Matiyut 26:48 - Ala Wone Peenok Peebi Mbanak

⁴⁸ Ndi, at Yetut eebe waruwak nduk, onggo mbaneegerak nogo nen, aa'nduk inom wone mbangge logonet, “Yelok kaabagip nduk, an nen at ambi kambugege neenok, Aap nogo ti aret, mba'nuk, piganu o,” yinuk, wone inom mbaneegerak me,

Matiyut 26:48 ပူးပေါင်းရင်းမြစ်များ

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

Ndawi 28:3

It maluk eeka inom, maluk eerit nugu menggaarak inom, Wogoren nage logonet, Ninom wo'neren nage ti mage o. It aap ti, iniki obeelom mbaruwak nduk, Inoreewi inom wone abe yogwe kwe, iniki perak, Aakumi maluk eeppiyoorak mba'nuk, agan nugu menggaarak.

Matiyut 26:47

At Yetut awo yorage kagak, it Ala unde inoweewi inom, it aakumi inogobamini inom, nen aap ambi aago paloowi waganggwi, mbim mbanak waganggwi, ee'nuk, Yetut wa nawak nduk, nappiyareegwaarak nogo it aap 12 mendek yendennagagerak Yurat nogo inom aret nogogwaarak.

Matiyut 26:49

at nogo nok-nok Yetut owagam nage nagagerik, “Nogoba ngguru wa,” yinuk, kambugereegerak.

Marakut 14:44

At Yetut eebe waruwak nduk onggo nggereneegerak nogo nen aa'nduk inom wone mbanggo logonet, “Yelok kaabagip nduk, an aap ambi kambugege neenok, Aap nogo ti aret, mba'nuk, piganok liirogon wonok nanu o,” yinuk, wone mbaneegwaarak me,