Matiyut 26:67 - Ala Wone Peenok Peebi Mbanak

⁶⁷ Yogo nogogwaarik, woori enete me lenggenggogwe, ineenggi lingginik paga wakwi, ndi, ando ineenggi telak wakwi, eeko logonet,

Matiyut 26:67 ပူးပေါင်းရင်းမြစ်များ

1 Endagembogut 22:24

Nogo awo yoge kagak, aap Kenaana aput Terekiya nogo Mika owagam wage nagagerik, agandin paga eenggi telak wake logonet, “At Aliku ALA Aberiniki nappi wagaarak an paga wonage nogo nonggop agago koba agaarak?”

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Yetaya 52:14

At enete ti, aap inete aret kwe, wakwi paga nano inete negen eerogo pege, Ndi, eebe aap aret kwe, wakwi paga nano negen age, Eereegerak me, It aakumi abok aret nen, Iya! yinuk, ineenggi ineyak mbanggologogwaarak.

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Yeremiya 20:2

Ala nen yoge kagak yoraga Yeremiya nogo yawi warogo eenggi-iyok keele maappunuk, Aliku ALA awi wurik irimbaga tu unggwogo menggam endage Mbeniyamin nogome mambuwak nduk yoragagerak.

Leendawi 3:30

Aap ambi nen aap ti wariyak eeke kenok, waruwak nduk, agandin wogoge, Endage maluk eerogo pugwi iinok, “Nendage maluk aret aruwak o,” yinuk, puk age, Eeruwak o.

Leendawi 3:45

Yi aakumi ndi aakumi inenggela'me, Inambeebuk kwak yi, Inogole o, yinuk, yogo logowak nduk eerogo pinaneegindak o.

Mika 5:1

Togop aret kwe, “O Mbe'lekem-Eparata kat yi perak, It Yekura inanebunu mendek inenggela'me kat mbuuluk aret kwe, kat paga nen at ambi o aa'nduk iyaalok togon wonagagerak nogo, It Iterali inarum logowak nduk, mippigin o,” yinuk, yokkege kagarak.

Linggineegwaarak 12:14

Yoge mbareegi, at Aliku ALA nen Muta yoge logonet, “At ogoba nen etenggen paga owoori lenggek togon nappege kenok enggali nen nogo 7 kuli yigin nogo lek a? Togop aret me, aakumi inawooliya wurik me nen endekem wumbemenggendak wonage kagak nogo 7 kuli yege kenok, ti'nuk, iyokan waganogo mambi wa'nu o.”

Matiyut 26:68

“Wulaga Keritut wae. Ta nen kooke kagan? Yu nda!” yinuk, yogo nogogwaarak.

Matiyut 27:30

woori lengga eerogo pugwi, mbim obate mbanak eenggi me nogo ndimbunuk anobak me tela eerogo wakwi, eeppunuk,

Matiyut 5:39

an nen perak, Maluk eeppinagagwi iinok, onggo inooriyak mage o. Kinagandin peenok abe'nggan kinookwi iinok, peenok inom kinooruwak nduk, wogoraanip o.

Marakut 10:34

Wogorogo mbaremengga, nenggali wakwi, inowoori noba lenggenogo panugwi, yawi paga nookwi, eeppaninuk, mondok noorugun o. Nooko mbaremengga, nogo mbere yippunuk, ko'lu neenik arigin o,” yoragagerak.

Marakut 14:65

Yogo nogogwaarik, it ando nogo nen woori oba lenggenggogwe, enegen nobappunuk ineenggi lingginik paga wakwi, eeko logonet, “Ta nen kooke kagan? Yu nda!” yinuk, yogo mbareegwa, it aap Ala unde inowe nggwok ayeloman mini nogo nen kunduk, ineenggi telak paga wareegwaarak.

Marakut 15:19

mbim obate mbanak paga anobak telanggogwe, inowoori oba lenggenggogwe, eeppogo nogogwaarik, inendobanggun yindumbunuk, inuut wutik logonet, ayuk wureegwaarak.

Yaya 18:22

Wone ti, yoge mbareegi, aap Ala awi wurik arum waka mendek ambi nen taati mi'ndak wonagagerak nogo nen eenggi telak Yetut wake logonet, “Aap Ala unde inowe nggwok nen wone yokkege me, onggo togop yoriyak op mbaken?”

Yaya 19:3

Yirippogo nogogwaarik, ambi nen yogak eeko logonet, “Aakumi Yakuri inowe kendagembogut yi wa!” yinuk, ineenggi telak wako nogogwaarak.

1 Korindut 4:13

miyuk-meya eerogo pinanugwi iigak, nit nen wone onggo obeelom mban yorogwe, eekwi niigak, aakumi nggween paga mendek inambeebuk laaguret munogo mbo nagako mengga kwak, o maan nen yogondak kuli paga togop aret eeppinanugo agaarik o.

Pelaareegerak 25:9

kwe nanu nogo nen aap inoweewi nogo inenggaanom paga aap arogweluk nogo iyogogut yirik ambi nggoorogo punuk, yoge logonet, Ore endage ki logowak nen obaane'me piyoorak eebi mbake kenok, yogop aret eeriyak me, yinuk, awoori etenggen paga lenggenogo nappuwak o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.