Matiyut 27:29 - Ala Wone Peenok Peebi Mbanak

²⁹ alok komaarogo anobak paga yippugwi, mbim obate mbanak eenggi abe'nggan wogogwi, eeppogo nogogwaarik, ineebe at abu'me tebe yinuk, agi'ndok kanggo logonet, “Wa! It aap Yakuri inowe kendagembogut kat aret me, wa. Ninogoba wa,” yinuk,

Matiyut 27:29 ပူးပေါင်းရင်းမြစ်များ

Ndawi 69:7

An kat koone yaga aret me, Aap nen meek eeppanugwi iinok, noone lek puk age, An nenggali wappanugwi iinok nena wutik wonage,

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Yeremiya 20:7

“Kaliku ALA wae. Koone nabek togon yo'nege keegak, an nen, Oone nabek togon yo'niruwak, mbake, Ndi, kat komaawi ambik me tebenogo panege keegak, an nen, Nomaawi lek me, tebenogo paniyak op aret, mbake, Eekirak o. O kubondendok nen nok oonikiya ari nage kagak aakumi nen nagi'ndok kanggwi, Yi aap ndi aap abok aret an meek eerogo panugwi, Eeko agaarik o.

Matiyut 20:19

Wone mbambunuk, it aap endekem konenggulik mendek nen nenggali wakwi, ya'mbiran nggora eerogo nookwi, neebe eyo karo-karo paga nabenogo panugwi, ee'nabuwak nduk, wogoraagun o. Wogorogwe iinok, nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, yoragagerak.

Matiyut 26:49

at nogo nok-nok Yetut owagam nage nagagerik, “Nogoba ngguru wa,” yinuk, kambugereegerak.

Matiyut 27:37

Wonogo logonet, “Aap Yakuri inowe endagembogut Yetut yi aret o,” yinuk, oba lenggeneegwaarak wone nogo liiru mbanogo Yetut anobak irimbaga eyo nogo paga nabembereegwaarak.

Marakut 15:17

at Yetut nogo mbogoyum maa'ngga warak yippugwi, alok komaarogo anobak paga yippugwi, eeppogo nogogwaarik,

Marakut 15:18

iniki laakot paga keyage wappogo logonet, “Wa! It aap Yakuri inowe kendagembogut kat aret me, wa,” yinuk,