Matiyut 26:5 - Ala Wone Peenok Peebi Mbanak

⁵ “At ili yogo logonet, wat-wat yogwe iyo, laago lakwi paga pigoorak mage o,” yinuk, yereegwaarak.

Matiyut 26:5 ပူးပေါင်းရင်းမြစ်များ

Ndawi 76:10

Kat kanini aakumi inoba piige nogo, Aakumi inigen kenok, kendage tiyappugwi iigak, Kanini ando nogo ti, kagabee'le kwak yikkolage menggendak o.

Kini Wuppiige 19:21

Aakumi nen yi eeriyak ndi eeriyak ambik iniki koonggo menggaarak kwe, Aliku ALA nen eeriyak mbake perak, aret age menggerak.

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Matiyut 21:26

Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, it aakumi abok aret, At Yaya ti, Ala nen yoge kagak yoraga mendek aret o, yogwe me, ninagabiti o,” yinuk,

Matiyut 27:24

Yogo mbareegwa, at Pilatut nen, “An noone we aanom warogo ari, ndi, nawone-kawone yogo logonet, maluk nggwok eeriyak age, eeke,” kage nagagerik, niyo toolak waganogo it aap kuwak aago inenggaanom paga eenggi kooke logonet, “Aap yi, amiya an noba arigin lek o. Kit kinoba aret logogin me, kinobaalombok aret koonggo logonip o,” yinuk, yoragagerak.

Marakut 14:12

Laago Roti Piika'lek Mendek lappunuk, ne aa'nduk nonggo logonet, laago Obaga Mbo Nagagerak lariyak ndomba wako nogogwaarak me, at Yetut oone waganggwi nogo nen at yogo logonet, “Yetut wae. Kabugo laago Obaga Mbo Nagagerak noorak nggeeme pipuk eerogo pagagwi a nawi o?”

Marakut 14:2

“Aakumi wat-wat yogwe iyo, laago lakwi me nen pigoorak meek o,” yereegwaarak.

Marakut 14:27

Lagi nogo nogogwaarik, at Yetut nen it yorage logonet, “An nen aap ndomba ndegeninaka wake neenok, Ndomba nogo kole ma'narugun o, yinuk, Ala nen yereegerak liiru mbanak me, kit abok aret, Aap ti, nineenggo'lek o, yinuk, teppaninuk aret mbaganumunggup kwe,

Lukat 20:6

Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, Ia! It aakumi abok aret, At Yaya ti, Ala nen yoge kagak yoraga mendek mbakwi me, yugum paga ninoorugun o,”

Lukat 22:7

Laago Roti Piika'lek Mendek lappunuk, nonggo logonet, laago Obaga Mbo Nagagerak laruwok nduk ndomba wariyak eyom age mbareegi,

Yaya 18:28

Ayam oone ari mbareegi, it Yakuri mendek inoweewi nogo nen aap Kayapat ame nen Yetut piganok aap inowak loonggo menggam gubernur wonage menggim nogome wonok nogogwaarak. O awo wigangga'lek kagak wonok nogogwaarak. Wonok nogo nogogwaarik, laago Obaga Mbo Nagagerak lakwi iinok, ugun noorak me, “Nit maluk eekkolookwak,” mba'nuk, inowak loonggo menggam unggwi noolik, endekem puk ogogwaarak.

Nappiigak 19:29

Keekok yogo mbareegwa, o kota lombok time nggigi-nggigi wundit wogo nogogwaarik, noone-koone yogo logonet, it aap o Makendoniya mendek Pawulut inom nugu menggaarak, Nggayut Aritarukut imbirak pigiren, nano mendek pekkoorak kuwak eeri nogo menggam kole lombok nogome puu'nuk piya unggwogogwaarak.

Nappiigak 21:38

Yoge nagagerik, “Aap Metit mendek ambi nen, Ninalik aruwok o, yinuk, aakumi iniki nggagangge nagaarik, aakumi a'nggan wogonaka ineebe ambik empat ribu wogoren, karume aakumi lek me piya nagaarak nogo ti, kat aret nogo lek a?”

Nappiigak 4:28

Kat keenggi omaawi paga yi eekak ndi eekak eeriyak aa'nduk koonogo pereegindak nogo, eeruwok nduk eekaarak o.