ti, kuuben wundit nogwe oonegen 9 paga aret nabenogo pereegwaarak.

Yaya 19:14

Kwi'nagagerak nogo ti, laago Obaga Mbo Nagagerak pipuk eekwi iigak, o kuubondendok oonegen 6 paga aret kwi'nagagerak. Kwi'nage nagagerik, Pilatut nen it aap Yakuri mendek yorage logonet, “Wologwe! Kinogoba endagembogut yi kaanip o.”

Nappiigak 3:1

Ne ambi paga o kiyoma oonegen 3 paga tamban eeko menggaarak me, tamban eeruwok nduk, Peterut Yaya imbirak Ala awi wurik me nogogwaarak.

Wayu 8:12

Malayikat kenagan oone nggwok eeka inarompet nogo, oone eeko mbaka, at ambi nen arompet oone eeke kagak, oonegen eya inom, tut eya inom, laaluguragan eya inom, abeenok mogonogo sepertiga nogo, abinak lek eerogo pege kenok, o liingge nogo eya mbuuluk age, ndi, oonikiya kenok, o abu apit age, eeke logowak nduk, oonegen eya inom, tut eya inom, laaluguragan eya inom, ando mogonogo teppege logonet, ando sepertiga nogo, abinak lek age kagarak.

Wayu 9:2

Wogogerak Kambunuk Nogo Menggam mbuun ambe nogo tu paake mbaki, yugum yugu ka'luk yonggo-ndonggo eeke menggi kwak, mbuun ambena nen ka'luk alik negen lagi wage logonet, oonegen inom, o oolo ogona ya'i inom, apit eerogo pege kagarak.