Matiyut 26:61 - Ala Wone Peenok Peebi Mbanak

⁶¹ “Aap yi nen, An Ala awi wurik minogo punuk, obaane'me wuke neegak, nogo mbere aret yumunggup, yereegerak o.”

Matiyut 26:61 ပူးပေါင်းရင်းမြစ်များ

Wakkagagerak 19:9

Togop yoragagerak kwe, it aap Torom mendek nogo nen at Lot yogo logonet, “Keebe tayorogon nda nen agan nege a nak a!” Yogo logonet, “Kat kunduk nggiru nineya wagandak nogo nen ninowak looninaburak nduk ari agandik? It aap mbere ti, mbawok negen eeginako logonet, kat mondok nggwok lombok eekkabukwak, nda nen ari a nak a!” yinuk, inoone panggok togon yogo logonet, at Lot nogo pelegirik tungga langgunik-panggunik agago mambuwok nduk eekwi me,

1 Endagembogut 22:27

Aap endagembogut nen, Aap yi keele maarogo mambiigo menggam time mambogo logomenggaarik, oroti inom, niyo inom, mbuuluk wogoremenggaarak ti mban nengge kagak, an obeelom aret woroorak kuli ari nawak, yegerak, yoraamunggup nduk, eebe pigaanip o.”

2 Endagembogut 9:11

Mbagangge kagak at Yeku nogo oreewi wonogwe me iya wungge mbareegi, at oreewi ambi nen at yogo logonet, “Wone ambi wonage ilik, lek a? Aap iniki mbanak nogo ti, nonggop nduk keya wagaarak?” Yoge mbareegi, at Yeku nen, “Aap ti, eebe inom, ari menggerak inom, abu kineenu aret o.”

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Matiyut 12:24

Yogwe nogo ti aap Pariti mendek nen inaruk konenggo nogogwaarik, “Ia! Aap yi, kugi iyagalo Mbeletebut nogo nen yoreegerak paga mban kugi nggiginogo wumbiige menggerak kogo o,” yinuk,

Matiyut 26:62

Yorogo mbareegwa, at Ala unde inowe nggwok nogo, mi'nage nagagerik, Yetut yoge logonet, “It aap yi, wone yagandak koba pagagwi me, onggo ambi yoraamunggun a, lek a?”

Matiyut 26:71

Yoge nagagerik, tu unggwogo menggam ari wungge mbareegi, kolaga ambi nen Peterut enegen kage nagagerik, it time wonogwe nogo yorage logonet, “Aap yi nogo Yetut Nataret mendek imbirak menggerak aret o.”

Matiyut 27:40

An Ala awi wurik minogo punuk, obaane'me wuke neegak, nogo mbere yigin, yagandak nogo, kat Ala aput aret keenok, kagap ndakko'nok wambi mok ubi.”

Matiyut 27:5

Yogo mbareegwa, at Yurat nen wu mbuti perak nogo Ala awi wurik me time yubunik-telenak eerogo mambege nagagerik, wundi nanuk, enggaanok keele yilunggola nage nagagerik, kambeegerak.

Marakut 14:58

“At nen, Aakumi nen Ala awi ineenggi paga wureegwaarak yi, an minogo punuk, obaane'me aap ineenggi paga wuriyak meek nogo mendek ambi wuke neegak, nogo mbere yigin, yegerak, konenggoorak o,”

Marakut 15:29

Peenok-peenok piigo mbareegwa, it aakumi ando nogwe-wogwe nogo inuut walok yogo logonet, “Keyik! An Ala awi wurik minogo punuk, obaane'me wuke neegak, nogo mbere yigin, yagandak nogo, keebe eyo paga nabenogo pagagaarak ti, kagap ndakko'nok wambi mok ubi,” yinuk, miyuk-meya eerogo pereegwaarak.

Lukat 23:2

Wonok nogo nogogwaarik, inoone pilit at oba pogo logonet, “Aap yi, nit aakumi abok ninabut wurit nege logonet, aap endagembogut Kayitat o unde wonage onggo wu wogoriyak mage o. Kinowe endagembogut Keritut an aret o, agan nege me, kwaakkogoorak o.”

Yaya 9:29

At Ala nen Muta wone yoge nagagerak ti, nineenu aret kwe, at yi perak, ngga nen wagagerak ti, nit nineenggo'lek o,” yinuk, yoreegwaarak.

Nappiigak 17:18

Eeke me, it aap yi wone ndi wone alom kibingga mendek Epikurot wone ari inom, Towa wone ari inom, agan nogo nogogwaarak nogo nen, Pawulut inom wone onggo-onggo yogo logonet, “Wone yogwe iigetak kambok agan nege menggerak yi, nonggop mba'nuk agan nege mbakop?” yogwe, ndi, at Pawulut nen wone obeelom wone Yetut eeke nagagerak wone inom, at eenik a'nuk mi'nagagerak wone inom, yorage kenok, it ando nen, “Lek o. Aakumi alik inagugi awone wonok wage nagaarik, ari kogo o,” yinuk, yogwe, eekwi me, yogo nogogwaarak.

Nappiigak 18:13

Pi nogo nogogwaarik, “At aap yi, Ala alut eeko logorak wone yugu nogo kagak, alik eeko logowak nduk, aakumi iniki nggaganabit nege kenok, wonok wogo o.”

Nappiigak 22:22

It aakumi kuwak aago nogo at Pawulut wone ti ari konembunuk, “Aap yogobi mendek yi, eenik logorak lek o. Enggaawak mondok lek eerogo puwok o,” yinuk, inoone ya-mba yereegwaarak.