Matiyut 26:39 - Ala Wone Peenok Peebi Mbanak

³⁹ Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Matiyut 26:39 ပူးပေါင်းရင်းမြစ်များ

Wakkagagerak 17:3

Yoge mbareegi, Abaram nogo nen nggween paga enete wanduk wangge mbareegi, at Ala nen Abaram yoge logonet,

2 Tamuwen 15:26

Ndi, Ala nen, Kat an ninikilom lek aret o, yo'nege kenok, ti op mban aret me, at eeppaniyak mbake kenok ti aret eeppanege logowak o,” yinuk, yoreegerak.

1 Mbinineegwaarak 21:16

Yoge mbareegi, at Ndawut nogo nen enegen pila ari nagagerik, Aliku ALA ayonggo malayikat nogo, mbogut agi kagak, nggween ogu kagak, oolo taati mi'ndak paloowi o Yerutalem irimbaga titik eerogo nappunuk wonage enegen kage nagagerik, at inom, Iterali inoweewi inom, inayum nibinik maluk mendek yirik logonet, inete wanduk, ngginnogogwaarak.

Yetaya 50:5

At Aliku Itok Menggerak ALA nen naruk liirogon konengge logokit nduk, eeppanegerak me, “An koneniyak neebi,” mbake, nena nomok ari, Eerulik o.

Yetaya 53:12

Togop me, it aakumi apit aret inomaluk wagangge, It wone yugu taganogo pereegwaarak nogo inake tamban eeke, Eeke logonet, Waruwok nduk eekwi iigak, eebe ili yikkoloolik teppege, It aap maluk eeka inom wonage ineenggi lingginiyak eebi mbaka'lek wonage, Eereegerak me, Aakumi inamendek ndinik nogo aap yo'nggok wogorage logonet, at inom wogoge, It aap wakaa'ngget aakumi inagugun wogo tumburirage logonet, at inom tumburege, Eerigin o,” yegerak o.

Yetikiyen 1:28

O mayu wage logonet, ndugwi lenggenak wonage paga mbulu nagabak menggi kwak, eya abinak at enaagan-ambokan wanggerak wonage kagagirak. Kage nagagirik, “Aliku ALA tiyanak lombok eya eerak negen aret kagi,” yinuk, ngginna'nuk, nena nggween paga wandunik wonage me, at ambi nen oone ari naruk koneneegirak o.

Linggineegwaarak 14:5

Yogo mbareegwa, at Muta Karun imbirak it aakumi Iterali wonogwe abok aret inenggaanom paga enete wanduk ngginnogogwaarak.

Linggineegwaarak 16:22

Yoragagerak kwe, at Muta Karun imbirak nen inete wanduk ngginna'nuk, Ala yogo logonet, “Ninogoba Ala wae. Aakumi ineenik unde menggendak kat Ala aret me, aap ambit maluk eekerak paga aakumi kuwak aago yi abok aret nonggop togon lek eerogo piyaamunggun o?”

Matiyut 20:22

Yoge mbareegi, at Yetut nen, “Kit nggino yo'nugwi ti, kineenggo'lek logonet, nggino yo'nogo ogotik o. An nagi toolak nagin nogo ti, kit noorak op mbakop?” Yorage mbareegi, it nen, “E o. Nit noorak op aret o.”

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Matiyut 26:42

Yoge nagagerik, ne ambi teppiinok nage nagagerik, Ala yoge logonet, “Ai, nogoba. An ee'naburak amburu toolak kwak yi, nengga'lek me teppaniyak meek kenok, kat kiniki mbake aret eerigin o,” yinuk, tamban eereegerak.

Marakut 13:22

It ando we piliret, Keritut nogo an aret o, ndi, Ala nen yo'nege kagak yoraga mendek ti, an aret o, yinuk, agan wogo logomenggaarik, It aakumi Ala apuri miirogo leeninabeegerak nogo nomoninaburak op kaamun ilik? yinuk, nomoninabuwok nduk, inagabiti warak mendek inom, eerubok mendek inom, eekwi iigak aret kwe,

Lukat 17:16

Ala endage wogoppit Yetut abu'me tebe yi wage nagagerik, ale'nggen nen, “Wa!” mban yoreegerak. Aap ti, o Tamariya mendek aret o.

Yaya 11:41

Yoge mbareegi, yugum ponggonogo nappogo mbareegwa, Yetut nogo ena ni'nage nagagerik, “Nogoba o. Kat an noone muk konenggendak me wa yokkigi o.

Yaya 14:31

It o nggween paga yime menggaarak nogo nen an nogoba niniki kunik minggirak ineenu aruwak nduk, an nogoba nen, Yogop ee'nu, ndogop ee'nu, yo'nege nogo ndak-ndak aret eeke minggirak o.” Yorage nagagerik, “O yime mbo punuk, mbet-mbet nawi o,” yinuk, yoragagerak.

Yaya 18:11

Aruk tabonggage mbareegi, Yetut nen at Peterut yoge logonet, “Peterut wae. Kobaloowi obaane'me yonggolu o. Yiiwa'na toolak kwak an ee'naburak nogoba nen koonogo paneegerak yi, an noorak lek nombakendak ya? Lek o. Nagin aret o,” yinuk, yoreegerak.

Yaya 5:19

Eekwi me, at Yetut nen it yorage logonet, “Ala aput nalik niniki koombunuk nen eeriyak meek o. An nogoba eeke nenegen kenok mban eeke minggirak o. Nogoba nen yi mendek ndi mendek eeke nogo ti, aput an ndak-ndak aret eeke minggirak.

Yaya 5:30

Yetut nen ambinom yorage logonet, “An nalik niniki koombunuk nen ambi eeriyak meek o. Ata, Ala yo'nege konembunuk mban inowak loonogo maluk onggo eeppiige minggirak. An niniki mbake paga eekeelik o. At nappani wagagerak an nogoba iniki mbake nogo mban eeke minggirak me, an aakumi inowak loonogo maluk onggo eeppiige nogo ti, a'me liirogon aret eeppiige minggirak o.

Yaya 6:38

An niniki mba'nuk eeke logokit nduk, mbogut paga nen wambi woroolik. Ata, at nappani wagagerak eeriyak mbake nogo mban eerikit nduk wagagirak o.

Nappiigak 10:25

Peterut oore'nggam unggwi nage mbareegi, at Koreneliyut nogo nen at ayuk wuko logonet, abu'me wanduk yi nage mbareegi,

Pilipi 2:8

Nda'nage nagagerik, aakumi nit pogom aret nege logonet, eyo karo-karo paga kambuurak ti, meek aret kwe, Iniki tebeppatinuk, “Ti paga kambuurak op aret o,” yinuk, kambeegerak.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.