Matiyut 27:2 - Ala Wone Peenok Peebi Mbanak

² eebe keele maarogo at o unde gubernur endage Pilatut nogo wonok iri nogogwaarak.

Matiyut 27:2 ပူးပေါင်းရင်းမြစ်များ

Wakkagagerak 22:9

Nogo nogogwaarik, Ala nen yoreegim nogome ari nanuk, at Abarakam nogo yugum abena ndoombege nagagerik, kani obaga punuk, aput Itak nogo eenggi keele, iyok keele, maarogo kani ndoonak nogo paga pereegerak.

Matiyut 20:19

Wone mbambunuk, it aap endekem konenggulik mendek nen nenggali wakwi, ya'mbiran nggora eerogo nookwi, neebe eyo karo-karo paga nabenogo panugwi, ee'nabuwak nduk, wogoraagun o. Wogorogwe iinok, nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, yoragagerak.

Matiyut 28:14

Ndi, wone yi agaarak nogo at gubernur aruk konengge logomenggerik, aaninggin kinoba pinagage kero, nit ninom wone mbanugun o.”

Lukat 13:1

Nogo ti eyom paga aakumi ando nen, “Aakumi Nggalileya mendek nen Ala ake warogo kani kunggwi me, aap Pilatut nen inookerak o,” yinuk, Yetut yori nogogwaarak.

Lukat 20:20

It Ala wone liiru mbanak unde inom, it aap Ala unde inoweewi inom, nogo nen Yetut inigen wonok nugu logowak nduk, inawuri nappiyareegwaarak. Inawuri nappiyareegwaarak nogo nen, “Yetut oone ninggin yemenggerak paga yilumbunuk, eebe pigogo aakumi inarum menggerak gubernur nogo nen awone mbaniyak at obaalombok aret me, awone mbanuwak nduk, pi nawok o,” yinuk, “Nit aap abet ninombaruwak,” mba'nuk, inoone abet ndom-ndom agan nugu nogogwaarak.

Lukat 23:1

Yogo nogogwaarik, aakumi kuwak aago nogo abok aret mi'na'nuk, Yetut piganok Pilatut owagam wonok nogogwaarak.

Lukat 23:12

At Keroret Pilatut aa'nduk imbirak ogoorak wonogogwaarak kwe, ti eyom paga imbirak lambuneegwaarak.

Lukat 3:1

Aap Kayitat Tiberiyut endagembogut a'nuk, wone lengganogo yorage kagak, tahun 15 eeke eyom paga aap Pondiyut Pilatut o Yureya gubernur aret wonage, ndi, aap Keroret o Nggalileya unde wonage, ndi, aap Keroret awuluk Piliput o Itureya Terakonitit imbirak unde wonage, ndi, aap Litaniyat o Abilene unde wonage, eeko nogogwaarak.

Yaya 18:12

Ti'nuk, it aap yigin unde ambi aago inowe inom, ndi, it aap Yakuri mendek Ala awi wurik arum waka inom, nen Yetut pigogo keele maareegwaarak.

Yaya 18:24

Yoge mbareegi, at Kanat nen Yetut keele maarak aret aap Ala unde inowe nggwok Kayapat nogo owagam nappereegerak.

Yaya 18:28

Ayam oone ari mbareegi, it Yakuri mendek inoweewi nogo nen aap Kayapat ame nen Yetut piganok aap inowak loonggo menggam gubernur wonage menggim nogome wonok nogogwaarak. O awo wigangga'lek kagak wonok nogogwaarak. Wonok nogo nogogwaarik, laago Obaga Mbo Nagagerak lakwi iinok, ugun noorak me, “Nit maluk eekkolookwak,” mba'nuk, inowak loonggo menggam unggwi noolik, endekem puk ogogwaarak.

Nappiigak 12:6

At Keroret nen ko'lu awone amburu mbaniyak nduk at Peterut oonikiya mbuti keele eenggi peenok-peenok maarak nogo yege kagak, it aap yigin unde eeben peenok-peenok wonogwe, it ando tungga ambe paga arum wonogwe, eekwi iigak,

Nappiigak 21:33

Puk ogo mbareegwa, at yigin unde inowe nogo wage nagagerik, Pawulut eenggi pigogo, “Mbuti keele mbere paga maa'nip o,” yinuk, yorage nagagerik, “Aap yi ta o? Ndi, at ngge eekerak kenok wako ogotik? Yinip o,” yinuk, ineegwa'me waganeegerak.

Nappiigak 22:25

Awuri yorage mbareegi, wonok nogo nogogwaarik, yawi waruwak nduk keele maako mbareegwa, it aap yigin unde inowe abu'me mendek nogo taati wonage me, Pawulut nen at yoge logonet, “Kit nen aap Oroma mendek ambi maluk eekerak liippega'lek logonet, yawi inooko logorak wone yugu ambi wonage ilik, lek a?”

Nappiigak 22:29

It at eegwa'me waawok nduk eereegwaarak mendek, yoreegerak nogo inaruk konenggo nogogwaarik, “Wologwe! Teppuwi o,” yinuk, puk arit nogogwaarak. Ndi, at yigin unde inowe nogo nen kunduk, “Pawulut o Oroma mendek kagak, keele maakirak me, iya!” yinuk, agabiti ambik agagerak.

Nappiigak 24:27

At Pelikit nen, “It Yakuri inikilom nombaruwak o,” yinuk, Pawulut keele maarak piinogo wumbega'lek kagak, tahun mbere eeppunuk, at obaane'me Perikiyut Petut mippereegwaarak.

Nappiigak 28:20

Wone ti aret yokkiraakit nduk, wage nagarik, Woraawak o, yinuk, kinayonggo pigirak. Nit Iterali niniki lunik monggoorak nogo paga mbuti keele maa'nabeegwaarak wone yokkiraakit nduk kinayonggo pigirak o,” yinuk, yoragagerak.

Nappiigak 3:13

Ninombomini Abarakam inom, Itak inom, Yakup inom, inogoba Ala ayeloman Yetut nogo, at Pilatut nen teppuurak mbake kagak, kit nen, At yi, nineebi o, yinuk, waruwak nduk, wogorogotak kwe, Ala nen muk tiyappegerak o.

Nappiigak 4:27

Yereegerak nogo, o kota yime it Keroret togon, Pondiyut Pilatut togon, it endekem mendek inom, it Iterali mendek inom, nen at kikak nakeelik alik leenak, kat kayeloman leenogo mippereegindak Yetut nogo, at waruwok nduk abet aret o kota yime kuwak eekaarak o.

Nappiigak 9:2

yoge logonet, “Nogoba wae. O kota Ndamitik it Yakuri tamban eeko menggam unde lombok nen inigen kaawak nduk, kat nen it kumi aap ineenik logorak at aru mugurok nogwe iyo, pigogo keele maageren Yerutalem woraakit nduk, liiru mbanniru o.”

1 Timotiyut 6:13

Yi mendek ndi mendek ineenik aganake menggerak alom at Ala inom, ndi, at iniki mbareegerak Pondiyut Pilatut enggaanom paga paganeegerak Keritut Yetut nogo inom, imbirak inenggaanom paga noone omaawi yi yokkege agarik o.

2 Timotiyut 2:9

An wone ti aret yorage neenok, maluk eeppanegak mban eerit wogoga, wogoga, irip paga, “Aap abu maluk eeka o,” yinuk, keele maarogo paneegwaarak yime wonage kwe, Ala wone perak, keele maariyak meek me, wiganinuk nage agaarik o.

Iberani 13:3

It aakumi keele maarak wonogwe nogo, “An ninom keele maarak negen wonage kagi,” yinuk, yeenggwaarogwe, ndi, aakumi nen yawi paga inookwi iinok, andi kogwe nogo, “An kunduk, togop aret noo'netak en, andi kaanetak o,” yinuk, iniki eyak wappiigwi, eeko logonip o.

Owak Loongga 15:12

Yorage mbareegi, it nen at yogo logonet, “Kat keebe keele maarogo it Pilitin mendek ineenggime pagi nawok nduk, wokkabi wogo o.” Yogo mbareegwa, at Timoton nen it yorage logonet, “Kit nen aret, Kat koorugun lek o, yinuk, kumbuk mbanogo an yo'ninip o.”