Matiyut 27:22 - Ala Wone Peenok Peebi Mbanak

²² Yogo mbareegwa, at Pilatut nen, “Ndi, ti kenok, at Yetut endage Keritut yogwe yi, an nonggop eerogo pi o?” Yorage mbareegi, it abok nen at yogo logonet, “Eyo karo-karo paga nabenogo puurak aret o.”

Matiyut 27:22 ပူးပေါင်းရင်းမြစ်များ

Ayup 31:31

Aap ugun-ugun yowaarogo mambiige, It aap nggiru wogwe iinok, Endekem nogo yega'lek ninom nogo yuwok nduk yorage, Eeke minggirak me, It an ninom wonogwe nogo nen yogo logonet, Ayup nen mbi ma'niraga'lek we ninom nogo yogoorak o, Yinuk, taamini nen yogo menggaarak mbakop? Lek aret o, yinuk, yogo menggaarak o.

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Takariya 11:8

Wogoren nege logonet, tut ambi owak eerogo punuk, ambi penenak paga it ndomba ndegeninaka ineebe kenagan nogo wumbiyareegirak. Wumbiige mbareegi, it ndomba nogo nen an pe'neyoorak ineebi nombakwi iige nagagirik, ambinom ndegeninaburak anggon ee'nake kenok,

Matiyut 1:16

Yakup nen Yutup kwe Mariya ogonggelo nogo ndake, ndi, kwe Mariya nen nit Keritut yogo monggoorak Yetut nogo ndake, eerit wundi wogogwaarak ti aret o.

Matiyut 27:17

it aakumi kuwak eeko mbareegwa, at Pilatut nen, “Nit eeruwok lak, at mban eerit nage yi nineebi a,” yinuk, at Yetut wonok wogwe yelok iige nagagerik, it yorage logonet, “Kit kiniki nen ta piinogo wokkiroorak mbakop? At Mbarabat ilik, Yetut endage Keritut yogwe nogo piinogo wokkiroorak a?” yoragagerak.

Matiyut 27:21

Inikime manabit nogwe at gubernur nogo iige nagagerik, “Aap mbere me, ambi ta piinogo teppuurak mbakop?” Yorage mbareegi, it nen, “Mbarabat aret o.”

Matiyut 27:23

Yogo mbareegwa, at nen, “At maluk ngge eekerak paga yogop o?” yoragagerak kwe, “Lek o. Eyo karo-karo paga nabenogo puurak aret,” yinuk, abunuk inoone nggwok paga ya-mba yogogwaarak.

Marakut 14:55

it Ala unde inoweewi inom, it wone amburu mbanggo menggaarak abok inom, kuwak aago wonogo logonet, “At Yetut waruwok nduk, at eekerak alom ta nen liippegendak o?” yoragagerak mendek, lek aret kogogwaarak.

Yaya 4:25

Yoge mbareegi, at kwe nogo nen, “At Mesias endage Keritut yogo monggoorak nogo woraagin an neenu aret o. At wage logomenggerik, yi wone ndi wone apit aret mbininogo yo'nirage logogin o.”

Nappiigak 13:28

At ngge eekerak paga waruwi? yinuk, alom kwaareegwaarak mendek, alom lek aret kagak kwe, waruwak nduk, at Pilatut yoreegwaarak.

Nappiigak 13:38

Pili arulik, eenik aret wonage me, kit maluk eekwi ti, at Yetut eereegerak paga Ala nen lek eerogo pinagarak kineenu arubagip nduk, yokkirage agarik o, noreewi.