Matiyut 26:45 - Ala Wone Peenok Peebi Mbanak

⁴⁵ Tamban eeppunuk, it at oone waganggwi nogo inowagam wage nagagerik, “Kit yonggonggologo logonet, nogo mban yogo logorak mbako ogotik ya? It maluk eeko menggaarak nen an aap aret nda'nagagirak neebe nooruwak nduk wogoroorak eyom muk panggo yi wagaarak yi kaanip o.

Matiyut 26:45 ပူးပေါင်းရင်းမြစ်များ

1 Endagembogut 18:27

Wone onggo yoraga'lek mban kagak o liingge ari wage mbareegi, at Eliya nen it meek eerogo piige logonet yorage, “At Mba'an ti, kinogoba nogo lek a? At awo iniki koongge, iniki taganak eerit nage, o ambime nage, nogo yege me, eenik eeppuurak nduk, tokkiige, eeke kero, kinoone omaawi togon wii'nip o.”

Wone Alom Kibingga 11:9

Wulaga tawe yi wae. Kat awo tawe wonage logonet, kiniki ale'nggen mbake, Kat awo tawe paga kiniki ale'nggen nen eerit nage, Eeriyak eekkake nogo mugurok nage, Kenegen kenok eerit nage, Eeke logorak ti op aret kwe, Yi eekak ndi eekak eeremenggendak abok aret nogo paga Ala nen kowak loonigin mbake logot o.

Matiyut 26:18

Yogo mbareegwa, Yetut nen, “Kit o kota time unggwogo logomonggotik, aap time mendek ambi yogo logonet, At Ngguru nen, An eeppaniyak koonak nogo, muk panggo yi wagaarak me, it noone waganggwi ninom kat kame time laago Obaga Mbo Nagagerak larogo nawok o, yinuk, yegerak, yoret o.”

Matiyut 26:2

“Nogo mbere yippunuk, laago Obaga Mbo Nagagerak lariyak kineenu me, lakwi eyom paga an aap aret nda'nagagirak yi, eyo karo-karo paga nabembanuwak nduk, neebe pigogo aakumi wogoraagin o,” yinuk, yoragagerak.

Matiyut 26:44

Nogo yugwi iigak, teppiinok, nage nagagerik, aa'nduk ne mbere paga Ala yoreegerak nogo, peebi ne ambinom tamban eeke logonet, togop aret yoreegerak.

Matiyut 26:46

At neebe nooruwak nduk, nonggo mbanggerak nogo muk koorok wage yi aret me, nawok nduk, mi'na'nip o,” yinuk, yoragagerak.

Marakut 14:35

Yoraanuk, nirurogon nage nagagerik, enete wanduk nggween paga ngginna'nuk at ndi eyom paga eeppuurak Ala nen kooneegerak nogo, “Eeriyak lek,” mbakerak kero, ogoba Ala yoge logonet,

Lukat 22:53

Ko'lu-kii'me Ala awi wurik me ninom neegak, pi'nabulik kwe, at o yumaak unde menggerak nogo kinom ee'naburak eyom yogondak yi aret me, ee'nip o,” yinuk, yoragagerak.

Yaya 12:23

Yogo mbareegwa, at Yetut nen, “An aap aret nda'nagagirak tiyappaniyak eyom muk panggoni wagaarak o.

Yaya 12:27

Yorage nagagerik, at nen ari logonet, “Yogondak niniki abu puru yegerak me, an nonggop yi o? Yogondak eeppaniyak koonggwi yi, eeppanugwi iyo, lek eerogo pu o, nogoba, yori ilik?” mbareegerak mendek, ti'nuk, ogoba yoge logonet, “Lek o. Yi eeppanuwak nduk aret wagagirak me,

Yaya 13:1

O kiyoma laago Obaga Mbo Nagagerak lariyak eekwi iigak, at Yetut o nggween paga yime mbo punuk, ogoba ka noorak eyom panggoni wagagerak eenu wonagagerak. At apuri at inom o nggween paga nugu nogogwaarak nogo, iniki kunik eeginake nagagerak me, “Iniki kunik ee'ninake tit kagak, kanggi o,” mbaruwak nduk, eeppiyareegerak nogo yi aret kagak, eeppuurak eyom nogo aret ari nagagerak.

Yaya 17:1

Wone ti yorage nagagerik, at Yetut ena mbogut paga ni'na'nuk, ogoba yoge logonet, “Ai, nogoba o! An ee'naburak eyom panggoni wagaarak o. An kaput nen kat tiyappagakit nduk, kaput an naa'nduk tiyappanu o.