Matiyut 26:70 - Ala Wone Peenok Peebi Mbanak

⁷⁰ Yoge mbareegi, at Peterut it abok inenggaanom paga, “Kat yagandak ti, an neenggo'lek ubi!”

Matiyut 26:70 ပူးပေါင်းရင်းမြစ်များ

Kini Wuppiige 28:26

Aap ambi nen at iniki mbake mban panggombunuk wonage kenok, iniki lek wi negen aret wonage menggerak kwe, Aap ambi iniki warak logonet eerit nage kenok perak, tu kuuri'me aret nege menggerak.

Kini Wuppiige 29:23

Aap iniki tiyappatit nage nogo aap nen tebenogo pogo menggaarak kwe, Aap iniki tebenak wonage kenok perak, endage tiyappogo menggaarak.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Yetaya 57:11

It ta paga inagabiti mbakwi, inaganak wake, eeko logonet, an mbo paninuk alik mugurok nogwe, Noba abe'nakwi lek kobak eerogo panugwi, An ndogop eeke yi, iya! yinuk, iniki liippega'lek wonogwe, Eeko agaarik? An wone yoraga'lek puk wonage neenok, nayuk wuka'lek agaarik ya?

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Matiyut 26:51

Pigaganggo mbareegwa, Yetut inom menggaarak aap ambi nen paloowi nggigik togon agago aap Ala unde inowe nggwok ayeloman nogo aruk tabok togon nappereegerak.

Matiyut 26:56

it Ala yorage kagak yoraga nen liiru mbaneegwaarak nogo a'me lik yuwak nduk, an ee'nabi wogotak me, op aret o.” Yorage mbareegi, at oone waganggwi nogo nen Yetut teppunuk, kole mbaganeegwaarak.

Matiyut 26:58

Nogwe iigak, at Peterut nogo inambo'me yanabek at Ala unde inowe nggwok nogo awoore'nggam panggo yi nage nagagerik, unggwi na'nuk, “Nonggop eeppugwi iyaamun?” yinuk, at Ala unde inowe nggwok nogo awuri inenggela'me inom aret kwi'nagagerak.

Matiyut 26:69

Yogwi iigak, at Peterut nogo oore'nggam taati kwi'ndak wonage me, kolaga inayeloman ambi wage nagagerik, “Kat kunduk, at Yetut o Nggalileya mendek kimbirak nege menggendak keegi o.”

Matiyut 26:71

Yoge nagagerik, tu unggwogo menggam ari wungge mbareegi, kolaga ambi nen Peterut enegen kage nagagerik, it time wonogwe nogo yorage logonet, “Aap yi nogo Yetut Nataret mendek imbirak menggerak aret o.”

Lukat 22:57

Ari mbareegi, Peterut nen lik-lek ari logonet, “Kolaga! Aap ti, an neenggo'lek o,” yoreegerak.

Oroma 11:20

Kit mbakwi ti abet aret kwe, it abet mbaka'lek iinok, pendenogo nappiyareegerak. Ndi, kit perak, abet mbakwi paga kumbinagareegerak wonogo logonet, kiniki wogoppatugup o. Wogoppatumonggotak paga pendenogo nappinagukwak, mondok kinagabiti mbako logonip o.

1 Korindut 10:12

Ti kenok, aap ambit-ambi, “An Ala wone abu liippigirak me, maluk eerigin lek o,” mbake kenok, yigeebu wangge kero, iniki liippatinuk, logowak o.

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.