Matiyut 26:49 - Ala Wone Peenok Peebi Mbanak

⁴⁹ at nogo nok-nok Yetut owagam nage nagagerik, “Nogoba ngguru wa,” yinuk, kambugereegerak.

Matiyut 26:49 ပူးပေါင်းရင်းမြစ်များ

Wakkagagerak 27:26

nengge nagagerik, at Itak nen, “Naput o. Nimbirak ninagandin lambun-lambun yuwok nduk, nowagam ya'i panggo yi mok o.”

2 Tamuwen 20:9

At Amata nogo, “Yowap mbuti ndut eenggim wonage nogo paga noorigin,” mbarulik we ugun wonage kagak, Yowap nen at yoge logonet, “Noreeluk, kat obeelom wonage ilik?” yinuk, agandin eyak mbanikit nduk, amboro eenggi abe paga pippunuk, mbuti ndut eenggim wonage nogo paga Amata aanogum paga ndanuk togon mambereegerak aanagale kiluk togon nggween paga wambeegerak aret kangge mbareegi, ambinom warulik mbo punuk, awuluk Abitayi imbirak aap Mbikiri aput Teba nogo mugurok nogogwaarak.

Kini Wuppiige 27:6

Kimbirak ogoorak nogo nen oone yanggok-yanggok yokkirit nage menggerak kwe, Kore kiniki kunik nen perak, op logonok nduk, yawi paga kooke menggerak.

Matiyut 23:7

yi mendek ndi mendek onggo kunggo menggam, Nit mban keyage wappinanuwak, mbakwi, aakumi nen, Ngguru wa, yinuk, yo'niroorak mbakwi, eeko logorak inikilom mbako menggaarak kwe,

Matiyut 23:8

kit perak, mamunggirage minggirak an nalik aret o. Ndi, kit nore-kore lombok wonogwe me, aakumi nen, Ngguru wae, yokkiroorak lek o.

Matiyut 26:25

Yorage mbareegi, at Yurat Yetut eebe waruwak nduk yoramenggerak nogo nen Yetut yoge logonet, “Ai, Ngguru. An aret ilik?” Yoge mbareegi, Yetut nen, “Kat nen aret yikkolagan o,” yoreegerak.

Matiyut 26:48

Ndi, at Yetut eebe waruwak nduk, onggo mbaneegerak nogo nen, aa'nduk inom wone mbangge logonet, “Yelok kaabagip nduk, an nen at ambi kambugege neenok, Aap nogo ti aret, mba'nuk, piganu o,” yinuk, wone inom mbaneegerak me,

Marakut 15:18

iniki laakot paga keyage wappogo logonet, “Wa! It aap Yakuri inowe kendagembogut kat aret me, wa,” yinuk,

Lukat 7:45

Kat nen an kambu'nirulik kwe, at perak, an unggwi wagarak kuli nen yogondak kuli puk aga'lek naganak paga pirik-perek mban ari agaarik o.

Yaya 19:3

Yirippogo nogogwaarik, ambi nen yogak eeko logonet, “Aakumi Yakuri inowe kendagembogut yi wa!” yinuk, ineenggi telak wako nogogwaarak.

Yaya 4:31

Awo wogwe iigak, at Yetut oone waganggwi nen Yetut yogo logonet, “Ngguru wae! Mbi yi namen o.”

1 Tetalonika 5:26

Keyage wat-wat yogo logonet, kiniki kunik paga linggik-kambuk yogo logonip.

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.