Matiyut 27:1 - Ala Wone Peenok Peebi Mbanak

¹ O weege mbareegi, it Ala unde inoweewi abok inom, it aakumi inogobamini inom, Yetut wari yak wone amburu mbambunuk,

Matiyut 27:1 ပူးပေါင်းရင်းမြစ်များ

Ndawi 2:2

At Aliku ALA tebenogo pugwi, At Amburu Eerogo Mippereegerak nogo maluk eeppugwi, Eeruwok nduk, Aap inendagembogut yi o ndi o nen pipuk eekwi, Aakumi inoweewi nagawan-nagawan kuwak eeppunuk, Wone koonogo pugwi, Eekwi nogo ti, Nonggop nduk eeko agaarik o?

Ndawi 31:13

It aakumi ambik nen nabok agan nugwi, Nenaagan-nambokan eerit nugwi paga naganak waruwak nduk, agan nugwi, Maluk eeppanuwok nduk, Iniki ambit eeppunuk, wone mbanggwi, Nooruwak nduk wone koonogo pugwi, Eeko agaarik o.

Ndawi 71:10

Ninom wim mbanak nen nabok mbanit nogwe, It an nooriyak mbakwi nogo Ambit me kuwak eeppunuk yogo logonet,

Mika 2:1

It aakumi maluk eeriyak koonogo pugwi, It nogo yogo menggam windak logonet, “Maluk ndogop eeko logowok o,” yinuk, koonggwi, Eeppunuk, O kilim nagake kagak, inayuk warak me, eebe aret eeko menggaarak ti iya me, inabuwa o.

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Marakut 15:1

Kuubondendok it Ala unde inoweewi inom, inanggok inom, Ala wone liiru mbanak unde inom, it aap wone amburu mbanggo menggaarak mendek abok inom, kuwak eeko nogogwaarik, “Ndogop eeppuwok o,” yinuk, wone mbaneegwaarak. Mbanggo nogogwaarik, Yetut nogo keele maa'nuk, wonok, at Pilatut owagam pi nogo mbareegwa,

Lukat 13:1

Nogo ti eyom paga aakumi ando nen, “Aakumi Nggalileya mendek nen Ala ake warogo kani kunggwi me, aap Pilatut nen inookerak o,” yinuk, Yetut yori nogogwaarak.

Lukat 22:66

Ndi, o weege mbareegi, it Yakuri inawone amburu mbanggo menggaarak aap inanggok inom, aap Ala unde inoweewi inom, aap Ala wone liiru mbanak unde inom, kuwak eeppunuk, wonogwe me, Yetut awone amburu mbanuwak nduk, at eebe wonok it inowagam pi nogo mbareegwa, at yogo logonet,

Yaya 18:28

Ayam oone ari mbareegi, it Yakuri mendek inoweewi nogo nen aap Kayapat ame nen Yetut piganok aap inowak loonggo menggam gubernur wonage menggim nogome wonok nogogwaarak. O awo wigangga'lek kagak wonok nogogwaarak. Wonok nogo nogogwaarik, laago Obaga Mbo Nagagerak lakwi iinok, ugun noorak me, “Nit maluk eekkolookwak,” mba'nuk, inowak loonggo menggam unggwi noolik, endekem puk ogogwaarak.

Nappiigak 5:21

Yorage mbareegi, o kuubondendok Ala awi wurik me unggwogo nogogwaarik, malayikat nen wone yoragagerak ndak-ndak wone mamunirogogwaarak. Mamunirogwe me, it Ala unde inowe nggwok awuri inom nogo nen it Iterali inogobamini wone amburu mbanggo menggaarak mendek abok kuwak ari woraawak nduk, yonggo nappiyareegwaarak wogo mbareegwa, it nappiigak keele maarogo mambiigo menggam wonogwe nogo wogoren woraawak nduk, aap Ala awi wurik me arum waka nogo nappiyareegwaarak.

Owak Loongga 16:2

Unggwi nagagerak wonage kogo nogogwaarik, “At Timoton wagaarak oome yime wonage o,” yinuk, aakumi nen it Nggata mendek nogo yorogo mbareegwa, it nen o nogo wanggeppunuk, oonikiya ti paga ambi eeppuurak nduk, eerulik, ata, “Oonegen wundi wage kenok aret waruwok o,” yinuk, tu kota unggwogo menggam time enaarak wonogogwaarak.

1 Tamuwen 19:11

Mbagangge mbareegi, ko'lu kuubondendok wariyak nduk, Ndawut nogo ame wonage kero, lomboppi nawak nduk, Tawun nen awuri nappiyareegerak lomboppi nogo mbareegwa, at Ndawut akwe Mikan nogo nen ogonggelo yoge, “Kat oonikiya yi paga mbaganumunggun lek kenok, ko'lu kuubondendok mondok koori woraagun o,” yoreegerak.